Olympique Lyonek bere zortzigarren Txapeldunen Liga eskuratu du, Bartzelonari 1-3 irabazita
Damaris Egurrola bizkaitarraren Olympique Lyonek 1-3 irabazi dio Irene Paredes gipuzkoarraren Bartzelonari Turingo (Italia) Juventus Stadiumen, eta, hala, bere zortzigarren Txapeldunen Liga bereganatu du emakumezkoen futbolean duen nagusitasuna luzatzeko.
Talde katalanak laster jaso du lehen kolpea, 6. minuturako Amandine Henryren zartako batek arratsaldeko lehen gola ekarri baitie frantziarrei.
Olympiquek bereari eutsi dio, eta min handia egin du bere hegaletako futbolarekin, tarteak irekiz eta Bartzelonarengan zalantzak sortuz. Hortik etorri da 0-2koa, Melvin Malarden erdiraketa bikain bati esker, Ada Hegerbergek buruz sare barrura bidali duena.
Azkenik, 0-3koa Paredesek galdu duen baloi baten ostean iritsi da, baloia alderatzen saiatu ostean. Akats horri Lyonek probetxua atera dio, bigarren zutoinean bakar-bakarrik zegoen Macariok bultzatu baino ez baitu egin behar izan.
Lehen zatiaren amaiera aldera, Alexia agertu da Turingo katalanen arratsalde ilunari argi pixka bat emateko. Bartzelonarrak bere hanka txarrarekin errematatu du Hansenek eskuin hegaletik egindako erdiraketa, atsedenaldia baino lehentxeago bereei itxaropenak emateko.
Partidak antzeko gidoia jarraitu du bigarren zatian, Bartzelonak sakontasun gehiago bilatzen zuen arren, Osohala Hermosoren ordez zelairatu eta gero. Alabaina, aukerarik argiena, Jonatan Giraldezen taldea partidara itzularazi ahal izan duena, Patri Guijarrok zelai erditik egindako saiakeratik etorri da, baina langan jo du.
Barça buru-belarri murgildu da azken minutuetan, baina Olympiquek ofizioz eta esperientziaz jardun du denbora galtzeko eta kataluniarren jokoaren jarraikortasuna galarazteko. Laugarrena ere sartu ahal izan dute frantziarrek, Hegerbergek zutoinarekin topo egin izan ez balu.
Fitxa teknikoa:
1 - Bartzelona: Paños; Torrejón (Ana María Crnogorcevic, 60. min), Paredes, Mapi León, Rolfö (Pina, 75. min); Patri Guijarro, Aitana, Alexia; Graham Hansen, Mariona (Martens, 60. min) eta Jennifer Hermoso (Osohala, 46. min).
3 - Olympique Lyon: Endler; Carpenter (Buchanan, 14. min), Renard, Mbock (Cayman, 81. min), Bacha; Henry, Horan, Macario; Malard (Le Sommer, 75. min), Cascarino (Morroni, 81. min) eta Hegerberg.
Golak: Henry (6. min), Hegerberg (23. min), Macario (33. min); Alexia (41. min).
Epailea: Lina Lehtovaara (Finlandia). Txartel horiak: Mapi León eta Paredes (Bartzelona); Hegerberg, Macario eta Morroni (Lyon).
Zure interesekoa izan daiteke
Asier Villalibrek Racing Santanderren jarraituko du, EA Sports Ligan
Gernikako aurrelariak Hypermotion Ligan jokatu du 2025-2026 denboraldia, Alavesek utzita. Rancingek lehen mailara igoera lortu ezkero, Kantabriako taldeak jokalariarengan derrigorrezko erosketa aukera adostu zuten bi taldeek, eta, beraz, bizkaitarrak Racingen jarraituko du.
Blanco: “Partidaren amaiera festa bat izan da"
Alaveseko kapitainak Oviedoren aurka lortutako garaipenaz (0-1) eta Lehen Mailan jarraitzea lortu izanaz hitz egin du EA Sports Ligako azken-aurreko jardunaldian.
Osasunak Espanyolen aurka galdu du Sadarren (1-2), eta azken jardunaldian bermatu beharko du mailari eustea
Romerok, lehen zatian, aurretik jarri du Espanyol, Victor Muñozek berdinketa egin du atsedenaldiaren ostean, eta Kike Garciak, 53. minutuan, partidan erabakigarria izan den gola sartu du. Emaitza horrek dakar Osasunak 42 puntu dituela jarraitzen duela, alegia, hamazortzigarren postuan dabilen Gironak baino bi gehiago, eta hemeretzigarren tokian dagoen Mallorcak baino hiru gehiago.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valentziak Realaren agurra zapuztu du, hamarrekin partida luzapenean iraulita (3-4)
Reala 3-2 irabazten joan da 89. minutuan, eta Valentzia jokalari bat gutxiagoarekin ari zen, baina, hala ere, norgehiagoka irauli du lau minututan bi gol sartuta. Pellegrinno Matarazzoren taldea irudi kaxkarra ematen ari da denboraldi bukaeran, eta Aritz Elustondoren agurra Anoetan ez da espero bezalakoa izan.
Alavesek salbazioa ziurtatu du Oviedon irabazita (0-1)
Toni Martinezek lehen zatian sartutako golak hiru puntuak eman dizkie babazorroei, eta 43 punturekin maila gorenean jarraituko dutela ziurtatu dute.
?fmt=webp-alpha&qlt=80)
Xabi Alonsok Chelsea zuzenduko du hurrengo lau urteetan
44 urteko entrenatzaile euskalduna urtarrilean utzi zion Real Madril entrenatzeari Espainiako Superkopako finala Bartzelonaren aurka galdu ostean.
Bartzelona, Kopan ere nagusi
Kataluniako taldeak 12. Erreginaren Kopa irabazi du, hirugarrena jarraian, Atletico Madrili 3-1 irabazita.
Racing Lehen Mailara itzuliko da 14 urteren ondoren
Valladolid menderatu eta Almeriak bere partida galdu ostean, igoera matematikoki ziurtatu du Kantabriako taldeak.
Ezusteko porrota hartu du Eibarrek Leonen (2-1)
Armaginek bi gol jaso dituzte hiru minututan eta puntuek ihes egin diete maila ia galduta duen Cultural Leonesaren aurka. Corpasek aldea murriztu du, penaltiz, 86. minutuan.