Osasunak eta Realak bana egin dute Sadarren jokatutako derbian
Osasunak eta Realak bana egin dute EA Sports Ligako 15. jardunaldiko partidan. Moi Gomez eta Umar Sadiq izan dira Sadarren jokatutako norgehiagokako golegileak. 14. minutuan, Barrenek zelaia utzi behar izan du, eskuineko orkatilan min hartuta.
Jagoba Arrasateren jokalariek aurrea hartu dute markagailuan, Moi Gomezek 2. minutuan egindako golari esker. Ante Budimirrek pasea eman dio taldekideari, eta honek Remiroren atean sartu du baloia.
Minutu bat geroago, Barrene banakoa egitear izan da, Catenak Sergio Herrera atezainari egindako pase kaskarrean baloia lapurtu ostean. Jokalari txuri-urdinak partida utzi behar izan du minutu batzuk geroago, 14.ean, eskuineko orkatilan min hartuta.
Ondoren, Umar Sadiq izan da protagonista. 27. minutuan, gola egiteko aukera bikaina izan du, baina ez du errematean asmatu. 41.ean, berriz, Realeko jokalariak ez du hutsik egin. Jokaldi pertsonala egin eta gol ikusgarria sartu du, urrutitik egindako erremate batean.
Atsedenaldiaren atarian, Brais Mendezek aukera paregabea izan du Imanol Alguacilek zuzentzen duen taldea aurretik jartzeko.
Bigarren zatian, Osasuna Reala baino biziago atera da aldagelatik. Nafarrak puntu beharrean dira, azken lau partidetan ezbaitute garaipenik lortu.
Moi Gomez bigarrena egitear izan da 56. minutuan, baina jaurtiketa kanpora joan da, gutxigatik, Remirok eskuarekin baloia laztandu ostean. 60.ean, Sergio Herrerak bere taldea salbatu du, Take Kubori eta Mikel Merinori geldiketa bikoitza eginda. Merinoren burukadari erantzun ikusgarria eman dio gorritxoen atezainak.
Osasuna eroso aritu da defentsan, eta kontraerasoan aritu da azken minutuetan. Reala, aldiz, garaipenaren bila aritu da, baina ez da zelaian eroso egon.
Azkenean, banako emaitzarekin amaitu da derbia. Bidezko emaitza, eta puntu bana Osasunarentzat eta Realarentzat.
Fitxa teknikoa
1 - Osasuna: Sergio Herrera; Juan Cruz (Nacho Vidal, 74. min), Areso, Catena, David García, Mojica, Torró, Rubén García (Moncayola, 64. min), Aimar (Chimy Ávila, 75. min), Moi Gómez, Budimir (Raúl, 75. min).
1 - Reala: Remiro; Traoré, Zubeldia, Le Normand, Tierney (Aihen 75. min), Zubimendi, Merino, Brais, Barrenetxea (Zakharyan, 16. min; André Silva, 88. min), Take Kubo, Sadiq (Oyarzabal, 75. min).
Golak: 1-0, 1. min, Moi Gómez. 1-1, 41. min, Sadiq.
Epailea: Pulido Santana (Kanarietako Batzordea).
Zure interesekoa izan daiteke
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.
Eibarrek madarikazioa hautsi eta denboraldiko lehen garaipena lortu du etxetik kanpo (0-1)
Eibarrek denboraldiko lehen garaipena lortu du, Leganesen aurka 0-1 irabazita, Peru Nolaskoainen golari esker.
Athleticek onera egin du, baina ez da nahikoa izan Bartzelona garaitzeko (0-1)
Zuri-gorriek dena eman dute zelaian, eta beste partida batzuetan falta izan zaien garra ikusi da jokoan, baina, hala ere, ezin izan dute Ligako liderra garaitu.
Realak ezin izan du berdindu Atleticoren jokoa (3-2)
Bi aldiz berdindu dute markagailua, Solerren eta Oyarzabalen golekin, baina Ivan Gonzalezek azken minutuetan sartutako golak punturik gabe utzi ditu txuri-urdinak.
Sansek 4-2 menderatu du Castello Zubietan
Txuri-urdinek Castello garaitu dute etxean partida bizi jokatuta, eta 3 puntuak eskuratu dituzte Ochiengen, Carreraren eta Mariezkurrenaren golei esker.
Osasunak puntu bat lortu du Mallorcaren aurka, azken hasperenean partida iraulita (2-2)
Talde gorritxoak azken minutuan irauli du markagailua Malllorcaren aurka, 2-2 berdinduz, 89. minutura arte 0-2 galtzen joan ostean. Kike Barjak egin du lehen gola, 89. minutuan, eta Budimirrek berdinketa ezarri du 93.ean, epaileak jokalari bi kanporatu izanak markatu duen partidan.