Flamengok Chelsea garaitu du, Benficak Auckland jipoitu du eta Bayernek Boca menderatu du
Flamengok markagailua irauli du ostiralean Kluben Munduko Txapelketako D Multzoko bigarren jardunaldian, Chelsearen kontrako partida 3-1 irabazita final-zortzirenetara pasatzeko. C Multzoan, Benficak nagusitasunez menderatu du Auckland City, 6-0, eta Bayern Munichek 2-1 garaitu du Boca Juniors.
Flamengo vs Chelsea (3-1)
Brasilgo taldeak bigarren zatian eskuratu ditu orain arte lortu dituen 6 puntuak, oraingoan Pedro Netok jarritako 0-1ekoari buelta emanda. Bruno Henrique 60. minutuan zelairatu da, eta berehala sartu du 1-1ekoa. Handik gutxira, jokalari hegoamerikarrak Danilori eman dio baloia 2-1ekoa egiteko, eta Wallace Yanek egin du 3-1ekoa, Gonzalo Plataren asistentzia bat baliatuz, Lincoln Financial Field Filadelfiako zelaian.
Benfica vs Auckland City (6-0)
Benficak bere faboritismoa indartu du bigarren zati ikusgarria eginez. Ekaitza dela eta partida bi orduz etenda egon eta gero, jokatzen jarraitu dute, eta Portugalgo taldeak bakarrik egin du, Zeelanda Berriko taldea nagusitasunez menderatu baitu (6-0). Pavlidis, Renato Sanches, Leandro Barreiro (2) eta Di Maria (2) izan dira partidako golegileak.
Bayern Munich vs Boca Juniors (2-1)
Michael Olisek 84. minutuan sartutako golari esker, 2-1 irabazi du Bayer Munichek Boca Juniorsen aurka. Porrot horren ondorioz, Argentinako taldeak ez du bere esku FIFA Kluben Munduko Txapelketako final-zortzirenetara igarotzea.
Bayernek aurrea hartu du 18. minutuan, Harry Kaneren golari esker, baina Bocak markagailua berdindu du bigarren zatian, Miguel Merentielek banakako jokaldi on bat biribilduta. Oliseren golak, ordea, Bavariako taldeari eman dizkio 3 puntuak.
Zure interesekoa izan daiteke
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.