Athleticek bereganatu du Eibarren aurkako Ipuruako derbia, luzapenean (1-2)
Eibar eta Athletic aurrez aurre aritu dira F Ligako 6. jardunaldian, eta zuri-gorriek eskuratu dute garaipena Ipurua futbol-zelaian jokatutako euskal derbian, 1 eta 2, azken hatsean Irene Oguiza durangarrak sartutako gol bati esker.
Athleticek azkar hartu du aurrea markagailuan, 10. minutua bete orduko, Clara Pinedok area kanpotik sartutako gol ikusgarri baten bidez. David Aznarren taldeak sendoago jardun du lehen zatiko parterik gehienean, azken aldera armaginek lehiari neurria hartu badiote ere. Hala, azken minutuetan zenbait hurbilketa arriskutsu izan dituzte, eta horietako batean Ane Campos Adriana Nanclares atezainaren aurrean geratu da, baina horren erremate behartua kanpora joan da.
Bigarren zatian, etxekoak hobeto zelairatu dira, presioa areagotu, eta erasoari begira jarraitu dute. Margheritta Monnecchi italiarra gola egiteko zorian izan da 53. minutuan, Nanclaresek luze bidali nahi zuen baloi batek Eibar taldeko jokalaria jo duenean, baina baloi hori ere hondoko marratik atera da, atetik oso gertu.
Etxekoen berdinketaren gola handik minutu batzuetara iritsi da (69.ean), zelairatu berria zen Arene Altonagaren eskutik. Leioako erdilariari areatik kanpo heldu zaio baloia, eta haren jaurtiketa apartari ezin izan diote erantzunik eman ez Nanclares atezainak, ezta Nerea Nevado atzelariak ere.
Norgehiagokaren azken txanpan, etxekoak garaipenaren bila saiatu dira, eta bisitariek, ostera, nahikoa zuten etxekoen ahaleginak eragoztearekin. Horietako batean, ezker hegaletik egindako barneraldi batean, Laura Caminok langara bidali du baloi bat, erdiratzen saiatu denean.
Hala, derbia berdinketarekin bukatuko zela zirudienean, zuri-gorrien gola iritsi da, geldikako jokaldi batean. Nevadok falta bat atera du eskuin hegaletik, eta Irene Oguizak buruz baloia sare barrura bidali du. Horrela, zuri-gorriek garaipen batekin ospatu dute euren historiako 700. neurketa ofiziala.
Zure interesekoa izan daiteke
Nerea Eizagirre: "Beti esan dugun bezala, eguneroko lan horretan dago gakoa"
Realak 3-0 irabazi du Zubietan jokatutako euskal derbian. Partidaren ostean, Eizagirre pozarren agertu da, eta orain arte egindako lan ona azpimarratu du.
Arene Altonaga: "Gure aukerak eduki ditugu, ez ditugu sartu, eta horrek partida baldintzatu du"
Eibarrek 3-0 galdu du Zubietan jokatutako euskal derbian. Partidaren ostean, Altonagak burumakur esan du aukerak izan dituztela baina golak sartu ez izanak partida baldintzatu duela.
Realak 3-0 irabazi dio Eibarri Zubietan jokatutako euskal derbia
Txuri-urdinak nagusitu dira armaginen aurkako F Ligako 17. jardunaldiko partidan. Intza Egigurenek lehena egin eta gero, bigarren zatian Eibarrek bere atean sartu ditu hurrengo bi golak.
Bartzelonak seigarren Superkopa irabazi du klasiko parekatu batean (2-0)
Brugts eta Putellas protagonistak izan dira Bartzelonak Superkopan duen nagusitasuna berretsi duen partida zirraragarrian.
Urko Izeta: "Taldea desanimatuta dago"
Athleticek 2-1 galdu du Sevillaren aurka jokatutako partidan, eta 5 puntura ditu jaitsiera postuak.
Iparra galduta jarraitzen du Athleticek Ligan (2-1)
Navarrok aurretik jarri ditu zuri-gorriak, baina Pequek eta Akorrek buelta eman diote markagailuari, eta Sevilla nagusitu da azkenean.
Osasunak 9 hilabeteko lehortea hautsi du etxetik kanpo Rayo garaituta (1-3)
Ligan 10 jardunaldi jarraian irabazi gabe egon ondoren, talde gorritxoa Iñigo Perezen taldeari gailendu zaio Budimir, Jozhua (bere atean) eta Asier Osambelaren golei esker.
Unai Nuñezek utzita jokatuko du Valentzian
Erdiko atzelariak eskuinean zein ezkerrean joka dezake, eta Mouctar Diakhaby lesionatuaren baja betetzeko fitxatu dute.
Valverde: "Athletic denboraldiko une erabakigarrian dago"
Athleticeko entrenatzaileak aitortu duenez, LaLigako sailkapenean duten egoera kontuan izanda (erdialdean, hamar taldeko multzoan ), eta bizirik Txapeldunen Ligan eta Errege Kopan, "denboraldiko une erabakigarrian" daude.
Matarazzo: "Partidu hauetan egin duguna errendimendua da, ez zortea"
Realeko entrenatzaileak Celtaren aurka jokatuko duten partidaz hitz egin du, EA Sports Ligako 21. jardunaldian. Bestalde, Gotiren irteeraz ere mintzatu da.