Horrelakoa izan da euskal kirolarien jardunaldia abuztuaren 5ean, astelehena
2024ko Parisko Olinpiar Jokoetan, abuztuaren 5eko jardunaldian, euskal kirolak hainbat interesgune izan ditu; Euskal Herriko kirolariak kayak surfeko, hiruko saskibaloiko, futboleko eta waterpoloko probetan aritu dira.
HIRUKO SASKIBALOIA
Gracia Alonso de Armiño bilbotarrak zilarrezko domina kolkoratu du Paris 2024 Oilinpiar Jokoetako hiruko saskibaloian, Espainiak finalean Alemaniaren aurka jasotako porrotaren ondorioz (17-16)
Zilar horrek, baina, zapore ona du, inork gutxik espero baitzuen Gracia Alonsok eta bere hiru taldekideek horrelako emaitzarik lortzea. Gainera, hiruko saskibaloia, kirol ezezaguna, zabaltzen lagundu dute. Saskibaloi mota honek bere bigarren Olinpiar Jokoak ditu, Tokio 2020an izan baitzen estreinakoz jokoetan.
FUTBOLA
Futbolean, Aimar Orozek, Beñat Turrientesek eta Jon Pachecok finalerako sailkatzea lortu dute; ostiralean, urrezko domina zein selekziok irabaziko duen erabakiko duen partidan, Espainiak Egipto edo Frantzia izango du aurkari. Marseillan jokatutako finalerdian, Espainiako selekzioak Maroko hartu du mendean, 1-2, eta horrela ziurtatu du titulurako partidarako txartela.
Hortaz, Orozek, Turrientesek eta Pachecok bermatu egin dute domina bat aldean bueltatuko direla Euskal Herrira; hori bai, zehaztu gabe dago domina hori urrezkoa ala zilarrezkoa izango den. Osasunako jokalariak osorik jokatu du partida, Realeko erdilaria azken minutuetan zelairatu dute, eta atzelari nafarrak ez du jokatu.
HIRUKO SASKIBALOIA
Hiruko saskibaloian, Gracia Alonso de Armiño bilbotarrak, Vega Gimeno, Sandra Ygueravide eta Juana Camilion taldekideekin batera, final olinpiarrerako sailkatzea lortu du, Espainiako selekzioarekin. Alonso de Armiñoren taldeak 22:00etan jokatuko du final hori, eta Alemania izango du aurkari urrezko domina irabazteko partidan; izan ere, Alemaniak Kanada kanporatu du, 16-15. Beraz, Pau Etxanizek irabazitakoaren ostean, Gracia Alonso de Armiñok euskal kirolak Joko hauetan erdietsitako bigarren domina ziurtatu du.
Espainiak eta Ameriketako Estatu Batuek jokatutako finalerdia bizi-bizia izan da. Espainiako taldea 18-16 gailendu da, luzapenean. Alonso de Armiñok hiru puntu egin eta lau errebote hartu ditu.
KAYAK KROSA
Kayak krosean, Maialen Chorrautek finalerdietara sailkatzea zuen helburu, baina ezin izan du aurrera egin. Hortaz, Lasarte-Oriako kirolaria kanporatu egin dute, eta ezin izan du dominarik eskuratu, bere bosgarren Olinpiar Jokoetan.
Chourraut bigarren final laurdenean aritu da, eta Noemie Fox australiarra, Luuka Jones zeelandaberritarra eta Ricarda Funk alemaniarra izan ditu aurkari bezala. Gipuzkoarrak laugarren postuan amaitu du ibilbidea, baina hirugarren sailkatu da, Funk zigortu baitute; Foxek eta Jonesek lortu dute finalerdietarako sailkatzea erdietsi dute.
WATERPOLOA
Waterpoloan, Alberto Munarrizek hiru gol sartu ditu, Frantzia-Espainia partidan; Espainiako selekzioa 8-10 nagusitu da, B multzoan, atariko fasearen barnean.
