Bartzelonak eta Real Madrilek berdindu egin dute Camp Noun
Bartzelonak eta Real Madrilek bina berdindu dute Camp Noun jokatu den Ligako klasikoan. Ezer gutxi egon da jokoan; Bartzelonak Liga irabazita du, eta Real Madrilek Txapeldunen Ligako finalean du burua.
Barçak bizi ekin dio partidari eta lehen minutuetan nagusi izan da. Horren ondorioz, Luis Suarezek 1-0ekoa sartu du 3. minutuan, Sergi Robertoren erdiraketa sare barrura errematatuta. Pare bat abagune gehiago izan ditu Bartzelonak lehen ordu laurdenean, baina Real Madrilek izan duen lehen abagunean Cristiano Ronaldok banakoa (1-1) sartu du jokaldi bikain baten ostean; Cristianok orpoz eman dio pasea Kroosi, honek erdiratu, Benzemak buruz pasea eman, eta Cristiano Ronaldok sare barrura bultzatu du baloia. Banakoaren ostean, Real Madril izan da nagusi eta bigarren gola sartzeko abagune ugari izan ditu; argiena Cristiano Ronaldok izan du, baina Ter Stegen atezainak eragotzi egin du portugaldarraren gola. Ondoren, Balek sarrera gogorra egin dio Umtitiri. Epaileak ez dio txartelik atera, baina gorria ateratzeko moduko sarrera egin dio galestarrak. Ondoren, lehen zatiko azken minutuan, epaileak txartel gorria atera dio Sergi Robertori, Marcelori ukabilkada bat emateagatik.
Cristiano Ronaldo gabe ekin dio Real Madrilek bigarren zatiari, aurrelariak min hartu baitu lehen zatian, eta Zidanek zuzentzen duen taldea galduta atera da, erreferentziarik gabe. Bartzelonan Coutinho aulkian utzi du Valverdek eta Semedo atera du. Real Madrilek hasiera txarra eman dio bigarren zatiari eta Bartzelonak 2-1ekoa egin du, Messiren bitartez. Argentinarrak izkin egin du area barruan eta gol ona sartu du. Bartzelonak ez da bere nagusitasunaz baliatu, pixkanaka baloiaren jabe egin da Real Madril eta Gareth Balek binakoa (2-2) sartu du jaurtiketa bikain batekin, Asensioren pasea jaso ostean. Azken minutuetan, neurketa joan-etorrikoa izan da. Bartzelonak abagune bikaina izan du Messiren jokaldi baten bitartez, baina Keylor Navas atezainak gola eragotzi du. Jokaldi polemikoa ere egon da; Jordi Albak penalti argia egin dio Marcelori, baina epaileak ez du ezer adierazi. Negargarri aritu da bi taldeentzat Hernandez Hernandez epailea. Amaieran, berdinketa (2-2) Camp Noun.
Fitxa teknikoa:
2 - Bartzelona: Ter Stegen; Sergi Roberto, Pique, Umtiti, Alba; Busquets, Rakitic, Iniesta (Paulinho, 58. min); Coutinho (Semedo, 46. min), Messi eta Suarez (Paco Alcacer, 92. min)
2 - Real Madril: Keylor Navas; Nacho (Lucas Vazquez, 68. min), Varane, Ramos, Marcelo; Casemiro, Kroos (Kovacic, 84. min), Modric; Bale, Benzema eta Cristiano Ronaldo (Asensio, 46. min).
Golak: 1-0, 10. min: Luis Suarez. 1-1, 15. min: Cristiano Ronaldo. 2-1, 52. min: Messi. 2-2, 72. min: Bale.
Epailea: Alejandro Hernandez Hernandez. Txartel horiak atera dizkie jokalari hauei: Nacho (12. min), Varane (31. min), Luis Suarez (42. min), Ramos (42. min), Messi (45. min), Bale (77. min) eta Marcelo (77. min). Txartel gorria atera dio Sergi Robertori (47. min).
Zure interesekoa izan daiteke
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Infantinok bertan behera utzi du FIFA inbertitzaile pribatuei irekitzeko proiektua
FIFAko presidenteak proposamena erretiratu du, hainbat konfederazio eta federazio, UEFA barne, aurka agertu ondoren.
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Franco Baresi 80ko eta 90eko hamarkadetako Italiako futbolaren mitoa hil da
Erdiko atzelariak Europako 3 Kopa eta Italiako 6 Liga irabazi zituen AC Milanekin, eta 1982an munduko txapeldun izan zen, Espainian jokatutako Munduko Txapelketan.
UEFA, Infantinok Munduko Txapelketa pribatizatzeko dituen asmoei aurka egiteko prest
Europako futbol erakunde nagusiak eta bere 55 federazioek iragarri dute ez dutela FIFAren lehiaketetan parte hartuko. "Munduko Kopa ez dago salgai, ezin da inbertsio produktutzat hartu", adierazi du UEFAk FIFAren asmoei buruz.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.