Euskal Selekzioa, garaile Argentinaren eta Venezuelaren aurretik
Euskal Selekzioak eskuratu du Basque Country International Women's Cup txapelketaren lehen edizioa, Venezuelarekin golik gabe berdindu ostean. Neurketa hori Argentinako selekzioarekin batera lehiatu duten hiruko torneoaren parte izan da (45 minutuko hiru partida jokatu dituzte denetara).
Izan ere, Euskal Selekzioak, bere lehendabiziko partidan, 1-0 irabazi dio Argentinari, Yulema Corres Athleticeko aurrelariaren gol batekin. Beraz, garaipen horrek eta Vinotinto selekzioaren aurkako berdinketak txapelketa bereganatzea ahalbidetu dio Iñigo Juaristik zuzendutako taldeari
Bestalde, Hego Amerikako bi taldeen arteko lehian, txapelketari hastapena eman diona, Argentinak 1-0 garaitu du Venezuela, Mariana Larroquettek sartutako golarekin. Ondorioz, emaitza horri esker Carlos Borrelloren jokalariek bigarren postuan bukatu dute, Venezuelako selekzioaren aurretik.
Azken partidan, Pamela Contik entrenatutako 'Vinotinto' izan da garaipena lortzeko aukerarik garbienak izan dituena. Horietako lehenengoa Joemar Guarecucok egindako jaurtiketa batean etorri da, baina baloiak Euskal Selekzioaren ateko langaren kontra jo du, zortzigarren minutuan.
Ondoren, 22. eta 34. minutuetan, Amaia Peña etxekoen atezainak bere taldea salbatu du, Oriana Altuveren eta Kareylen Capdevillaren jaurtiketen aurrean ondo erantzunez.
Aitzitik, markagailua ez da mugitu, eta golik gabeko berdinketak Euskal Selekzioak txapelketa irabazteko aukera eman dio.
Fitxa teknikoa:
0 – Euskal Selekzioa: Amaia Peña; Naroa Uriarte, Nerea Abances, Oihane Valdezate, Eunate Arraiza; Sheila Elorza, Marta Perea, Itxaso Uriarte; María Díaz, Ane Azkona (Maite Oroz, 21. min) eta Ainhoa Moraza (Peke, 37. min).
0 - Venezuela: Nayluisa Cáceres (Andrea Tovar, 31. min); Maikerlin Astudillo, Meryjoseph Pérez, Yenifer Giménez, Sandra Luzardo; Yerliane Moreno, Lourdes Moreno (Emperatriz García, 31. min); Joemar Guarecuco, Mariana Speckmaier (Kareylen Capdevilla, 21. min), Michelle Romero; eta Oriana Altuve.
Yulema Corres, golegile Argentinaren aurka
Euskal Selekzioak torneoan jokatutako lehen partidan, Yulema Corresek sartu du neurketako gol bakarra, Pekek eskuin hegaletik egindako erdiraketa bat bigarren zutoinean errematatu eta gero.
Iñigo Juaristiren jokalariak nagusi izan dira lehen ordu erdian, eta hainbat aukera izan dituzte aldea handitzeko.
Yulema Corresek jaso du garaikurra.
Hala ere, azken txanpan, argentinarrek berdinketa lortzeko bi aukera on izan dituzte. Hala, 32. minutuan, Eliana Stabilek area kanpotik egindako jaurtiketak langaren aurka egin du tupust bat, eta Larroquettek aldaratzea sareetara bidali badu ere, epaileak baliorik gabe utzi du gola, aurrelari argentinarra jokoz kanpo zegoelako.
Geroago, 39. minutuan, Marianela Szymanowski izan da Carolina Troncosoren erdiraketa buruz errematatu duena, eta berriz ere Andrea de la Navak defendatutako atearen langarekin egin du topo.
Fitxa teknikoa:
1 – Euskal Selekzioa: Andrea de la Nava; Ainhoa Moraza, Ane Etxezarreta, Oihane Valdezate, Eunate Arraiza; Sophie Istillart, Itxaso Uriarte, Maite Oroz, Leire Baños; Peke eta Yulema Corres.
0 - Argentina: Laurina Oliveros; Adriana Sachs (Marina Delgado, 22. min), Giuliana González, Aldana Cometti, Eliana Stabile; Vanesa Santana, Daiana Falfán (Marianela Szymanowski, 22. min); Sophia Braun (Romina Núñez, 12. min), Carolina Troncoso, Yamila Rodríguez; eta Mariana Larroquette.
Gola: 1-0, min. 4: Yulema.
Zure interesekoa izan daiteke
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrildarrek eta norvegiarrek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari Parisen. Bayer Leverkusenek eta Arsenalek, aldiz, bana berdindu dute.
Iranek baztertu egin du Munduko Txapelketan parte hartzea, AEB eta Israelen eraso militarra dela eta
Iranek Belgika, Egipto eta Zeelanda Berriaren aurka jokatu behar zituen multzoen faseko hiru partidak Ameriketako Estatu Batuetan, horietako bi Los Angelesen eta beste bat Seattlen. Azaroan, Trumpek bermatu zuen jokalari eta teknikari irandarrek bisak izango zituztela AEBn sartzeko, baina ez haien zaleek.
Errege Kopako finalaren sarrerak izendunak izanen direla zehaztu du Realak
Horrela, sarreran agertzen diren izena, abizenak eta NANa apirilaren 18an Cartuja estadiora sartzen den pertsonarenak izan beharko dira.
Matarazzo, Kopako finalaz: "Aukera paregabea da"
Realeko entrenatzaileak, asteazkenean, talde txuri-urdinaren informazioaz arduratzen diren kazetariekin gosaldu du; topaketan, Errege Kopako finala izan dute hizpide, batez ere.
Maroan Sannadi: "Oso pozik nago, bueltan egoteak sentsazio ona ematen dit"
Maroan Sannadi Athleticeko jokalaria bueltan da, belauneko lesioa osaturik du eta. Nola sentitzen den azaldu du prentsaurrekoan.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.
Realak 25.680 sarrera izango ditu Errege Kopako finalean
Horietako % 85 Realaren bazkideek jasoko dituzte. Realaren “fanzone” izenekoa, Sevillan, Carlos III.a etorbidean izango da, Cartujako geralekuaren ondoan.
Unai Gomezek ez du lesio larririk, ezker belaunean kolpea besterik ez du
Bermeotarra joan den larunbatean ordezkatu behar izan zuten, Bartzelonaren aurkako partida hasi eta hamar minutura. Astelehen honetan egin dizkioten proba medikoek agerian utzi dute lesioa zenbaterainokoa den, nahiz eta hasiera batean larriagoa ematen zuen.
Zorigaiztoko amaiera Alavesentzat Valentzian (3-2)
Talde babazorroak bi aldiz hartu du aurrea markagailuan, baina penalti batek eta Pacheco eta Guevararen kaleratze bikoitzak amaierarik txarrena eragin dute.
Cadizek kargutik kendu du Gaizka Garitano
Klubaren dinamika txarraren eta azken sailkatuaren aurkako porrotaren ondoren, klubak Derioko entrenatzailea baztertzea erabaki du.