Frantziaren gol-festak Munduko Koparen ateak ireki ditu (4-0)
Frantziak gol-festa batekin irabazi du Hego Korearen aurkako partida (4-0), 2020ko Munduko Kopak ateak ireki zituen partidan.
Munduko Koparen lehenengo partidan, Frantziak ez zion aukera askorik eman Hego Koreari, Parc des Princes zelaian jokatutako partidan, eta Munduko Kopa honetarako duten helburua argi utzi zuen joko bertikal eta zuzena erabilita.
Frantziarrek laster hasi ziren partida haien alde jartzen. Izan ere, 9. minutuan lortu zuen Le Sommerrek, eskarmentu handiko jokalariak, Frantziako selekzioaren lehenengo gola. Gainera, jokalari frantziarrek min handia egin zioten Hego Koreako defentsari joko zuzenaren bitartez.
Atsedenaldian, partidako markagailuak argi isladatzen zuen frantziar jokoaren nagusitasuna (3-0), Hego Koreako selekzioak ez baitzuen aukera garbirik izan lehenengo zatian zehar.
Partida amaitzear zegoela, Amandine Henry kapitainak azken gola lortu zuen area kanpotik egindako jaurtiketa gogor baten ostean, 85. minutuan. Horrela, Frantziak argi utzi zuen 2020ko Munduko Kopa irabazteko hautagai nagusienen artean dagoela.
Fitxa teknikoa
4 - Frantzia: Bouhaddi; Torrent, Mbock Bathy Nka, Renard, Majri (74. min, Perisset); Henry, Bussaglia; Cascarino (70. min, Gauvin), Thiney, Le Sommer; Diani.
Selekzioko hautatzailea: C. Diacre.
0 - Hego Korea: M. Kim; Hwang, H. Kim, D. Kim, Jang; Y. Lee (69. min, M. Lee), Cho; Y. Kang (52. min, C. Kang), Ji, G. Lee; Jung.
Selekzioko hautatzailea: D. Yoon.
Golak: 1-0, 9. m: Le Sommer; 2-0, 36. m: Renard; 3-0, 47. m: Renard; 4-0, 85. m: Henry.
Epailea: Claudia Umpierrez.
Zure interesekoa izan daiteke
Realak Madril CFF garaitu du, eta eskura dauka Txapeldunen Liga (2-0)
Realak 2-0 irabazi dio Madril CFF talde gogorrari Zubietan, eta datorren denboraldian Txapeldunen Ligan jokatzeko aukera ematen duen hirugarren postuan egonkortu da. Lavogezek eta Ceciliak sartu dituzte golak.
Catenak azken txanpan eman dio garaipena Osasunari Sevillaren aurka (2-1)
Sevillak aurrea hartu du Maupayren golarekin, baina Raul Garcia de Harok eta Catenak partida irauli dute Sadarri garaipena oparitzeko. Garaipenari esker, gorritxoek arnasa eman diote Alavesi mailari eusteko borrokan.
Realak garaipenari ihes egiten utzi dio erotzeko norgehiagokan Vallecasen (3-3)
Pellegrino Matarazzoren taldea 1-3 irabazten ari zen 75. minutuan, baina Rayok partida berdintzea lortu du luzapenean. Neurketaren azken txanpan denetarik gertatu da, eta polemika piztu da epailearen erabakiengatik.
Pablo Marin: “Amorru handia ematen du azken minutuetan puntuek ihes egiteak”
Pablo Marin Realeko jokalariaren adierazpenak, Rayo Vallecanoren aurka 3-3 berdindu ostean, EA Sports Ligako 32. jardunaldiko partidan. (Adierazpenak gaztelaniaz)
Unai Gomez: “Partida garrantzitsua zen gorantz begiratzeko"
Athleticeko jokalariak Atletico Madrilen aurka jasandako porrotaz (3-2) hitz egin du, EA Sports Ligako 32. Jardunaldian.
Bigarren zati eskasak porrotera zigortu du Athletic Atletico Madrilen aurka (3-2)
Paredesek aurretik jarri du Bilboko taldea lehen zatian, baina bigarren zatiko hasiera eskasak porrotera zigortu ditu.
Eibar garaipenaren bidera itzuli da Levante azken sailkatua garaituta (2-1)
Hamaika jardunaldi garaipenik lortu gabe zeramatzan Eibarrek 2-1 irabazi dio Levante ligako azken sailkatuari Ipuruan, eta, horrenbestez, bere bolada txarrari amaiera dio. Iarak eta Garazik sartu dituzte armaginen golak. Eunate Astralagak, berriz, geldiketa erabakigarriak egin ditu, tartean penalti bat.
Sansek merezi gabeko porrota jaso du Valladoliden (1-0)
Jon Ansotegiren taldearenak izan dira partidako gol aukerarik onenak, baina ez dute asmatu; eta Valladolidek, berriz, sarera bidali du Aranaren atera partida guztian egin duen erremate bakarra.
Rochdaleko eromenetik Yorkeko estasira, igoerarik sinesgaitzena 103. minutuan
National Leaguek (Ingalaterrako Bosgarren Maila) futbolaren historiako amaierarik sinesgaitzenetako bat utzi du. York Cityk futbol profesionalera igotzea lortu du 103. minutuan sartutako golari esker, Rochdalek 95. minutuan egindako golarekin garaipena eskuratuta zuela pentsatu eta gero.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)