Alemaniak eta Portugalek final-laurdenetarako txartela lortu dute
Alemaniak eta Portugalek Eurokopako final-laurdenetarako txartela lortu dute, B multzoan Danimarka eta Holanda kanporatuta. Alemaniarrek 1-2 gainditu dute Danimarka eta multzoko lider gisa sailkatzea lortu dute. Portugalek 2-1 gainditu du Holanda eta munduko txapeldunordea Eurokopatik kanporatzea lortu du.
Portugal-Holanda (2-1):
Holandak erasoan bikain jokatu du aurreneko minutuetan, eta Rafael Van der Vaartek 0-1ekoa jarri du markagailuan (11. minutuan). Portugal galduta ibili da partida hasieran, baina pixkanaka Paulo Bentoren mutilek baloiaren jabetza kontrolatu dute. Cristiano Ronaldok eta Postigak gola lortzeko abagune ederrak izan dituzte, baina lusitaniarrek ezin izan dute Stekelenburg atezaina gainditu.
Lehenengo zatiko 28. minutuan Cristiano Ronaldok lortu du 1-1ekoa, eta Holandak atzerapauso handia eman du berdegunean. 1-1ekoarekin, Portugalek final-laurdenetarako txartela eskura izan du.
Bigarren zatian Portugalek erasoan min egiten jarraitu du, eta Holandak ezin izan du eroso jokatu. Coentraok bigarren gola lortzeko abagune aparta izan du, baina Stekelenburg atezainak gelditu ikusgarria egin du. Atezain holandarrak beste gelditu erabakigarri bat egin dio Naniri, baina Cristiano Ronaldok 2-1ekoa jarri du. 74. minutuan.
Van der Vaartek neurketa berdintzeko aukera izan du, 82. minutuan, baina bere jaurtiketa zutoinean joan da. Jarraian, Cristiano Ronaldok hirugarren gola lortzeko abagunea izan du, baina Real Madrileko izarraren saiakera zutoinera joan da. Azkenean, Paulo Bentoren taldeak lortu du final-laurdenetarako txartela, B multzoko bigarren sailkatuta.
- Fitxa teknikoa:
2 - Portugal: Rui Patricio; Joao Pereira, Pepe, Bruno Alves eta Fabio Coentrao; Miguel Veloso, Raul Meireles (Custodio, 71. minutuan) eta Moutinho; Nani (Rolando, 86. minutuan), Helder Postiga (Nelson Oliveira, 63. minutuan) eta Cristiano Ronaldo.
1 - Holanda: Stekelenburg; Van der Wiel, Mathijsen eta Vlaar, Willems (Affelay, 66. minutuan); N. De Jong, Sneijder, Robben eta Van der Vaart; Huntelaar eta Van Persie.
Golak: 0-1: Van der Vaart, 11. minutuan; 1-1: Cristiano Ronaldo, 27. minutuan; 2-1: Cristiano Ronaldo, 74. minutuan.
Danimarka-Alemania (1-2):
Alemania nagusi izan da aurreneko zatian, eta Joachim Low entrenatzailearen mutilek gol aukera ugari izan dituzte. Lehenengo bi abagune argia Thomas Mullerrek izan ditu, baina Bayern Munich taldeko jokalariak ezin izan du gola lortu. 0-1ekoa Podolskik eskuratu du 19. minutuan, jaurtiketa gogor batekin. Hala ere, Danimarkak erasoan ausart jarraitu du, eta Krohn-Delhik 1-1ekoa jarri du markagailuan, Neuer atezaina gaindituta. Germaniarrek bigarren gola lortzeko aukera onak izan dituzte, baina atsedenaldira 1-1ekoarekin heldu dira.
Bigarren zatian, Danimarkak erasoan erakustaldia eman du, baina Morten Olsenen mutilek ezin izan dute Neuer gainditu. Jacob Poulsenek gola lortzeko aukera bikaina izan du 51. minutuan, baina daniarrak ezin izan du baloia sareetara bidali. Alemaniak erasoan abiadurarekin jokatu du, eta Andersen atezainak gelditu erabakigarriak egin behar izan ditu.
Norgehiagokako 80. minutuan alemaniarrek 1-2ekoa jarri dute markagailuan. Benderrek ederki gainditu du Andersen, eta neurketa ia erabakita utzi du Bayer Lerverkusen taldeko jokalariak. Danimarkaka azkenengo minutura arte gola lortzeko guztia ematen jarraitu du, baina garaipena eta final-laurdenetarako txartela Alemaniak lortu du.
