Bidasoa Irunek galdu egin du Toulouseren aurka
Bidasoa Irunek galdu egin du Fenix Toulouseren aurka (24-26) astearte honetan Artalekun jokatu duen EHF-ren Europako Ligako hirugarren jardunaldiko partida. Orain arte, talde gipuzkoarrak bi neurketa galdu ditu eta bakarra irabazi du. Erik Balenciaga talde frantziarreko jokalari gipuzkoarrak norgehiagoka bikaina osatu du.
Neurketaren hasiera parekatua izan da (1-1, 2-2 eta 3-3), baina hirunako berdinketaren ostean Frantziako taldeak lau goleko abantaila erdietsi du (4-8). Hala ere, etxeko taldearen erantzuna azkarra izan da, norgehiagoka berdinduta (8-8). Lehen zatiko azken txanpan, hiru goleko errenta eskuratu du Toulousek, Bidasoa Irun puntu bakarrera gerturatu da, markagailuan berdinketa jartzeko aukera izan du, baina ez du asmatu eta partida talde frantziarraren aldeko 11-13ko emaitzarekin iritsi da atsedenaldira.
Bigarren zatiko lehen minutuetan Bidasoak behin baino gehiagotan lortu du desabantaila puntu bakarrera murriztea, baina 45. minututik aurrera Toulouse nagusi izan da, eta hiru puntuko errenta erdietsi du (18-21) partida amaitzeko hamar minutu falta zirenean. Maldan gora izan du neurketa Irungo taldeak, baina ez du etsi nahiz eta aurkariak lehia kontrolpean izan. Bidasoa Iruneko jokalarien ekinak taldea puntu bakarrera gerturatu du (24-25) partida amaitzeko hamabost segundo falta zirenean, baia azken jokaldian Toulousek gola sartu, eta garaipena eskuratu du (24-26).
Fitxa teknikoa:
24.- Bidasoa Irun: Sierra, Ledo (1), Zabala (5), Dariel García (1), Leo Renaud (1), Azkue (4), Rodrigo Salinas (3, 1 penaltiz), Kauldi (2), Tesoriere, Aginagalde (2), Da Silva, Víctor Rodriguez (1), Ugarte (2), Adrian (2), Furundarena eta Cavero.
26.- Fenix Toulouse: Lettens (1), Chelle (1), Feuchtmann (5, 2 penaltiz), Tobias Wagner (2), Balenciaga (4), Jarry, Gilbert, Kempf (4), Borzas (1), Prechou, Pettersson (3), Ilic (5, 1 penaltiz), Vieira, Sokolic eta Cantegrel.
Epaileak: Santos eta Fonseca (Portugal). Leo Renaud, Da Silva, Cavero eta Pettersson (2) jokalariak egotzi ditu.
Emaitza bost minutuan behin: 2-2; 4-7; 6-8; 8-10; 11-12; 11-13 (atsedenaldia) 13-15; 14-16; 15-18; 18-21; 20-23; 24-26.
Zure interesekoa izan daiteke
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.
Bidasoa Irun Errege Kopako finalerdietara igaro da, Torrelavega kanporatuta (32-26)
Alex Mozasen taldeak Bada Huesca izango du aurkari larunbateko finalerdian, Horneo Alacant 31-32 mendean hartu ondoren.
Bidasoa Irunek Europako postu baten bila ekingo dio Errege Kopari
Alex Mozasek zuzentzen duen taldeak Bathco BM Torrelavega izango du aurkari final-laurdenetan, denboraldi honetan gauzak oso zail jarri dizkion Jacobo Cuetarak entrenatutako taldea.
Bidasoak João Magalhães fitxatu du
Jokalari portugaldarra FC Portotik dator sei hilabeterako utzita. Akordioa denboraldi amaierara arte luzatu daiteke.