Botafogok mendean hartu du PSG, eta B multzoko lider jarri da (1-0)

Paris Saint-Germain Europako txapeldunak Botafogo 2024ko Libertadores Kopako txapeldunaren aurka galdu du. Brasilgo taldeak Kluben Munduko Txapelketa irabazteko faboritoetako baten mailan dagoela erakutsi du.

Igor Jesus Botafogoko jokalaria Seattle Sounders taldearen aurkako partidan Argazkia: EFE

EITB

2025/06/20 - 12:21

Azken eguneratzea

2025/06/20 - 14:58

Botafogok, 2024ko Libertadores Kopako txapeldunak, soken aurka jarri du Paris Saint-Germain (PSG), Europako txapelduna.

Igor Jesus aurrelariak, zelaiaren erditik pase luzea jaso ondoren, 36. minutuan sartutako gol batek garaipena eman dio Renato Paivak zuzentzen duen taldeari (1-0), Pasadenako (Kalifornia, AEB) Rose Bowl zelaian jokatutako B multzoko partidan.

Karioken garaipenak kolokan jarri du Luis Enriqueren taldeak torneoan jarraitzeko aukera, eta astelehenean, ekainak 23, Seattle Sounders garaitu beharko du, aurrera egin nahi badu.

Bestalde, Atletico Madrilek egun berean jokatuko du Botafogoren aurka. Madrilgo taldea multzoko liderra da, 6 punturekin.