Hala, asteazkenean Kroaziaren aurka final laurdenetan jokatu aurretik, Espainiak bosgarrenez irabazi du Olinpiar Joko hauetan, bost partida jokatuta. Emaitzak ez zuen ondoriorik, eta horrek tentsioa kendu dio norgehiagokari. Espainiako selekzioa sendo iritsi da txapelketako zati erabakigarrira, dominak jokatzeko lehia gertu-gertu baitu; Munarriz bikain dabil, Jokoetan.
Zure interesekoa izan daiteke
Novak Djokovic Estatu Batuetako Irekitik kanpo geratu da, lehen errondan galdu du eta
Novak Djokovic tenis-jokalari serbiarra Estatu Batuetako Irekitik kanpo geratu da, lehen errondako partida galdu baitu, Mariano Navoneren aurka. Akituta amaitu du neurketa.
Jon Rahmen Legion XIII taldeak irabazi du LIV txapelketa
Barrikako golf-jokalaria buru duen taldeak garaipena lortu du, Indianapolisen jokatutako txapelketa irabazita. Banakako lehian, Rahm bigarren izan da.
Sinnerrek ez du AEBetako Irekian parte hartuko, eskuineko belaunean daukan lesioarengatik
Italiarrak, munduko lehen sailkatuak, ez du partida ofizialik jokatuko bigarren urtez jarraian Wimbledon konkistatu zuenetik.
Carlos Alcarazek bere tronua defendatuko du Estatu Batuetako Irekian
Murtziako tenislaria kantxetara itzuliko da New Yorken, eskuin eskumuturrean izan duen lesioa gainditu ostean.
Pou Anaiek eta Micher Quitok “Bonus Track” ireki dute Cordillera Blancan
Uda honetan, Eneko eta Iker Pouk, Peruko Micher Quito kidearekin batera, "Bonus Track" (WI7/M6/6c/1.060 m) ireki dute Ranrapalcan (6.162 m), Peruko Cordillera Blancan. Mendikate honetan inauguratu dituzten 22 ibilbideetatik gogorrena eta konprometituena. Hiru egunetan eta estilo alpinoan egin dute hori, Andeetako mendi handietako bati autonomia osoz aurre eginez.
LIV Golfek bertan behera utzi du bere azken txapelketa eta asteburu honetara aurreratu du taldekako finala
Michiganen abuztuaren 27tik 30era aurreikusitako taldekako finala asteburu honetara aurreratzea eta Indianapolisen jokatzea erabaki dute, LIVaren etorkizunari buruzko zalantzen erdian.
Rahm hamabosgarren postura jaitsi da munduko golf sailkapenean
Barrikako golf-jokalaria hamahirugarren postutik hamabosgarren postura jaitsi da. Bizkaitarrak datorren asteburuan Indianapolisen jokatuko du LIV zirkuituko azken txapelketa. Hala ere, dagoeneko txapeldun da.
Solaunek zilarra lortu du gimnastika erritmikoko Munduko Txapelketan
Larunbatean urrea eta 2028an Los Angelesko Olinpiar Jokoetarako txartela irabazi ondoren, gasteiztarrak distira egin du berriro Alemanian.
Salma Solaun, gimnastika erritmikoko munduko txapeldun
Gasteiztarrak urrea eskuratu du Espainiako taldearekin, eta, horrekin batera, Los Angelesko 2028ko Olinpiar Jokoetan lehiatzeko txartela.
Julen Saenz de Ormijanak historia egin du Europako Trial 26” txapelketan
Julen Saenz de Ormijana arabarra Europako txapeldun izendatu da elite Trial 26” mailan, Valvergen (Frantzia) egindako txapelketan. Pilotu gasteiztarrak adierazi du oraindik “sinetsi ezinda” dagoen arren, hurrengo asteko Munduko Kopan lehiatzeko “oso prest” dagoela.