Bidasoa Irun Asobal Koparako sailkatu da, Liberbank Cantabriari irabazita (35-28)
Bidasoa Irunek 35-28 irabazi dio Liberbank Cantabria Sinfini. Horrela, Jacobo Cuetararen mutilek Asobal Kopa jokatuko dute asteburu honetan, Atletico Valladolid (antolatzailea), Bartzelona eta Ademar Leonekin batera.
Hasieratik bertatik, tartea ireki du Bidasoak Liberbankekiko. 4-1 joan dira lehen minutuetan, eta distantzia txiki horri eutsi diote lehen aldeko zati handi batean.
Epaileek Muñiz kaleratu izanak kalte egin dio Kantabriako taldeari, Rodrigo Reñonesen jokalariek partidako erritmoa galdu baitute. Gainera, zulo nabarmenak utzi dituzte defentsan, Bidasoaren erasoko jokoaren mesedetan. Ondorioz, atsedenaldiaren atarian markagailuak irudikatzen zuen 17 eta 10eko partzialak partida hautsi du etxekoen alde.
18 eta 12koaren ostean, Liberbankek ez du amore eman, eta bikain jardun duen Ander Torrikoren eskutik hiru golera arte murriztu du aldea. Dena den, Bidasoa Irunek uneoro izan du kontrolpean partida, eta lehiako azken minutuek aldea handitzeko baino ez dute balio izan (35-28).
Horiek horrela, Bidasoak hirugarren bukatuko du Asobal Ligako lehen itzulia, eta, iaz bezala, Asobal Kopan ariko da. Talde gipuzkoarrak Valladoliden aurka jokatuko du datorren larunbatean, Kopako bigarren finalerdia izango den norgehiagokan (21:00).
Fitxa teknikoa
35 – Bidasoa Irun (18+17): Rangel (atezaina), Crowley (2), Odriozola (4, 2 penaltiz), Serrano (3), De la Salud (1, 1 penaltiz), R. Salinas (5), Seri (3) –hasierako zazpikoa–, Ledo (ordezko atezaina), Cavero (3), Orbovic, Zabala (3), E. Salinas (4), Renaud-David (4), Azkue (3, 2 penaltiz), Tesoriere eta Da Silva.
28 – Liberbank Cantabria Sinfín (12+14): Mijuskovic (atezaina), Blazquez, Lastra (1), Basualdo, Zungri, Valles (8, 4 penaltiz), Dimitievski (1) –hasierako zazpikoa–, Marin (ordezko atezaina), Muñiz, Valverde, Torriko (9), Postigo (1), Silva, Lon (6) eta Iglesias (2).
Markagailua, bost minuturo: 3-1, 7-3, 8-5, 10-8, 14-10, 18-12 (atsedenaldia); 21-16, 22-18, 26-22, 29-23, 31-26 eta 35-28 (amaiera).
Asobal Kopako kanporaketak
Behin Koparako sailkatutako talde guztien nortasuna ezagututa, bertako kanporaketak zozkatu dituzte. Hartara, Bidasoak etxean arituko den Valladolid aurka jardungo du larunbat honetan bertan, Huerta del Rey kiroldegian jokatuko den finalerdietako bigarrenean.
Bestalde, lehen kanporaketan, Bartzelona eta Ademar Leon izango dira aurrez aurre. Kanporaketa horietako irabazleak igandeko finalean izateko sailkatuko dira.
Abenduak 14, larunbata:
Bartzelona vs Ademar Leon (19:00).
Recoletas Atletico Valladolid vs Bidasoa Irun (21:00).
Abenduak 15, igandea:
Finala (17:00).
Zure interesekoa izan daiteke
Bidasoa-Irunek baditu jada EHF Europako Ligako multzoen faseko aurkariak
Talde irundarra B multzoan arituko da Limoges Handball, FH Hafnarfjordur eta Maríiimo de Madeira Andebol taldeekin batera. Txapelketa irailaren 29an hasiko da.
Pol Quirogak utzita jokatuko du Agustinos Alacanten
Gironako atezainak bigarren denboraldia jokatuko du utzita, 2025-2026an Sinfinen aritu zen.
Bidasoa-Irun taldeburu izango da Europako Ligako multzoen fasean
Hala baieztatu du federazioak astearte honetan, talde gipuzkoarrak Errege Kopako finalera iritsita Europako txartela lortu ostean.
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.