Osasun Ministerioaren aburuz, ez da posible Kopako finala publikoarekin jokatzea
Espainiako Gobernuko Osasun Ministerioaren aburuz, ez da posible publikoarekon jokatzea apirilaren 3ko Athleticen eta Realaren arteko Errege Kopako finala. Beraz, Cartuja estadioko harmailetan ez da zalerik egongo.
Carolina Darias ministroaren esanetan, "ez da posible, ezta komenigarria ere" Errege Kopako finalean zaleak harmailetan egotea. Adierazpenak Lurralde arteko Kontseiluan egin ditu osasun ministroak.
"Denok nahi dugu horrelako ekitaldietara bueltatzea, baina ulertuko duzue hau ez dela momentu egokia", adierazi du Dariasek, pandemiaren bilakeran gorakada egon daitekeela ohartaraziz.
Publikoarekin jokatzeko aukera
Asteazken goizean albiste izan da Errege Kopako apirilaren 3ko finalean publikoa egon zitekeela Cartujako estadioan; konkretuki, estadioaren edukieraren ehuneko 25a (10.000 pertsona baino gehiago). Hala ere, Darias ministroaren adierazpenek aukera baztertu dute.
Eusko Jaurlaritzak ere iritzia eman du gai honen inguruan. Bingen Zupiria bozeramaileak adierazi duenez, Jaurlaritzaren ustez ez da momentu egokia futbol estadioetako ateak publikoari irekitzeko.
Kluben eta Federazioaren arteko batzarra
Espainiako Futbol Federazioak batzarra egingo du Athleticekin eta Realarekin ostegunean Las Rozaseko (Madril) Futbolaren Hirian, 16:00etan, apirilaren 3ko Kopako finalari buruzko xehetasunen berri emateko.
Batzar horretan Federazioak klubei jakinarazi nahi zien finala publikoarekin jokatuko zela, baina Osasun Ministerioaren erabakiaren ostean beste kontu batzuk jorratuko dituzte.
Zure interesekoa izan daiteke
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
Urrezko Baloia: Unai Simon atezainik onenaren sarirako eta Mikel Arteta eta Unai Emery entrenatzailerik onenaren sarirako izendatu dituzte
Athleticeko atezainak, munduko txapelduna bera, Yashin Garaikurrerako izendatu dute, 2024an bezala; Arsenaleko eta Aston Villako entrenatzaileek, 2025-2026 denboraldian, Ingalaterrako Liga eta Europa Liga irabazi zituzten, hurrenez hurren.
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Eibarrek puntu bikaina eskuratu du Real Madrilen etxean (0-0)
Iñaki Goikoetxearen taldeak, horrenbestez, lau puntu daramatza, Moeve F Ligan bi partida jokatuta. Igandean, Alfredo Di Stefano futbol zelaian, Eibarrek ahalegin handia egin du, eta, sari bezala, berdinketa eskuratu dute armaginek.
Athleticek hamarrekin irabazi du Logroñon (0-1)
Athletic Clubek bigarren garaipena jarraian lortu du F Moeve Ligan igande honetan Logroñori etxetik kanpo irabazita, Maddi Torreren gol bati esker eta 15. minututik bat gutxiagorekin jokatu arren. (Bideoa gazteleraz).
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek Osasuna airean ibili du, Lucas Boyek partida ikusgarria eginda (5-2)
Alavesek ondo merezita irabazi du Osasunaren aurkako derbia Mendizorrotzan, eta bigarren kokatu da ligako sailkapenean. Lucas Boye izan da protagonista nagusia, hiru gol sartuta. Talde gorritxoaren bi golak, berriz, Ante Budimirrek egin ditu.