EA Sports Ligako 35. jardunaldiko Athletic-Osasuna derbia maiatzaren 11n jokatuko dute, larunbatez, 21:00etan
EA Sports Ligako 35. jardunaldiko Athletic-Osasuna derbia maiatzaren 11n jokatuko dute, larunbatez, 21:00etan, San Mamesen, Ligak ostegunean iragarri duenez. Alaves-Girona partidak emango dio hasiera jardunaldi horri, ostiralean, maiatzaren 10ean, 21:00etan, eta Bartzelona-Reala neurketak itxiko du, 21:00etan ere, astelehenean, hilaren 13an. Aste horretan bertan, 36. jardunaldiaren barnean, asteartean, hilaren 14an, Osasuna-Mallorca eta Real Madril-Alaves partidak jokatuko dituzte, 19:30ean eta 21:30ean, hurrenez hurren; Celta-Athletic partida asteazkenean da, maiatzaren 15ean, 22:00etan, eta Reala-Valentzia neurketa, ostegunean, hilaren 16an, 22:00etan hori ere.
Testuinguru horretan, EA Sports Ligako euskal taldeei erreparatuta, ondorengo asteetako lehenengo partida Realak jokatuko du, ostiral honetan, apirilaren 26an, Reale Arenan, 21:00etan, Real Madril aurkari, 33. jardunaldian. Talde txuri-urdinarekin jarraituta, Imanolen taldea, egun sailkapeneko seigarrena bera, Las Palmasen aurka arituko da Donostian, 34. jardunaldian, maiatzaren 4an, larunbatez, 14:00etan. 35. eta 36. jardunaldiei dagokienez, arestian esan bezala, Realak maiatzaren 13an bisitatuko du Bartzelona, astelehenez, 21:00etan, eta Valentzia jasoko du hilaren 16an, ostegunez, 22:00etan.
Alavesi dagokionez, larunbatean, apirilaren 27an, Mendizorrotzaren mendeurrenaren egunean, Celtaren aurka arituko da etxean, 18:30ean; gerora, Mestallan jokatuko du Gasteizko taldeak, maiatzaren 5ean, igandez, 18:30ean, eta Girona jasoko du hilaren 10ean, ostiralez, Mendizorrotzan ere. Azkenik, maiatzaren 14an, 21:30ean, Real Madril-Alaves norgehiagoka izango da, Santiago Bernabeun. Luis Garcia Plazaren gizonak, une honetan, hamalaugarren tokian dabiltza.
Athleticen partidak aztergai, Ernesto Valverderen taldeak larunbat honetan jokatuko du, hilaren 27an, 21:00etan, Civitas Metropolitanon, Atletico Madril aurkari, eta Madrilen bertan arituko da jarraian, maiatzaren 3an, ostiralez, 21:00etatik aurrera. Lehen nabarmendu dugunez, zuri-gorriek Osasunaren aurkako derbia izango dute gero, maiatzaren 11ko 21:00etan, Bilbon, eta Vigon jokatuko dute handik egun batzuetara, maiatzaren 15ean, asteazkenez, 22:00etan. Athletic EA Sports Ligako bosgarren postuan dabil.
Osasunak, azkenik, Granadan jokatuko du igande honetan, 16:15ean, eta Betisen bisita jasoko du Sadarren, maiatzaren 5ean, igandez, 14:00etan. Esan dugunez, San Mameseko derbia dute gorritxoek horren ostean, maiatzaren 11ko gauean, eta hilaren 14 arratsaldean, 19:30ean, asteartez, Osasuna-Mallorca norgehiagoka izango da Iruñean.
Hypermotion Ligako gure taldeei dagokienez, Eibarrek igoera nahi du lortu, eta Amorebietak mailari eustea du helburu. Ordutegi hauek dituzte baieztatuta: Eibarrek Albacete bisitatuko du igande honetan, apirilaren 28an, 21:00etan, Amorebietaren aurkako derbia jokatuko du Ipuruan, maiatzaren 5ean, igandez, 14:00etan, eta Levanteren zelaian arituko da gero, maiatzaren 11n, larunbatez, 21:00etan; Amorebietak, ordea, Burgosen jokatuko du larunbat honetan, 16:15ean, eta, Ipuruako derbiaren ostean, Vila-real B jasoko du, maiatzaren 12an, igandez, 14:00etan.
Zure interesekoa izan daiteke
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Iñaki Williamsek ez du Ghanako selekzioan jarraituko
Williams anaietako zaharrenak 28 partida jokatu ditu Afrikako selekzioarekin, eta bi Munduko Txapelketatan eta Afrika Kopa batean parte hartu du.
Bayernek eta Manchester Unitedek garaipena lortu dute eta Erromak berdinketa Txapeldunen Ligako estreinakoan
Bayern Munichek 5-0 jipoitu du Bodo/Glimt, Manchester Unitedek 4-0 garaitu du Sabah, eta Erromak eta Fenerbahçek 1-1 berdindu dute 2026-27ko Txapeldunen Ligako lehen jardunaldian. Como 1907k garaipen argia lortu du Leipzigen aurka, eta Shakhtarrek puntu bat eskuratu du PSVren zelaian.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)