Athletic - Real Madril eta Reala - Betis, Errege Kopako final-laurdenetan
Eguerdian Madrilen egindako zozketaren arabera, Athleticek Real Madril izango du aurkari Errege Kopako final-laurdenetan, eta Realak, berriz, Betis. Marcelinoren taldeak ostegunean, otsailak 3 , jokatuko du San Mamesen, 21:30etik aurrera; Imanolenak, berriz, egun berean, baina 20:00etan, Anoetan.
Kanporaketak partida bakarrera erabakiko dira.
Horrela, Athleticek San Mamesen hartuko du Real Madril, iragan igandean Superkopa irabazi zion taldea. Bi taldeek 2006an neurtu zituzten indarrak azkenengoz Kopan. Orduan final-zortzirenetan jokatu zuten elkarren kontra, eta madrildarrak gailendu ziren.
Final-laurdenetara iristeko, bilbotarrek Atletico Mancha Real (RFEFko Bigarren mailako taldea) eta Bartzelona (egungo txapelduna) kanporatu dituzte. Partida gogorra jokatu zuten kataluniarren aurka (luzapena jokatu behar izan zuten), eta 3-2 atera ziren garaile azkenean, Iker Muniainen bi golei eta Iñigo Martinezen beste bati esker.
Realari dagokionez, donostiarrek Panaderia Pulido, Zamora, Leganes eta Atletico Madril taldeak kanporatu ondoren jokatuko dituzte final-laurdenak. Simeoneren taldea faboritoetako bat zen, baina txuri-urdinek partida bikaina eginda kanporatu zuten asteazkenean, San Sebastian egunaren bezperan, Januzajen eta Sorlothen golei esker.
Final-laurdenak partida bakarrean erabakiko diren azken kanporaketa izango dira, finalerdietan bina partida jokatuko dituztelako. Talde guztiak lehen mailakoak direnez, zozketan lehenengo atera den taldearen etxean jokatuko dira final-laurdenetako partidak.
ERREGE KOPAKO FINAL-LAURDENETAKO KANPORAKETAK
Asteazkena, otsailak 2
20:00 Rayo Vallecano - Mallorca
21:00 Valentzia - Cadiz
Osteguna, otsailak 3
20:00 Reala - Betis
21:30 Athletic - Real Madril
Zure interesekoa izan daiteke
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sivera, berritzeari buruz: “Ez da erraza hain gustura egotea”
Antonio Sivera atezainak 2030. urtera arte luzatu Alavesekin duen kontratua. Gaur agerraldia egin du erabakiaz hitz egiteko.
Ramis, zaleen txistuei buruz: “Horrek ez gaitzala kikildu”
Luis Miguel Ramis Osasunaren entrenatzaileak prentsaurrekoa eman du Levanteren aurkako berdinketa aztertzeko. Halaber, zale gorritxoen txistuen inguruan ere mintzatu da.
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina ez du asmatu eta, nagusi izan arren, ez du garaipenik lortu.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.