- Fitxa teknikoa:
1 - Danimarka: Andersen; Jacobsen, Kjær, Agger, Simon Poulsen; Jacob Poulsen (Mikkelsen, 82. minutuan), Kvist; Zimling (Christian Poulsen, 79. minutuan), Eriksen, Krohn Dehli; eta Bendtner.
2 - Alemania: Neuer; Bender, Hummels, Badstuber, Lahm; Khedira, Schweinsteiger; Müller (Kroos, 84. minutuan), Özil, Podolski (Schürrle, 64. minutuan); eta Gomez (Klose, 74. minutuan).
Golak: 0-1 (19. minutuan, Podolski), 1-1 (25. minutuan, Krohn-Dehli), 1-2 ( 80. minutuan, Bender)
Zure interesekoa izan daiteke
Leo Messik Miroslav Kloserekin berdindu du, Munduko Txapelketako historiako golegilerik onenetako lehen postuan
Argentinako selekzioko futbolariak, asteazkenean Aljeriaren aurka sartu dituen hiru golak zenbatuta, 16 daramatza, bere kirol-ibilbidean jokatu dituen sei Munduko Txapelketetan. Ekainaren 24an 39 urte beteko ditu, eta gutxienez beste bi partida ditu, Austria eta Jordania aurkari, Klose atzean uzteko.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Argentinak, Messik hiru gol sartuta, Aljeria menderatu du (3-0); Norvegia Iraki gailendu zaio (1-4), eta Austriak Jordania gainditu du (3-1), Munduko Txapelketan
Leo Messik historia egin du, indarreko txapeldunaren aurreneko partidan; izan ere, hiru gol eginda, Miroslav Klose alemaniarrarekin berdindu du, Munduko Txapelketako golegile historiko handienen lehenengo postuan. Irak-Norvegia neurketan, Erling Haalandek bi gol sartu ditu.
Mbapperen eta Barcolaren golek garaipena eman diote Frantziari Senegalen aurka (3-1)
94. minutuan, Ibrahim Mbayek sartu du Senegalen gol bakarra, 2-1ekoa orduan, baina Mbappek hurrengo jokaldian 3-1ekoa egin du, eta norgehiagoka erabakita utzi. Gainera, gol horrekin Frantziako historiako golegilerik onena da.
Eibarrek 2027ra arte berritu du Juan Bernat
Talde armaginak eta Valentziako hegalekoak akordioa lortu dute kontratua denboraldi batez luzatzeko.
Astralaga, Gara, Amaia Martinez, Artero eta Iribarren Athleticera itzuliko dira, utzita ibili eta gero
Iragan denboraldian F Ligako taldeetan utzita jokatu zuten bost jokalariek. Guztiek, Amaia Martinezek izan ezik (2028), 2027ra arte dute kontratua.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Sergio Francisco Realeko entrenatzaile ohia, Burgoseko prestatzaile berria
Entrenatzaile irundarrak denboraldi baterako kontratua sinatu du Burgosekin, eta bere lotura beste denboraldi batez luzatzeko aukera izango du, Gaztela eta Leongo taldearen helburuak betetzen baldin baditu.
Unai Simon, Munduko Txapelketako lehen partida jokatuta, selekzioetako lau txapelketa handitan ibilitako Athleticen lehen futbolaria da
Atezain murgiarrak 2020ko Eurokopa (2021ean izan zen hori), 2022ko Munduko Txapelketa eta 2024ko Eurokopa jokatu zituen, eta, 2026ko Munduko Txapelketa kontuan izanik, selekzioetako lau txapelketa handi daramatza. Halaber, 2021ean, 2020ko olinpiar jokoetan ere aritu zen.
Saudi Arabiak eta Uruguaik (1-1) eta Iranek eta Zeelanda Berriak (2-2) berdinketa lortuta ekin diote Munduko Txapelketari
H eta G multzoetan, txapelketako aurreneko jardunaldia jokatuta, erabateko berdintasuna dago; izan ere, multzo horietan dauden selekzio guztiek puntu bana dute. Astearteko goizaldeko partidetan, Uruguaik norgehiagokako azken minutuetan berdindu du Saudi Arabiaren aurka, eta Iranek bi aldiz berdindu ditu Zeelanda Berriaren golak.