Espainia Europako txapeldun izendatu da Italiari finala irabazita
Espainia Europako txapeldun izendatu da 2012ko Eurokopako finalean Italiari 4-0 irabazita. Horrenbestez, hirugarren titulua jarraian lortu du Espainiako selekzioak 2008an Eurokopa, 2010ean Munduko Kopa eta aurten, berriro Eurokopako titulua berrituta.
Partida hasieran Espainia izan zen baloiaren jabe eta espainiarrek izan zituzten gol aukera onenak. Zazpigarren minutuan Sergio Ramosek egindako erremate batekin eman zuen Espainiak lehen abisua. Ondoren, Xavi Hernandezen jaurtiketa langa urratuz kanpora joan zen, eta azkenik, Silvak 13. minutuan 1-0 sartu zuen. Fabregasek egin zuen jokaldia hondoko marrara arte joan eta atzera erdiratuta. Silva behartuta iritsi zen, eta zorte pittin batekin baloia sare barrura bidaltzea lortu zuen.
Gola hartuta, Italia baloiaren jabe egin zen eta golaren bila jo zuten. Minutuak aurrera joan ahala Italia gol aukerak sortzen hasi zen. Casillasek lanak izan zituen Pirlok ateratako bi korner aldentzeko, eta bigarrenean De Rossiri erremate argia kendu zion Espainiako atezainak. Ondoren, Ramosek aldendu behar izan zuen area barruan solte geratu zen baloia, italiarrei errematea kentzeko. Geroago, Cassanok bi gol aukera izan zituen. Lehenengoan, Arbeloa lurrean utzi, area barruan sartu eta bere jaurtiketa Casillasek geratu zuen. Bigarren errematean, Espainiako atezainak erantzun bikaina eman zion Cassanoren zartakoari. Italia momentu onenean ari zenean, Espainiak 2-0ekoa sartu zuen. Jordi Albak pase dotorea hartu, abiadura bizian aurrea egin eta Buffon atezaina gainditu zuen. Lehen zatiko azken minutuan, Casillasek bikain desbideratu zuen Montolivoren jaurtiketa indartsua. Horrenbestez, partida 2-0eko emaitzarekin iritsi zen atsedenaldira.
Bigarren zatiaren hasieran, Italia aldeak murrizteko asmoz atera zen berdegunera eta bi gol aukera argi izan zituen lehen minutuietan. 47. minutuan Di Nataleren errematea langa urratuz kanpora joan zen eta 51.ean, Casillasek erantzun ezin hobea eman zion Di Natalek bere aurrean egindako jaurtiketari. 61. minutuan, Italiak albiste txar bat jaso zuen. Zelaian bost minutu zeramatzan Thiago Mottak min hartu zuen eta ezin izan zuen jokatzen jarraitu. Pradelli Italiako hautatzaileak hiru aldaketak eginak zituen jada, eta Italiak jokalari bat gutxiagorekin jokatu behar izan zituen partidako azken 30 minutuak.
Italia jokalari bat gutxiagorekin zegoen eta Espainia jaun eta jabe zen. Partidako azken hamar minutuetan, Espainiak beste bi gol sartzeko gaitasuna izan zuen. 83. minutuan, Torresek 3-0koa sartu zuen, eta Italia guztiz etsita zegoenean Matak 4-0koa sartu zuen 88. minutuan. Azkenean, partida 4-0eko emaitzarekin bukatu zen eta Espainia izendatu zen Europako txapeldun.
Fitxa teknikoa:
4 - Espainia: Casillas; Arbeloa, Pique, Sergio Ramos, Jordi Alba; Busquets, Xabi Alonso, Xavi; Iniesta (Mata, 86. min), Silva (Pedro, 59. min) eta Cesc (Torres, 75. min).
0 - Italia: Buffon; Abate, Barzagli, Bonucci, Chiellini (Balzaretti, 21. min); Marchisio, Pirlo, De Rossi, Montolivo (Motta, 56. min); Cassano (Di Natale, 46. min) eta Balotelli.
Golak: 1-0, 13. min: Silva. 2-0, 41. min: Jordi Alba. 3-0, 84. min: Fernando Torres. 4-0, 88. min: Mata.
Epailea: Pedro Proenca (POR).
Zure interesekoa izan daiteke
Oscar de Marcos Athleticen talde teknikoan izango da, Edin Terzicek berak eskatuta
Guardiako futbolari ohiak, 2009tik 2025era bitartean, 573 partida jokatu zituen Bilboko taldean; orain, klub zuri-gorriak zehaztu duenez, lan bikoitza izango du Lezaman: “Jokalariak garatzea, eta aldagelarekin konektatzea”.
Mexiko sailkatu da, eta Kanadak historia egin du 2026ko Munduko Txapelketan
Mexiko final-hamaseirenetara iritsi den lehen selekzioa izan da, Hego Korea 1-0 gaindituta; Kanadak, berriz, bere lehen garaipena eskuratu du Munduko Kopan, Qatar 6-0 irabazita, Ismael Koneren lesioak gaua ilundu duen arren.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Suitzak Bosniaren aurkako neurketa azken txanpan desorekatu du (4-1), eta Txekiar Errepublikak eta Hegoafrikak bana egin dute
Bosniak jokoaren kontrola galdu du bigarren zatian, eta Johan Mamzambi, Ruben Vargas eta Granit Xhakaren golek garaipena eman diote Suitzari. Txekiar Errepublikak aurrea hartu du, Michal Sadileken golari esker, baina Hegoafrikak banakoa egin du penaltiz. Teboho Mokoenak ez du barkatu hamaika metroetatik.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Beñat San Josek Eibarren entrenatzailea izateari utzi dio, eta Rayo Vallecanok fitxatu du
Gipuzkoako taldeko entrenatzaileak, duela bi aste, talde armaginarekin berritu zuen, baina Madrilgo taldearen entrenatzaile izango da, Iñigo Perezen ordez.
Ingalaterrak, Ghanak eta Kolonbiak garaipena lortu dute, Munduko Txapelketako multzo faseko lehen jardunaldiko azken partidetan
L multzoan, Ingalaterrak Kroazia menderatu du, 4-2, eta Ghana, Iñaki Williams aulkian izan dela, Panamari gailendu zaio, 1-0; K multzoan, Kolonbiak Uzbekistan hartu du mendean, 1-3. Ostegunean eta ostiral goizaldean, txapelketako bigarren jardunaldia hasiko da, A eta B multzoetako partidak jokatuko baitituzte.
Portugalek eta Cristianok ezin izan dute estreinakoan Kongoko ED sendoa menderatu (1-1)
Yoane Wissak Kongoko Errepublika Demokratikoaren gola buruz sartu du atsedenaldia baino lehen, eta Portugalgo selekzioak garaitzea eragotzi du. Portugalen gola Joao Nevesek egin du, Houstonen, neurketako 6. minutuan.
Leo Messik Miroslav Kloserekin berdindu du, Munduko Txapelketako historiako golegilerik onenetako lehen postuan
Argentinako selekzioko futbolariak, asteazkenean Aljeriaren aurka sartu dituen hiru golak zenbatuta, 16 daramatza, bere kirol-ibilbidean jokatu dituen sei Munduko Txapelketetan. Ekainaren 24an 39 urte beteko ditu, eta gutxienez beste bi partida ditu, Austria eta Jordania aurkari, Klose atzean uzteko.