Athleticek eta Realak Europa begiz jota dutela neurtuko dituzte indarrak San Mameseko derbian
Athleticek eta Realak euskal derbia jokatuko dute San Mamesen igandean, Europako postuak begiz jota dituztela. Donostiarrak Leipzigen aurka jokatu berri dute Europa Ligako final-hamaseirenetako joaneko partida, eta zuri-gorriek lehia horretan egon nahi dute datorren denboraldian.
Sailkapeneko lehen sei postu horietan sartzeko helburu horretan, Athleticek zaplaztekoa hartu zuen aurreko jardunaldian Mallorcaren aurka jokatuta norgehiagokan. Bilbotarrek 3 eta 2 galdu zuten, Marcelino entrenatzailearen etsipenerako.
Horrela, zuri-gorriek 2022ko bolada ona eten zuten; ordura arte zazpi garaipen, bi berdinketa eta porrot bakarra zuten.
Realari aurre egiteko, Marcelinok Mallorcaren aurka baja izan ziren zenbait jokalari errekuperatu ditu: Iñigo Martinez, Yeray, Oscar de Marcos eta Unai Vencedor.
Realari dagokionez, Imanolek baja garrantzitsuak ditu, baina 2022ª hasi zenetik porrot bakarra jaso dute. Donostiarrek garaipena nahi dute Europako postuetan sartzeko eta sailkapenean lau puntura dagoen Athletic gehiago aldentzeko.
Adnan Januzaj, Diego Rico, Nacho Monreal, Carlos Fernandez eta Ander Barrenetxea baja dira, eta Isak zalantzan da, Leipzigen aurkako partidan ere jokatu barik geratu ostean.
Imanolek Sanseko jokalariak erabili beharko ditu, eta Mikel Oyarzabalen, Porturen eta Merinoren onena atera. David Silvari dagokionez, zalantza ugari daude bere egoera fisikoaren inguruan, eta Alemanian ere eserlekuan geratu zen.
Azken emaitzak, Realaren aldekoak
Azken urteetan, Realak Athleticek baino emaitza hobeak lortu ditu San Mamesen jokatutako derbietan. Azken hamar norgehiagoketatik hiru bakarrik galdu dituzte, eta azken hamarkadako estatistikak ere txuri-urdinen aldekoak dira.
Oraingoan, San Mamesen ez da Realeko jarraitzailerik izango, bilbotarrek ez baitute sarrerarik bidali % 85eko gehieneko edukiaren ondorioz leku guztiak Athleticeko bazkide eta harpidedunek betetzen dituztelako. Ondorioz, ez dute sarrerarik salgai jarri.
Ustezko hamaikakoak
Athletic: Unai Simón; De Marcos, Yeray, Íñigo Martínez, Yuri; Berenguer, Vencedor, Dani García, Muniain; Sancet, Raúl García.
Reala: Ryan o Remiro; Gorosabel, Elustondo, Le Normand, Aihen Muñoz; Zubimendi, Merino, Rafinha; Portu, Oyarzabal, Sorloth.
Epailea: Juan Martínez Munuera (Comité Valenciano).
VAR sistemako epailea: Antonio Mateu Lahoz (Comité Valenciano).
Estadioa: San Mames.
Ordua: 21:00etan.
Zure interesekoa izan daiteke
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Realak Aston Villari irabazi dio Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 zale ingururen aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Zinedine Zidane, Frantziako hautatzaile berria 2030era arte: “Egia bihurtutako ametsa da"
Real Madrileko entrenatzaile ohiak Didier Deschamps lapurtarra ordezkatuko du karguan. Deschampsek 14 urteko ibilbideari amaiera eman zion iragan Munduko Txapelketan.
Rayok ezin izango du Vallecasen jokatu, Madrilgo Gobernuak bere kontzesioa bertan behera utzi ostean
"Segurtasun gabezia larriak" argudiatu ditu Madrilgo Gobernuak. Rayo Vallecano "harrituta" azaldu da Kultura, Turismo eta Kirol Kontseilaritzaren erabakiarekin. Javier Tebas LaLigako presidenteak ziurtatu duenez, Rayok beste futbol-zelai bat du jadanik, baina ez du zehaztu zein. Bestalde, Tebasek ez du zalantzan jarri Madrilgo Gobernuaren erabakia.
Alavesen jokalariak “etsita eta haserre" daude klubaren kudeaketarekin, igoera-saria dela eta
Jokalariek Futpro elkartearen bidez azaldu dute euren jarrera. Gainera, argitu dute oharrarekin ez dutela "liskarrik sortzea" bilatzen, "egoera nola bideratu den ikusita" euren etsipena agertu baizik.
Marianna Seidl estatubatuarra, Eibarren hamargarren aurpegi berria
Ezker hegalekoa Brisbane Roar taldetik heldu da, Australiatik.
Eibarrek Lucas Nuñez fitxatu du
20 urteko erdilaria Valentziatik dator, utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.