Athletic eta Reala, final-laurdenetarako txartelen bila
Athleticek eta Realak Europa Ligako final-laurdenetarako txartelak lortu nahi dituzte, ostegun honetan, martxoaren 13an. Bilboko taldeak etxean jokatuko du; Donostiakoak, aldiz, Manchesterren.
Zuri-gorriek Erroma izango dute aurkari San Mamesen, 18:45ean, final-zortzirenetako itzuliko partidan. Athleticek 2-1 galdu zuen joaneko neurketa, eta emaitza hura irauli behar du txapelketan aurrera egiteko.
Ernesto Valverdek zuzendutako taldeak baja garrantzitsuak ditu Italiako taldearen kontrako hitzordurako: Oihan Sancet eta Daniel Vivian min hartuta daude, eta ez dira jokatzeko prest egongo; Yeray Alvarezek ere ezingo du jokatu, egotzia izan baitzen joaneko norgehiagokan. Biak ala biak oso jokalari garrantzitsuak dira Athleticen, eta ordezkatu behar dituztenek maila oso ona eman beharko dute taldeak lehia irabazteko aukerak izateko. Unai Nuñezek beteko du Vivianen hutsunea, eta Sancet ordezkatzeko Unai Gomez eta Alex Berenguer dira hautagaiak.
Erroma, aldiz, joaneko emaitza, aldeko 2-1ekoa baliatzen saiatuko da. Claudio Ranierik zuzendutako taldea bolada onean da. Paulo Dybala taldeko izarra zalantza da arazo fisiko batzuen ondorioz, baina badirudi San Mamesen jokatzeko prest egongo dela.
Bestalde, Realak Old Trafforden du hitzordua, 21:00etan, Manchester Uniteden kontra. Txuri-urdinek 1-1 berdindu zuten joaneko partida.
Uniteden nahasmena da nagusi, klubaren organigraman aldaketak egiten ari baitira, eta kirol arloan taldea ez baitabil betetzen denboraldia hasi aurretik jarritako helburuak. Hala ere, iragan asteburuan, Manchester Unitedek 1-1 berdindu zuen Arsenalekin Premier Leagueko norgehiagoka.
Realak gau historikoa bizi nahi du Manchesterren. Imanol Alguacil entrenatzaileak prest izango du Martin Zubimendi, eta Odriozolak zein Zakharianek ere normaltasunez entrenatu dute aste honetan. Hala ere, azkenean, Zakharian ez da Manchesterren egongo, razoak izan dituelako bere bisarekin, eta Donostiara itzuli da. Pacheco, min hartuta, ez da jokatzeko prest egongo, Luka Sucic ere baja da lesio baten ondorioz, eta Jon Mikel Arambururen parte-hartzea zalantzan dago, arazo fisikoak dituelako; hala ere, badirudi hasieratik jokatzeko moduan egongo dela.
Manchester Unitedek hainbat baja ditu. Hauek dira txuri-urdinen aurka jokatzeko prest egongo ez diren Uniteden jokalariak: Amad Diallo, Kobbie Mainoo, Luke Shaw, Mason Mount, Lisandro Martínez, Altay Bayindir, Tom Heaton eta Jonny Evans. Horiez guztiez gain, Leny Yorok ere min hartu zuen Arsenalen kontrako neurketan, eta zalantza da.
Zure interesekoa izan daiteke
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Kumba Brima aurrelaria Alavesen arituko da 2026-2027 denboraldian
Futbolari sierraleonarrak Rigak utzita jokatuko du euskal taldean; Baltikoko Ligan, goleatzailerik onena izan da. 24 urtekoa jokalariak “indarra, gaitasun fisikoa eta arean trebetasuna” ditu, Alavesen arabera.