Bidasoa Irun Europako Ligatik at geratu da, Nexeren aurka porrota jaso ostean
Bidasoa Irun Europako Ligako multzoen fasetik at geratu da. Talde gipuzkoarrak ez du sailkapena lortu, RK Nexeren aurka jokatutako bigarren kanporaketako itzuliko partida 29-24ko emaitzarekin galdu ostean. Bidasoak hiru goleko abantaila eskuratu zuen joaneko neurketan, baina bost golegatik galdu du itzulikoa eta ez da multzoen fasean egongo.
Hasiera ona ema dio partidari euskal taldeak, lehen minutuetan bost goleko abantaila lortuta (1-6). Hala ere, etxeko taldeak azkar erantzun du, eta desabantaila murriztea lortu du (6-7, 15. minutuan). Ondoren, Nexek lehia berdindu du (8-8, 19.minutuan), jarraian aurrea hartu duelarik (9-8, 20. minutuan). Lehen zatia bukatzeko bi minutu geratzen zirenean hiru goleko errenta eskuratu du etxeko taldeak (12-9), baina Bidasoa Irunek bi golera murriztu du desabantaila atsedenaldira iritsi aurretik (13-11).
Bigarren zatiaren hasieran nagusi izan da RK Nexe, eta sei goleko errenta erdietsi du (18-12, 43. minutuan). Pixkanaka, Bidasoaren jokoak hobera egin du, eta talde gipuzkoarrak neurketa berdindu du (22-22) amaierarako hamar minutu falta zirenean. Bost minutu pasa ondoren, ordea, Nexek berriro hiru goleko abantaila eskuratu du (26-23, 55. minutuan). Maldan gora jarri zaio norgehiagoka talde irundarrari, eta ez da desabantaila murrizteko gai izan. Partida azken minutuan sartu denean lau goleko errenta lortu du etxeko taldeak, Bidasoak huts egin du erasoan, eta RK Nexek sailkapena biribildu du, 29-24ko emaitzarekin garaipena lortuta.
Fitxa teknikoa:
29 – Nexe (13+16): Car (a), Mileta (1), Buvinic, Jelinic (4), Pesic, Kevic (2), Jaganjac (6) –hasierako taldea–, Radovanovic (oa), Bakic (2), Mrdenovic, Barisic, Vida, Severec, Rodin (5), Vozab (4, 2p) eta Pribetic (5).
24 – Bidasoa Irun (11+13): Ledo (a) (1), Crowley (1), Racotea (4), Odriozola (7), Aginagalde (5), Tesoriere, Da Silva, Bartok (1) –hasierako taldea–, Sierra (oa), Cavero, Zabala, Serrano, R. Salinas (4), De la Salud (1), Azkue eta Bonanno.
Emaitza bost minutuero: 1-4, 2-7, 6-7, 8-8, 10-8, 13-11 (atsedenaldia); 16-12, 20-16, 22-19, 22-22, 26-23 eta 29-24 (amaiera).
Epaileak: Nikolic eta Stojkovic (Serbia). Jelinic (2) Nexeko joklaria kanporatu dute eta bi minutuz zigortu dituzte Racotea, Bartok eta Odriozola Bidasoa Irungo jokalariak.
Zure interesekoa izan daiteke
Bidasoa-Irunek baditu jada EHF Europako Ligako multzoen faseko aurkariak
Talde irundarra B multzoan arituko da Limoges Handball, FH Hafnarfjordur eta Maríiimo de Madeira Andebol taldeekin batera. Txapelketa irailaren 29an hasiko da.
Pol Quirogak utzita jokatuko du Agustinos Alacanten
Gironako atezainak bigarren denboraldia jokatuko du utzita, 2025-2026an Sinfinen aritu zen.
Bidasoa-Irun taldeburu izango da Europako Ligako multzoen fasean
Hala baieztatu du federazioak astearte honetan, talde gipuzkoarrak Errege Kopako finalera iritsita Europako txartela lortu ostean.
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.