Espainiak Brasil garaitu eta multzoko lehen postuan sailkatu da final-laurdenetara (0-2)
Espainiako emakumezkoen futbol selekzioak 0-2 irabazi dio Brasili asteazken honetan, Joko Olinpikoetako C multzoko azken jardunaldian, Athenea del Castillok eta Alexia Putellasek sartutako golei esker eta lehen fasean dena irabaziz egin du aurrera txapelketan.
Lucia Garciak sartu du partidako lehen gola, baina baliorik gabe utzi dute, Patri Guijarrok baloia jokoz kanpo luzatu zuelako.
Brasilek hasieran izan duen erritmoa izugarria izan da. Lehen etorrera Espainiakoa izan bada ere, Arthur Eliasen taldea kontraerasoekin baliatu da. Hala ere, baloiaren zirkulazioak eta Espainiako lerroen arteko jokoak beste erritmo eta arintasun bat izan du.
Atsedenaldiaren atarian, Brasil jokalari bat gutxiagorekin geratu da, Martari txartel gorria atera diotelako.
Atsedenaldiaren ostean, Espainiak goian sakatzen jarraitu du, eta saria 68. minutuan iritsi da, Athenearen golarekin. 0-2koa Alexia Putellasek jarri du, berriz ere golegile, luzapenean.
Fitxa teknikoa:
0 – Brasil: Lorena; Antonia Silva, Tarciane, Lauren, Tamires (Yasmim, 61. min); Ludmila da Silva (Gabrielle, 55. min), Duda Sampaio (Ana Vitoria, 61. min), Yaya (Gabi Nunes, 87. min), Marta; Kerolin (Jheniffer, 62. min) eta Adriana.
1 – Espainia: Cata Coll (Misa Rodríguez, 75. min), Ona Batlle, Laia Codina, Laia Aleixandri, Olga Carmona, Tere Abelleira, Patri Guijarro (Alexia Putellas, 59. min), Jenni Hermoso (Aitana Bonmati, 59. min), Athenea del Castillo, Lucia Garcia (Mariona Caldentey, 45. min) eta Eva Navarro (Salma Paralluelo, 45. min).
Golak: 0-1, 68. min: Athenea. 0-2, 106. min: Alexia.
Epailea: Espen Eskas (Norvegia). Txartel horia atera die Arthur Elias eta Montse Tome espainiarrei eta txartel gorriarekin kanporatu du Marta brasildarra.
Alemaniak aise garaitu du Zambia (1-4)
Bibiane Schulzeren Alemaniako selekzioa ere garaile atera da 1-4ko emaitzarekin Zambiaren aurkako partidan. Athleticeko jokalariak partida osoa jokatu du.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.