Bera Berak eta Beti Onakek Erregina Kopako final historikoa jokatuko dute igandean
Super Amara Bera Berak eta Beti Onakek Erregina Kopako finala jokatuko dute, finalerdietan Porriño eta Granollers kanporatuta.
Gipuzkoako taldeak txarto hasi du partida, eta egoera iraultzea lortu du, Porriñok maila ona eman duen arren (24-26).
Malena Vallesen zuzendaritzapean, Porriñok ondo hasi du neurketa. Bera Bera 3-4 aurreratu da 12. minutuan, baina Porriño berehala jarri da berriro aurretik, eta finalerdia kontrolpean izan du hurrengo minutuetan (7-4, 11-10).
Lehen zatiaren amaieran, Imanol Alvarezen taldeak aurrerapausoa eman du, baina Ana Belen Palominok atepean egindako lan bikainak Donostiako taldeak norgehiagoka berdintzea galarazi du. Horrela, 13-12ko emaitzarekin iritsi dira bi taldeak atsedenaldira.
Bigarren zatian, Bera Berak aurkariaren defentsa zulatzeko modua aurkitu du. Elba Alvarezen jokoa erabakigarria izan da, eta bere taldea 16-18 jarri da aurretik bigarren zatiko lan erdietan.
Galiziako taldeak ez du amore eman, eta azkenera arte saiatu da, baina Bera Berak ondo eutsi dio bere aldeari, eta finalerako txartela lortu du, 24-26 irabazita.
Fitxa teknikoa
24 - Conservas Orbe Zendal BM Porriño (13+11): Palomino (Rosalez), Zhukova (1), Sanmartín (3), Valles (1), Casasola (2), Buforn (3) eta Barros (6); Bono (6, 1 p), Campo (1), Benaches (1), Aroa Fernandez, Bengoetxea, Moreno eta Laguna.
26 - Super Amara Bera Bera (12+14): Prades (Kostic), Etxeberria (1), Arrojeria (2), Arroyo (1), Gavilan (1), Louis (1) eta Elba Alvarez (6, 1 p); Karsten (5, 4 p), Ogonovszky, Erauskin (3), Menendez, Zabala, Laura Hernández (1), Lyndie Tchaptchet (2) eta Rodrigues (3).
Partzialak: 3-0, 3-2, 7-4, 8-5, 11-10, 13-12 (atsedenaldia); 15-13, 16-15, 16-18, 19-21, 21-23 eta 24-26 (amaiera).
Beti Onaken garaipen epikoa
Replasa Beti Onakek balentria egin du Erregina Kopako finalerako sailkatuta. Final-laurdenetan ligako liderra kanporatu zuen Nafarroako taldeak, eta finalerdietan Granollers etxeko taldearekin beste horrenbeste egin du, azken segundoan 19-20 irabazita.
Norgehiagoka oso parekatua izan da, eta bi taldeek huts ugari egin dituzte. Azken zatian, urduritasuna izan da nagusi, eta azken minutuetan erabaki da dena (16-16, 53. minutuan). Azken minutura ere, berdinduta iritsi dira. Nerea Canvasek aurretik jarri du Atarrabiako taldea zazpi metroko puntutik egindako jaurtiketa batekin.
Partida amaitzeko 10 segundo falta zirenean, Porriñok markagailua berdindu du, Ester Somazak egindako golari esker, eta azken segundoan Maria Grasielik egindako golak finalerako txartela eman dio Beti Onaki.
Fitxa teknikoa
19 - KH-7 BM Granollers (9+10): Mera, Carla Gonzalez (2), Polonio (2), Guarieiro (1), Nuez, Tort eta Vila (1); Capdevila (6, 1 p), Kofler, Somaza (6), Belen Rodriguez (1), Juan, Milagros, Portillo eta Jallow.
20 - Replasa Beti-Onak (8+12): Encinas (Luzuriaga), Canas (6, 4 p), Brasil (4, 1 p), Fonkeng, Fernandez-Agusti (3), Estitxu Rodriguez (1) eta Zamora; Mallo, Hernandez (1), Ayelen (2), Arruabarrena, Sans (1), Gutierrez (2), Urbitarte eta Lovera.
Partzialak: 3-2, 5-4, 7-6, 8-7, 9-7, 9-8 (atsedenaldia); 11-11, 12-12, 13-13, 15-15, 17-17 eta 19-20 (amaiera).
Zure interesekoa izan daiteke
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du bi edo hiru partidetan banatuko den finala.
Super Amara Bera Berak ligako finala jokatuko du, Porriño kanporatuta
Gascan, berdinketarekin bukatu da itzuliko norgehiagoka (33-33), baina joanekoan, Galizian, 28-32 gailendu zenez, Imanol Alvarezen taldeak eskuratu du ligako finala jokatzeko txartela. Finalean Kanaria Handietako Rocasa taldea izango du aurkari Bera Berak.
Imanol Alvarez: “Oso hunkigarria eta polita izan da jaso dudan omenaldia"
Imanol Alvarezek Super Amara Bera Beraren entrenatzaile izateari utziko dio denboraldi honen amaieran. Hori dela eta, larunbat honetan klubaren eta zaleen omenaldia jaso du Gascan. Hunkituta agertu da, baina pozik ere bai, agur esan aurretik ligako finala jokatuko baitute.
Micaela Rodriguesek ez du Bera Beran jarraituko datorren denboraldian
Micaela Rodriguesek 66 partida eta 102 gol pilatu ditu Bera Beraren elastikoa defendatzen.
Elba Alvarezek Bera Berarekin berritu du 2026-2027 denboraldirako
Gipuzkoako taldeak irabazi berri duen Erregina Kopako azken fasean, jokalari onenarentzako saria eman diote, eta, gainera, txapelketako golegile nagusia izan da.
Laura Hernandez: “Hunkituta eta oso harro gaude”
Laura Hernandez oso pozik agertu da Super Amara Bera Berak Erregina Kopa bere zaleen aurrean eskuratu eta gero.
Imanol Alvarez: “Ametsa da horrela bukatzea”
Imanol Alvarez hunkituta agertu da Super Amara Bera Berarekin bere seigarren eta azken Erregina Kopa irabazi eta gero; izan ere, denboraldi amaieran utzi egingo du Donostiako kluba.
Bera Berako jokalariek eta zaleek gogotik ospatu dute Kopako garaipena
Super Amara Bera Berak laugarrenez jarraian irabazi du Erregina Kopa, bere palmaresean hamargarrena. Donostiako taldeko kideek eta zaleek gogotik ospatu dute lorpena.
Bera Berak historia egin du Erregina Kopa hamargarrenez irabazita, laugarrena jarraian
Donostiako taldeak Atletico Guardes menderatu du finelan. Exijentzia handiko partida izan da, bi taldeek hiru norgehiagoka jokatu dituztelako hiru egunetan.
Erregina Kopako finala: Bera Bera vs Atletico Guardes
Super Amara Bera Bera eta Mecalia Atletico Guardes taldeek jokatuko dute Erregina Kopako finala. Partida zuzenean izango da ikusgai EITBn.