Athleticek bi minututan irauli du Realaren aurkako derbia (2-1)
Athleticek Realaren aurka Lezaman jokatutako euskal derbiko hiru puntuak eraman ditu, partida 2 eta 1 irabazita.
Gonzalo Arconadaren taldeak bikain hasi du neurketa, Kiana Palaciosek 6. minutuan egindako golari esker. Realeko jokalariak arean solte geratutako baloia aprobetxatu du eskuinez jaurtiketa egin eta gipuzkoarrak aurretik jartzeko.
Athleticek aurrea pausoa eman du hartutako golari lehenbailehen buelta emateko asmoz, baina zuri-gorriek ez dute aukera argirik izan baloia Mariasun Quiñones atezainaren atean sartzeko.
Atsedenaldiaren ostean, Reala bigarren gola sartzear izan da 52. minutuan, baina Ainhoa Tirapu atezainak erantzun ona eman dio bere erremateari. Baina golak aurkako atean iritsi dira. 66. minutuan, Ane Azkonak buruz errematatu du Eunatek egindako erdiraketa, markagailuan banakoa ezarriz. Eta bi minutu geroago, 68.ean, Luciak bilbotarren bigarrena egin du, Azkonak egindako erdiraketa aprobetxatuta.
Hirugarrena egiteko aukera argia izan dute Villacamparenek 75. minutuan, Luciak egindako baselina baten bidez, baina Mariasun Quiñonesek ondo asmatu du zuri-gorriaren asmoa.
Realak ez du amore eman, eta 82. minutuan partida berdintzeko aukera izan du Eizagirrek egindako errematearekin, baina baloia ez da ate barrua sartu. Azkenean, Athletic garaile, Realaren aurkako derbian.
Fitxa teknikoa
2 - Athletic: Ainhoa Tirapu; Ainhoa Vicente 'Moraza', Vanesa Gimbert, Garazi Murua, Eunate Arraiza (Nerea Nevado, 91. min); Oihane Hernández, Damaris Egurrola, Oihane Valdezate (Yulema Corres, 58. min), Maite Oroz; Ane Azkona (María Díaz Cirauqui, 89. min) eta Lucía García Córdoba.
1 - Reala: Mariasun Quiñones; Lucía Rodríguez, Maddi Torre, Ana Tejada (Iraia Iparragirre, 77. min), Leire Baños (Sara Olaizola, 77. min); Ane Etxezarreta, Nuria Mendoza, Nerea Eizaguirre (Sara Roda, 85. min), Marta Cardona (Manu Lareo, 71. min); Nahikari García eta Kiana Palacios.
Golak: 0-1, 6. min: Kiana Palacios. 1-1, 67. min: Ane Azkona. 2-1, 69. min: Lucía Garcia.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.