Realak bosgarren postura hurbiltzeko aukera galdu du, Getaferekin 1-1 berdinduta
Realak 1-1 berdindu du Getaferekin Coliseum estadioan jokatutako EA Sports Ligako 32. jardunaldiko partida. Ondorioz, Gipuzkoako taldeak bosgarren postura gerturatzeko aukera bikaina galdu du. Txuri-urdinek 51 puntu dituzte, bosgarrena den Athleticekiko 8 puntura jarraitzen du, eta zazpigarren den Betisi hiru puntu ateratzen dizkio.
Talde txuri-urdinak ondo ekin dio neurketari, eta gola sartu du 13. minutuan; Barrenetxeak Soria atezaina gainditu du (0-1), Beckerren erdiraketa errematatu eta baloia aurkariaren atean sartuta.
Lehen gola sartu ostean, Realak kontrolpean izan du neurketa. Hala ere, 30. minutuan, Madrilgo taldeak lehia berdindu du Latasaren golari esker (1-1). Remiro Realeko atezainak gelditu bikaina egin du lehenengo, baina, ondoren, ezin izan du Getaferen gola saihestu.
Lehen zatiaren azken txanpan, Gipuzkoako taldeak aurrerapausoa eman du. Gainera, atsedenaldira heldu orduko, abagune argia izan du, baina Zakharyanen jaurtiketa Soriak gelditu du hankarekin.
Bigarren zatiari ekiteko, Imanol Alguacil Realeko entrenatzaileak Odriozola eta Kubo zelairatu ditu, Traoreren eta Barrenetxearen ordez.
Getafe izan da nagusi bigarren zatiko lehen minutuetan. Jose Bordalasek zuzentzen dituen mutilek gola sartzeko aukera izan dute 55. minutuan; Oscar Rodriguezen falta jaurtiketak zutoina jo du, eta Le Normandek atepetik aldendu du baloia.
Atsedenaldiaren ostean, txuri-urdinei kosta egin zaie lehiari neurria hartzea. Hala ere, aurrerapausoa eman du, eta abaguneak sortzen hasi da. Neurketako 70. minutuan, Beckerrek ez du asmatu area barruan egindako errematean; ondoren, Sadiquen saiakera gora joan da; eta, gero, Soriak erantzun bikaina eman dio Turrientesen jaurtiketari.
Azken minutuetan, bi taldeetako bat ere ez da gai izan aurkariaren atea berriz zulatzeko, eta partida berdinduta amaitu da (1-1).
Fitxa teknikoa:
1.- Getafe: Soria; Carmona (Gaston, 88. min), Djene (Jorge Martin 91. min), Alderete, Diego Rico; Milla; Oscar (Tallal, 88. min), Yellu (Moriba, 67. min), Maksimovic, Greenwood; eta Latasa (Jaime Mata, 67. min).
1.- Reala: Remiro; Traoré (Odriozola, 46. min), Pacheco, Le Normand (Tierney, 84. min), Javi Galan; Turrientes; Becker (Sadiq, 68. min), Zakharyan (Aritz, 69. min), Mikel Merino, Barrenetxea (Kubo, 46. min); eta Oyarzabal.
Golak: 0-1, 13. min: Barrenetxea; 1-1, 30. min: Latasa.
Epailea: Victor Garcia Verdura. Txartel horia atera die Mikel Merino (34. min) eta Aritz (95. min) Realeko jokalariei.
Zure interesekoa izan daiteke
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.
Hauxe izan da Reala-Chelsea partidako gol bakarra
Realak 0-1 galdu du Chelsearen aurka, Txapeldunen Ligako hirugarren sailkatze-txandako itzuliko partidan, Zubietan. Keira Walshek sartu du talde ingelesaren aldeko gola, 54. minutuan.
Realak ahalegin handia egin du Chelsearen aurka, baina galdu du Zubietan, eta Txapeldunen Ligatik at gelditu da (0-1)
Keira Walshek, 54. minutuan, hirugarren sailkatze-txandako itzuliko partidako gol bakarra sartu du. Horrenbestez, euskal taldeak Europa Kopa jokatuko du. Chelseak erakutsi du talde bikaina dela, baina Reala ondo aritu da bigarren norgehiagoka honetan, eta kanporaketan ere bai.
Erik Bretos: “Munduko klub guztiek nahiko lukete Mikel Oyarzabal izan, baina berak Realean egon nahi du”
Realaren Futbol zuzendariak, asteazkenean, amaitu berri den fitxaketetako merkatua izan du hizpide; agerraldian, Realaren kapitainaren gainean mintzatu da: “Merkatuan egon nahiko balu”, adierazi du, “mila eskaintza izango genituzke”.
Mikel Goti Real Oviedora, utzita
Erdilaria Realetik utzita helduko da Asturiaseko taldera, 2026-27 denboraldiaren amaierara arte.