Reala-Osasuna Kopako final laurdenetako kanporaketa otsailaren 6an, ostegunez, 19:30ean jokatuko dute
Reala-Osasuna 2024-25 denboraldiko Errege Kopako final laurdenetako kanporaketa otsailaren 6an jokatuko dute, ostegunez, 19:30ean, Espainiako Futbol Federazioak astelehen arratsaldean iragarri duenez. Partida Reale Arenan jokatuko dute, Donostian, eta Errege Kopan jarraitzen duten Euskal Herriko bi taldeek txapelketako finalerdietarako txartel bat izango dute jokoan.
Final laurdenetako zozketa arratsaldeko lehen orduan egin dute, eta, horretan, Realaren eta Osasunaren arteko derbia suertatu da. Aurreko denboraldian, final zortzirenetan, bi taldeak Sadarren aritu ziren nor baino nor gehiago, eta orduan Realak irabazi zuen, 0-2. Aurtengo Kopan, final zortzirenetan, Gipuzkoako taldeak Rayo Vallecano kanporatu zuen (3-1), eta Osasunak Athletic utzi zuen lehiaketatik at (2-3).
Hona hemen noiz jokatuko dituzten 2024-25eko Errege Kopako final laurdenetako kanporaketak
Otsailaren 4an, asteartez
Atletico Madril-Getafe, 21:30ean
Otsailaren 5ean, asteazkenez
Leganes-Real Madril, 21:00etan
Otsailaren 6an, ostegunez
Reala-Osasuna, 19:30ean
Valentzia-Bartzelona, 21:30ean
Zure interesekoa izan daiteke
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.