Realak eta Eibarrek garaipena nahi dute, 13. jardunaldiko euskal derbian
Realak, LaLiga Santanderreko bigarren sailkatuak, Eibar hartuko du igandean Reale Arena estadioan, 13. jardunaldiko euskal derbian. Donostiarrek hiru puntuak nahi dituzte sailkapeneko goiko postuetan jarraitzeko.
Ostegunean Napoliren etxean bana egin eta Europa Ligako final-hamaseirenetarako txartela lortu ostean, donostiarrek garaipenaren bidera itzuli nahi dute etxean azken bi partidetan Vila-realekin (1-1) eta Alavesekin (0-0) berdindu ostean. Emaitza horien ondorioz, Imanol Alguacilen taldeak sailkapeneko lidergoa galdu du, Atletico Madrilen mesedetan.
Hala ere, txuri-urdinek puntu bakar batera dituzte madrildarrak eta ligan gol gehien egiten duen taldea izaten jarraitzen dute (22), eta gol gutxien jasotzen dituen bigarrena (5), Simeoneren taldearen atzetik. Orain helburua etxeko emaitzak hobetzea da: porrot bakarra jaso dute (Valentziaren aurka, 0-1, laugarren jardunaldian) eta orain arte berdindutako lau partidetatik bi Donostian jokatu dituzte.
Aurrean Eibar izango dute. Armaginak sailkapenaren erdiko partean dira, jaitsiera postuetatik hiru puntura eta Europakoetatik bira. Bosgarrenez jarraian punturen bat ateratzen saiatuko dira, azken lau norgehiagoketan garaipen bat eta hiru berdinketa lortu ostean, horietako azkena Valentziaren aurka (0-0).
Realean, Mikel Oyarzabal LaLigako pitxitxia baja eta David Silva ez da hasieratik arituko, eta Eibarren, berriz, Quique Gonzalez, Cote eta Sergio Cubero baja dira.
Balizko hamaikakoak:
Reala: Remiro; Zaldua, Aritz, Zubeldia, Muñoz; Guevara, Merino, Roberto López; Barrenetxea, Portu, Isak.
Eibar: Dimitrovic; Arbilla, Bigas, Burgos, Correa, Expósito, Bryan Gil, Diop, Inui, Muto, Kike García.
Epailea: Diaz de Mera (Gaztela Mantxako batzordekoa)
Estadioa: Reale Arena.
Ordua: 14.00
Zure interesekoa izan daiteke
Emma Moreno Eibarrera itzuli da, Atletico Madrilek utzita
Madrildarra joan den udan iritsi zen lehen aldiz talde armaginera, 19 urtez azpiko Europako txapeldun izan ondoren. Guztira, 29 partidatan parte hartu zuen iragan denboraldian, eta 1.500 minututik gora jokatu zituen.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi behar izan zuen neurketa hasi eta bi minutu eskasera.
F Liga abuztuaren 29an hasiko dute Realak eta Eibarrek eta 30ean Athleticek eta Alavesek
Abuztuaren 29an, larunbatean, talde txuri-urdinak Logroño United hartuko du, eta talde armaginak, Espanyol. Bestalde, lehoiek FC Badalona izango dute aurkari etxean, hilaren 30ean, igandean, eta Alavesek, Valentzia.
Miguel Rodriguez: “Entrenatzaileak eskatutako postuan, eroso izango naiz: bigarren aurrelari, eskuineko hegalean…”
Alavesen fitxaketa berria Herbehereetako Utrecht taldetik iritsi da Gasteizera, eta astelehenean aurkeztu dute. Miguel Rodriguezek ilusio handia du euskal taldean aritzeko aukeragatik.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Infantinok bertan behera utzi du FIFA inbertitzaile pribatuei irekitzeko proiektua
FIFAko presidenteak proposamena erretiratu du, hainbat konfederazio eta federazio, UEFA barne, aurka agertu ondoren.
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.