Irudek Bidasoa Irunek Artalekun emango dio hasiera Europako ibilbideari, FH Hafnarfjordur taldearen aurka irailaren 30ean
Era berean, lehiaketa honetan bidasotarrek Madeirako (Portugal) Maritimo eta Frantziako Limoges Handball taldeen aurka jokatuko du abenduaren 1era arte luzatuko den multzoen fasean.
Irudek Bidasoa Irunek dagoeneko ezagutzen du EHF Europako Ligaren multzoen faseko egutegia. Talde bidasotarrak Artalekun hasiko du Europako ibilbidea, eta bertan Islandiako FH Hafnarfjordur taldea hartuko du irailaren 30ean, asteazkena, 20:45ean, talde gipuzkoarrak ohar baten bidez jakinarazi duenez.
Era berean, lehiaketa honetan Irungo taldeak Madeirako (Portugal) Maritimoren eta Frantziako Limoges Handballen aurka jokatuko du abenduaren 1era arte luzatuko den multzoen fasean. Hiru partida Artalekun izango dira, eta beste hiru etxetik kanpo.
Lehen bidaia Europan estreinatu eta astebetera izango dute, urriaren 6an, asteartearekin, Irudek Bidasoa Irun taldeak Madeirako Maritimori bisita egingo dionean. Astebete geroago, urriaren 13an, asteartean, talde bidasotarrak etxetik kanpo bigarren konpromisoari aurre egin beharko dio jarraian, Limoges Handball taldearen aurka.
Azaroaren 17an, asteartean, Bidasoak Limoges Handball hartuko du Artalekun, eta azaroaren 24an, asteartean, FH Hafnarfjordur.
Multzoen fasea abenduaren 1ean bukatuko da, asteartean, Artalekun, Madeirako Maritimoren aurkako partidarekin.
Formatu berria
2026/27 denboraldiak gizonezkoen EHF Europako Ligaren formatu berriaren estreinaldia ekarriko du. Lehiaketa 48 taldetik 32ra pasako da, atariko kanporaketak desagertuz eta zuzenean lau taldeko zortzi multzoz osatutako fasearekin hasiz.
Multzo bakoitzeko lehen bi sailkatuak zuzenean sailkatuko dira final-zortzirenetara, eta bertan Machineseeker EHF Champions Leagueko hirugarren eta laugarren sailkatuak ere sartuko dira lehian. Une horretatik aurrera hasiko da finalerako bidea, eta bertan erabakiko da kontinenteko txapelduna.
Zure interesekoa izan daiteke
Bidasoa-Irunek baditu jada EHF Europako Ligako multzoen faseko aurkariak
Talde irundarra B multzoan arituko da Limoges Handball, FH Hafnarfjordur eta Maríiimo de Madeira Andebol taldeekin batera. Txapelketa irailaren 29an hasiko da.
Pol Quirogak utzita jokatuko du Agustinos Alacanten
Gironako atezainak bigarren denboraldia jokatuko du utzita, 2025-2026an Sinfinen aritu zen.
Bidasoa-Irun taldeburu izango da Europako Ligako multzoen fasean
Hala baieztatu du federazioak astearte honetan, talde gipuzkoarrak Errege Kopako finalera iritsita Europako txartela lortu ostean.
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.