Realak nagusitasunez irabazi du Eibarren aurkako derbia
Realak 3-1 irabazi dio Eibarri Anoetan jokatutako derbi gipuzkoarra. Txuri-urdinak nagusi izan dira hasieratik amaieraraino, eta Europako postuetatik bi puntura jarri dira sailkapenean. Eibar, aldiz, jaitsiera postuetatik bi puntura dago.
Eibarrek ondo ekin dio norgehiagokari, eta armaginek izan dute lehen abagunea; Kike Garciaren jaurtiketa, ordea, gelditu egin du Rulli atezainak. Hortik aurrera, Reala izan da nagusi. Txuri-urdinak baloiaren jabe egin dira, eta 12. minutuan, izan duten lehen abagunean, Willian Josek 1-0ekoa sartu du, Odriozolaren erdiraketa bikain errematatuta. Gola hartzeak min egin dio Eibarri, eta Mendilibarrek zuzentzen duen taldea ezinean ibili da. Horrela, 27. minutuan, Januzajek bigarrena egin du. Eibarrek kale egin du defentsan, Dmitrovic atezainak desbideratu egin du Januzajen lehen errematea, baina Realeko aurrelariak bigarrenean ez du barkatu.
Bigarren zatia hasi bezain laster, Realak neurketa erabakita utzi du Oyarzabalek 3-0ekoa sartuta. Armaginek kale egin dute berriro atzealdean, Oyarzabal bakarrik geratu da Dmitrovic atezainaren aurrean, eta bikain amaitu du jokaldia. Hortik aurrera, Realak kontrolpean izan du neurketa. Eusebiok zuzentzen duen taldeak gol gehiago sartzeko abaguneak izan ditu, baina ez du aurkariaren ate aurrean asmatu. Eibarrek, aldiz, gutxi egin du erasoan, baina 73. minutuan armaginek aldea murriztu dute Joan Jordanen golari esker (3-1); erdiraketa ona egin du Jose Angelek, Jordanek area barruan kontrolatu du, eta baloia sare barrura bidali du. Azken minutuetan, Eibar bigarren golaren bila aritu da, baina Realak kontrolpean izan du partida, eta hiru puntuak talde txuri-urdinak eskuratu ditu.
Fitxa teknikoa:
3.- Reala: Rulli; Odriozola, Llorente, Iñigo Martinez, Kevin; Illarramendi, Zurutuza, Prieto; Januzaj (Vela, 73. min), Oyarzabal (Canales, 86. min), Willian Jose.
1.- S.D. Eibar: Dimitrovic; Capa, Gálvez, Lomban, Arbilla, Jose Angel; Jordán (Charles, 85. min), Rivera, Inui; Enrich eta Kike (Sarriegi, 60. min)
Epailea: Trujillo Suarez.
Golak: 1-0, 12. min: Willian Jose. 2-0, 27. min: Januzaj. 3-0, 46. min: Oyarzabal. 3-1, 71. min: Jordan.
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.