Oroz, Turrientes eta Pacheco Olinpiar Jokoetako finalerako sailkatu dira, Espainiako selekzioarekin
Aimar Oroz, Beñat Turrientes eta Jon Pacheco Parisen jokatzen ari diren 2024ko Olinpiar Jokoetako finalerako sailkatu dira, futboleko txapelketan, astelehenean, Espainiako selekzioarekin, eta, horrenbestez, euskal kirolarentzako beste domina bat ziurtatu dute. Marseillan jokatutako finalerdian, Espainiak Maroko menderatu du, 1-2; Ferminek eta Juanluk egin dituzte Espainiaren golak, eta Rahimik, penaltiz, partidako lehenengo gola sartu du. Aimar Orozek partida osoa jokatu du, eta Beñat Turrientes azken minutuetan zelairatu dute.
Espainiak kalitatea eta indarra izan ditu, markagailua iraultzeko. Lehen zatian bi taldeak parean ibili dira; hori bai, Marokok, tarte batzuetan, Espainiak baino argiago kontrolatu du zelai erdia. 37. minutuan, Soufiane Rahimik, penalti bat baliatuta, 1-0ekoa sartu du. Baenak, atsedenaldira joan aurretik, gertu izan du banakoa, baina bere jaurtiketak zutoina jo du.
Bigarren zatian, Espainia gehiago izan da. Azkarrago ibili da erasoan, eta, gainera, Ferminek partida bikaina egin du. Santi Deniak entrenatutako taldeak 65. minutuan berdindu du, eta, 85. minutuan, bigarren gola lortu.
Beraz, Espainiak deitutako hiru euskal jokalariek urrezko domina irabazteko aukera dute, eta jakin badakite gutxienez zilarrezko domina aldean itzuliko direla etxera. Sergi Gomez Realeko fitxaketa berriak ere jokatu du.
Fitxa teknikoa
1 - Maroko: Munir El Kajoui; Achraf Hakimi, Oussama El Azzouzi, Mehdi Boukamir (Mehdi Maouhoub, 88. min), Zakkaria El Ouahdi; Amir Richardson, Oussama Tarhalline; Ilias Akhomach, Eliesse Ben Seghir, Ez Abde; eta Soufiane Rahimi.
2 - Espainia: Arnau Tenas; Marc Pubill (Juanlu Sanchez, 61. min), Eric Garcia, Pau Cubarsi, Juan Miranda (Miguel Gutierrez, 61. min); Pablo Barrios (Adrian Bernabe, 66. min), Fermin Lopez (Beñat Turrientes, 88. min), Alex Baena (Samu Omorodion, 92. min); Sergi Gomez, Aimar Oroz eta Abel Ruiz.
Golak: 1-0: Rahimi, 36. min. 1-1: Fermin, 66. min. 1-2: Juanlu, 85. min.
Epailea: Glenn Nyberg (Suedia). Marokoko Rahimi eta Richardson eta Espainiako Arnau Tenas, Fermin eta Bernabe zigortu ditu, txartel horia erakutsita.
Zure interesekoa izan daiteke
Athleticek Patricia Zugasti berritu du 2026-2027 denboraldirako
2023ko udan ailegatu zen Lezamara Riezuko aurrelaria, CA Osasunatik.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Suitzak eta Qatarrek 1-1 berdindu dute, Brasilek eta Marokok gauza bera egin dute (1-1), Eskoziak 0-1 garaitu du Haiti, eta Australiak 2-0 Turkia
Ostegunean hasi zen 2026ko Munduko Futbol Txapelketako hasierako faseak partida parekatuak eta ezustekoak izan ditu orain arte. Qatarrek puntu bat lortu du Suitzaren aurka luzapenean (1-1), Brasilek eta Marokok berdinketa lortu dute (1-1), Eskoziak garaipen estua lortu du Haitiren aurka (0-1) eta Australiak ezustekoa eman du Turkia 2-0 garaituta.
Euskal selekzioaren aldeko kontzentrazioak egin dituzte hainbat herritan
Euskal selekzioaren ofizialtasunaren alde lanean ari den 7BAIETZ! plataformak kontzentrazioak deitu ditu Euskal Herriko hainbat udalerritan, Munduko Futbol Txapelketan euskal selekzioa ez dagoela presente gogoratu eta salatzeko.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
AEBk 4-1 garaitu du Paraguai, eta Kanadak eta Bosnia-Herzegovinak 1-1 berdindu dute
Etxeko selekzioek hasiera ezberdina izan dute 2026ko Munduko Kopan. AEBk 4-1 garaitu du Paraguai Los Angelesen, SoFi Stadiumean, lehen zatian erakustaldia emanda. Kanadak, bere aldetik, ezin izan du garaipena lortu bere zaleen aurrean, baina puntu bat eskuratu du Bosnia-Herzegovinaren aurka (1-1).
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Realak Ainoa Campo fitxatu du, 2029ra arte
Espanyoletik ailegatu da 29 urteko erdilaria talde txuri-urdinera, eta kapitaina zen bertan. “Oso eskertuta nago proiektu anbiziotsu honetan parte hartzeko Realak nigan jarri duen konfiantzagatik”, adierazi du Campok.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Hego Koreak markagailua irauli du Txekiaren aurka, lehen hiru puntuak eskuratzeko (2-1)
Asiako taldeak erreakzionatu egin du lehen gola jaso ostean, eta 2-1 irabazi dio Txekiari Guadalajaran. Hwang Inbeomek eta Oh Hyeong Gyuk Hego Koreako jokalariek markagailua irauli dute Ladislav Krejciren hasierako golaren ostean.