Errege Kopa Realarena da!
Realak irabazi du 2020ko Errege Kopa, iaztko apiriletik atzeratutako finalean Athletici 0 eta 1 irabazi ostean. Garaipenaren gola mikel Oyarzabalek egin du, 63. minutuan, Iñigo Martinezek Porturi egindako penaltia jaurtita.
Lehen zati orekatua jokatu dute bi taldeek, elkarrenganako errespetu handia erakutsiz. Lehen 45 minutu horietan, gol aukera oso gutxi izan dira, eta argiena Athleticek izan du, Iñigo Martinezek 30. minutuan areaz kanpotik egindako jaurtiketa indartsu batean. Alex Remirok ondo urrundu du baloia kornerrera.
Aurreko jokaldi batean, Dani Garciak txartel horia ikusi du zelai erdian egindako falta baten ondorioz.
Horrela, hutsekoarekin eta bi taldeek nahi duten jokoa egiteko izan dituzten arazoekin, amaitu da lehen zatia Cartuja zelaian.
Bigarrena hasi eta gutxira, jokaldi eztabaidagarria izan da Athleticen areatik gertu. Iñigo Martinezek besoarekin ukitu du baloia area ertzean eta hasieran ez da argi egon area barruan ala kanpoan izan den. VAR laguntziale teknikoarekin kontsultatu ostean, epaileak kanpoan adierazi du falta. Jokaldia ondoriorik gabe amaitu da.
Finala erabaki duen jokaldia 58. minutuan iritsi da. Iñigo Martinezek penaltia egin dio Porturi Realeko jokalaria Unai Simonen aurrean bakar-bakarrik geratzear zela, epaileak penaltia adierazi du eta Athleticeko jokalariari txartel gorria atera dio zuzenean. Baina jarraian, jokaldia berriro aztertu du eta jokalari zuri-gorriari txartel gorria kentzea eta horia ateratzea erabaki du.
Penalta Mikel Oyarzabal Realeko kapitainak jaurti du eta Unai Simonek ez du aurrelariaren asmoa asmatu. Ondorioz, 0 eta 1ekoa igo da markagailura.
Hortik aurrera, joko nahasia izan da. Athletic nahi eta ezin ibili da eta Realak ondo eutsi die bilbotarren saiakerei. Bata zein bestea ez dira fin ibili gol-aukerak sortzeko garaian eta arrisku gutxi izan da bi atezainen inguruan.
Horrela, eta 8 minutuko luzapenaren ostean, Realak Errege Kopa irabazi du; bere historiako hirugarrena, 34 urteren ostean.
Fitxa teknikoa:
0 - Athletic: Unai Simón; De Marcos, Yeray, Íñigo Martínez, Yuri (Capa, 93. min); Berenguer (Villalibre, m.76), Dani García (Vesga, 76. min), Vencedor (Unai López, 68. min), Muniain; Raúl García eta Williams.
1- Real Sociedad: Remiro; Gorosabel (Aritz Elustondo, 93. min), Zubeldia, Le Normand, Monreal; Zubimendi, David Silva (Guevara, 85. min), Merino; Portu (Barrenetxea, 88. min), Isak (Carlos Fernández, 88. min) eta Oyarzabal.
Gola: 0-1, 63. min: Oyarzabal, penaltiz.
Zure interesekoa izan daiteke
Galarreta: “Galtzen hasi ondoren, puntu bat ondo dago"
Athleticeko jokalariak larunbat honetan Elxen aurka lortutako berdinketaz (1-1) hitz egin du, San Mamesen jokatu den EA Sports Ligako bosgarren jardunaldiko partidan.
Athleticek puntu bat berreskuratu du Elxen aurka (1-1)
Buonanottek penaltiz aurreratu du talde andaluziarra, baina Chustek bere atean sartutako gol batek markagailua berdindu du euskal taldeari puntu bat emateko.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.