Euskal Selekzioa-Bolivia 20:00etan jokatuko da
Euskal Selekzioak urte bukaerako ohiko lagunartekoa abenduaren 29an, larunbatean, arratsaldeko 20:00etan jokatuko du, Boliviaren aurka. Mikel Etxarrik eta Jose Mari Amorrortuk zuzendutako selekzioak Anoetan jokatuko du aspaldiko partez, eta aurkaria Bolivia izango da.
Azken urteetan, Euskal Selekzioak San Mamesen jokatu ditu norgehiagokak, baina aurten euskal jokalariak Donostiako estadiora itzuliko dira. Aurrean Xavier Azkargortak zuzendutako selekzioa izango dute.
Sarrerak
Neurketako aurreneko sarrerak Realeko bazkideek soilik erosi ahal izango dituzte, abenduaren 11an eta 12an internet bidez, eta 14tik 25era sarrerak edonork erosi ahal izango ditu. Abenduaren 26tik aurrera Anoetako txartelegietan salgai egongo dira.
Araban eta Bizkaian ere sarrerak salgai jarriko dira, lurraldeetako federazioen egoitzetan, eta abenduaren 17tik 22ra San Mameseko txarteldegietan.
Boliviaren deialdia
Xabier Azkargorta Boliviako hautatzaileak 18 jokalari hauek sartu ditu deialdian: Sergio Galarza eta Carlos Arias atezainak; Gabriel Valverde, Edward Zenteno, Rony Jiménez eta Luis Méndez defentsak; Diego Bejarano, Walter Veizaga, Pedro Azogue, Alejandro Melean Rudy Cardozo, Jhasmany Campos eta José Luis Chavez erdilariak; Carlos Saucedo, Alcides Peña, Gualberto Mojica, Ronald Segovia eta Arze aurrelariak.
Zure interesekoa izan daiteke
Aramburu eta Yangel Herrera, Venezuelaren zerrendan Euskal Selekzioaren aurkako lagunartekorako
PSGk sendo eusten dio lehen postuari, Vila-real jipoitu du eta; Bartzelonak Aston Villari irabazi dio
Guruzeta osaturik dago ezker belauneko ebakuntzaren ondoren
Espainiako Futbol Federazioak ostiralera arte luzatu du bere lehiaketen geldialdia
UEFAk minutu bateko isilunea agindu du partida guztietan, Jesus de Miguelen omenez
Bertan behera, Errege eta Erregina Kopetako gaurko partidak, Jesus de Miguel jokalariaren heriotzagatik
Jesus de Miguel Tenerife taldeko aurrelaria hil da, Andorraren aurkako partidan hartutako kolpearen ondorioz
Jagoba Arrasate: “Porrot oso mingarria izan da; burua altxatu behar dugu, akatsak zuzendu”
Deportivok markagailua irauli du Osasunaren aurka, eta gorritxoek ezinean jarraitzen dute etxetik kanpo (2-1)
