Reala garaile Athleticen aurkako derbi bizian (3-1)
Realak eraman du Reale Arenako derbia Athletic menderatuta. Sorlothek, Kubok eta Oyarzabalek gol bana egin dute. Athletic partida berdintzetik gertu egon da baina Sanceten gola ez da nahikoa izan. Hain zuzen ere, 60. minutuan, epaileak penaltia adierazi baitu Realaren alde eta Yeray Alvarez kaleratu du.
Lehen zatia berdindua eta lehiakorra izan da. Reala erasora joan da hasiera hasieratik Take Kubo jokalari erasokorrena zelarik. Lehen jaurtiketa donostiarrek egin dute: 7. minutuan, Brais Mendezek urrunetik jaurti eta baloia zutoinaren ondotik joan da kanpora.
Athletic ez da atzean geratu eta Williams anaien jokaldi batekin erantzun dute bost minutura. Nicok baloia erdiratu eta Iñakik bakar-bakarrik errematatu du Remiroren atera baina ez du asmatu atea zulatzen.
Realak golaren bila jarraitu du eta 25. minutuan lortu du saria. Sorlothek bere laugarren gola jarraian eskuratu du. Zubeldiak emandako baloi bat jaso eta norvegiarrak Unai Simonen ate barrura bidali du baloia.
Minutu onak izaten ari ziren txuri-urdinentzat eta atsedenaldira iristeko hamar minutu baino gutxiago falta zirela, Silvak baloia berreskuratu eta Take Kubok bikain definitu du Unai Simonen aurrean Realaren bigarren gola egiteko.
Athleticek, baina, ez du amore eman eta hiru minutu beranduago (40. minutuan) Sanceten eskutik gola egin dute zurigorriek. Atsedenaldiaren aurretik, partida guztiz irekita utzi du golak.
Bigarren zatia hasi eta berehala Sorlothek zelaia utzi behar izan du min hartuta eta Oyarzabalek ordezkatu du.
Partida guztiz aldatu duen jokaldia 60. minutuan heldu da. Take berriro Unai Simonen aurrean bakarrik geratzear zela, Yeray Alvarezen penaltia adierazi du Cuadra Fernandez epaileak eta Athleticeko atzelaria kaleratu du. Bederatzi hilabete beranduago, Mikel Oyarzabalek penalti bat jaurtitzeko ardura hartu eta Realaren hirugarren gola egin du eibartarrak.
Markagailuan 3-1ekoa jarrita eta Athletic jokalari bat gutxiagorekin zela, partidak bestelako itxura bat hartu du. Azkenean, euskal derbia txuri-urdinek irabazi dute eta hirugarren postua sendotu dute. Athletic, berriz, 8. postura jaitsi eta Europako postuetatik kanpo geratu da, donostiarrengandik 9 puntura.
Fitxa teknikoa:
3- Reala: Remiro; Elustondo (Gorosabel, 76. min), Le Normand, Zubeldia, Rico; Zubimendi, Silva (Robert Navarro, 76. min), Merino, Brais (Illarramendi, 76. min); Sorloth (Oyarzabal, 48. min) eta Take Kubo (Barrenetxea, 76. min).
1- Athletic: Unai Simón; De Marcos, Vivian, Yeray, Berchiche; Vesga, Dani García (Zárraga, 65. min), Iñaki Williams (Raúl García, 76. min), Sancet (Paredes, 65. min); Nico Williams (Muniain, 76. min) eta Guruzeta (Berenguer, 57. min).
Golak: 0-1, 25. min: Sorloth. 2-0, 36. min: Take Kubo. 2-1, 40. min: Sancet. 3-1, 61. min: Oyarzabal (penaltiz).
Epailea: Cuadra Fernández. Txartel gorria Yeray Alvarezi 60. minutuan. Txartel horiak: Le Normand, Take Kubo, Sorloth, Zubeldia, Zubimendi eta Dani Garcia.
Zure interesekoa izan daiteke
Galarreta: “Galtzen hasi ondoren, puntu bat ondo dago"
Athleticeko jokalariak larunbat honetan Elxen aurka lortutako berdinketaz (1-1) hitz egin du, San Mamesen jokatu den EA Sports Ligako bosgarren jardunaldiko partidan.
Athleticek puntu bat berreskuratu du Elxen aurka (1-1)
Buonanottek penaltiz aurreratu du talde andaluziarra, baina Chustek bere atean sartutako gol batek markagailua berdindu du euskal taldeari puntu bat emateko.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.