Bartzelonak irabazi du Espainiako Superkopa, Levante 7-0eko emaitza historikoarekin menderatuta
Bartzelonak irabazi du 2024ko Espainiako Superkopa, larunbat honetan, urtarrilaren 20an, finalean Levante 7-0eko emaitza historikoarekin mendean hartuta. Kataluniako taldeak ez dio aukerarik eman aurkariari, eta gol zaparrada batekin biribildu du garaipena.
Barçak neurketako 12. minutuan sartu du estreinako gola; Paralluelok jarri du 1-0ekoa markagailuan. Ondoren, golak bata bestearen atzean heldu dira. Hansenek sartu du 2-0ekoa, 24. minutuan; Batllek 3-0ekoa, 26.ean; Hansenek 4-0ekoa, 36.ean, eta Paralluelok 5-0ekoa, lehen zatiaren luzapenean.
Hortaz, finala lehen zatian geratu da erabakita. Bigarrenean, gainera, bi gol gehiago sartu ditu Bartzelonak: Hansenek 6-0ekoa markagailuratu du 54. minutuan eta Bonmatik 7-0ekoa 57. minutuan.
Fitxa teknikoa:
7 - Bartzelona: Cata Coll; Bronze, Paredes (Martina, 46. min), Engen, Batlle; Walsh, Guijarro (Pina, 63. min), Bonmatí (Bruna, 78. min); Graham Hansen (Vicky, 63. min), Paralluelo (Oshoala, 63. min) eta Caldentey.
0 - Levante: Holmgren; Lloris, Mendoza, Maria Mendez, Paula Tomas (Antonia, 58. min); Sosa (Daniela, 58. min), Baños (Torroda, 69. min), Paula Fernandez; Mayra Ramirez (Gabi Nunes, 58. min), Andonova eta Redondo (Erika, 69. min).
Golak: 1-0, 12. min: Paralluelo. 2-0, 24. min: Graham Hansen. 3-0, 26. min: Batlle. 4-0, 36. min: Graham Hansen. 5-0, 47. min: Paralluelo. 6-0, 54. min: Graham Hansen. 7-0, 57. min: Bonmati.
Epailea: Rivera Olmedo. Txartel horia atera dio Paula Tomasi (44. min).
Zure interesekoa izan daiteke
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.
Eibarrek Lucas Nuñez fitxatu du
20 urteko erdilaria Valentziatik dator, utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.