Athletic eta Reala, Europa Ligako postuetan
Athletic eta Reala denboraldi hasiera ona egiten ari dira, eta horren ondorioz, bi taldeak Europa Ligako postuetan daude. Bi euskal talde hauek ondo ekin diote BBVA Ligako 2013-2014. denboraldiari.
Talde bizkaitarra bosgarren sailkatua da, eta puntu bakarrera du Txapeldunen Ligako postuan (laugarren) dagoen Vila-real. Gainera, zuri-gorriek 2-0 irabazi zioten Vila-reali San Mamesen, eta, momentuz, averagea alde du Athleticek. Valverdek zuzentzen duen taldeak ez du partidarik galdu San Mamesen. Etxean jokatu dituen sei partidetan lau garaipen eta bi berdinketa lortu ditu. Bigarren jardunaldian Anoetan jokatu zuen Athleticek etxeko talde moduan, eta derbia irabazi egin zion Osasunari. Etxetik kanpoko partidetan, ordea, Athleticek badauka zer hobetu. Etxetik kanpo jokatutako norgehiagoketan, lau partida galdu eta hiru irabazi dituzte zuri-gorriek.
Realak zalantza askorekin hasi zuen denboraldia. Txapeldunen Liga jokatzeak zalantzak eragin zituen taldean, baina jardunaldiak aurrera joan ahala, taldeak hobera egin du. Anoetan porrot bakarra jaso du Realak, beste lau partida irabazi egin ditu, eta bi norgehiagoka berdindu ditu. Etxetik kanpo jokatu dituen partidetan, talde txuri-urdinak bi garaipen, hiru berdinketa eta hiru porrot jaso ditu.
Argi dago bi euskal talde hauek denboraldi hasiera ona egiten ari direla, eta zaleek amets egiteko baimena dutela, bi taldeek hobera egingo dutela uste baita.
Zure interesekoa izan daiteke
Miguel Rodriguez: “Entrenatzaileak eskatutako postuan, eroso izango naiz: bigarren aurrelari, eskuineko hegalean…”
Alavesen fitxaketa berria Herbehereetako Utrecht taldetik iritsi da Gasteizera, eta astelehenean aurkeztu dute. Miguel Rodriguezek ilusio handia du euskal taldean aritzeko aukeragatik.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Infantinok bertan behera utzi du FIFA inbertitzaile pribatuei irekitzeko proiektua
FIFAko presidenteak proposamena erretiratu du, hainbat konfederazio eta federazio, UEFA barne, aurka agertu ondoren.
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Alavesek garaipena lortu du Castelloren aurka udako hirugarren lagunartekoan (0-3)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 0-3ko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Franco Baresi 80ko eta 90eko hamarkadetako Italiako futbolaren mitoa hil da
Erdiko atzelariak Europako 3 Kopa eta Italiako 6 Liga irabazi zituen AC Milanekin, eta 1982an munduko txapeldun izan zen, Espainian jokatutako Munduko Txapelketan.
UEFA, Infantinok Munduko Txapelketa pribatizatzeko dituen asmoei aurka egiteko prest
Europako futbol erakunde nagusiak eta bere 55 federazioek iragarri dute ez dutela FIFAren lehiaketetan parte hartuko. "Munduko Kopa ez dago salgai, ezin da inbertsio produktutzat hartu", adierazi du UEFAk FIFAren asmoei buruz.