Bera Berak 30-25 irabazi dio Malagari, eta Erregina Kopako finala jokatuko du
Super Amara Bera Berak Erregina Kopako finala jokatuko du, finalerdietan Malaga kanporatu ostean. Gipuzkoako taldeak 30-25eko emaitzarekin bereganatu du garaipena. Beraz, Bera Berak Aula Valladolid izango du aurkari igandeko finalean, Illunben (Donostia).
Malagak sartu du norgehiagokako lehen gola (0-1), baina Bera Berak azkar erantzun du (1-1). Ondoren, bi berdinketa jarraian egon dira (2-2 eta 3-3). Hirunakoaren ostean, Donostiako taldea izan da nagusi kantxan, eta bost goleko abantaila hartu du (10-5).
Defentsako lan bikaina egin du Bera Berak, eta Malaga ezinean ibili da. Erasoko jokoan ere, bikain moldatu da Gipuzkoako taldea; ondorioz, neurketako 25. minutuan, bederatzi goleko errenta eskuratu du (16-7). Super Amara Bera Bera ez da erlaxatu lehen zatiko azken txanpan, eta 18-10eko emaitzarekin heldu da atsedenaldira.
Atsedenalditik bueltan, Andaluziako taldeak bikain ekin dio bigarren zatiari, bi gol jarraian sartuta (18-12). Hala ere, Bera Bera ez da urduri jarri, eta zortzi goleko aldea jarri du markagailuan berriro (20-12).
Dena den, Malagak maila hobea eskaini du bigarren zatiaren hasieran; horren eraginez, 40. minuturako bost golera murriztu du desabantaila (21-16). Gainera, bi minutu geroago, hiru golera hurbildu da (21-18).
Momentu txarra pasatu du Donostiako taldeak, baina suspertu egin da, eta zazpi goleko abantaila erdietsi du berriro (25-18). Gero, errenta mantentzeko gai izan da, eta 27-21eko emaitzarekin iritsi da azken hamar minutuetara.
Amaieran, Super Amara Bera Berak ondo kudeatu du aurretik lortutako abantaila, eta garaipenak ez dio ihes egin (30-25).
Emaitza golez gol: 0-1, 1-1, 2-1, 2-2, 3-2, 3-3, 4-3, 5-3, 5-4, 6-4, 6-5, 7-5, 8-5, 9-5, 10-5, 10-6, 11-6, 12-6, 13-6, 13-7, 14-7, 15-7, 16-7, 16-8, 16-9, 17-9, 17-10, 18-10 -atsedenaldia- 18-11, 18-12, 19-12, 20-12, 20-13, 20-14, 21-14, 21-15, 21-16, 21-17, 21-18, 22-18, 23-18, 24-18, 25-18, 25-19, 26-19, 26-20, 26-21, 27-21, 27-22, 28-22, 29-22, 30-22, 30-23, 30-24, 30-25.
Zure interesekoa izan daiteke
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du bi edo hiru partidetan banatuko den finala.
Super Amara Bera Berak ligako finala jokatuko du, Porriño kanporatuta
Gascan, berdinketarekin bukatu da itzuliko norgehiagoka (33-33), baina joanekoan, Galizian, 28-32 gailendu zenez, Imanol Alvarezen taldeak eskuratu du ligako finala jokatzeko txartela. Finalean Kanaria Handietako Rocasa taldea izango du aurkari Bera Berak.
Imanol Alvarez: “Oso hunkigarria eta polita izan da jaso dudan omenaldia"
Imanol Alvarezek Super Amara Bera Beraren entrenatzaile izateari utziko dio denboraldi honen amaieran. Hori dela eta, larunbat honetan klubaren eta zaleen omenaldia jaso du Gascan. Hunkituta agertu da, baina pozik ere bai, agur esan aurretik ligako finala jokatuko baitute.
Micaela Rodriguesek ez du Bera Beran jarraituko datorren denboraldian
Micaela Rodriguesek 66 partida eta 102 gol pilatu ditu Bera Beraren elastikoa defendatzen.
Elba Alvarezek Bera Berarekin berritu du 2026-2027 denboraldirako
Gipuzkoako taldeak irabazi berri duen Erregina Kopako azken fasean, jokalari onenarentzako saria eman diote, eta, gainera, txapelketako golegile nagusia izan da.
Laura Hernandez: “Hunkituta eta oso harro gaude”
Laura Hernandez oso pozik agertu da Super Amara Bera Berak Erregina Kopa bere zaleen aurrean eskuratu eta gero.
Imanol Alvarez: “Ametsa da horrela bukatzea”
Imanol Alvarez hunkituta agertu da Super Amara Bera Berarekin bere seigarren eta azken Erregina Kopa irabazi eta gero; izan ere, denboraldi amaieran utzi egingo du Donostiako kluba.
Bera Berako jokalariek eta zaleek gogotik ospatu dute Kopako garaipena
Super Amara Bera Berak laugarrenez jarraian irabazi du Erregina Kopa, bere palmaresean hamargarrena. Donostiako taldeko kideek eta zaleek gogotik ospatu dute lorpena.
Bera Berak historia egin du Erregina Kopa hamargarrenez irabazita, laugarrena jarraian
Donostiako taldeak Atletico Guardes menderatu du finelan. Exijentzia handiko partida izan da, bi taldeek hiru norgehiagoka jokatu dituztelako hiru egunetan.
Erregina Kopako finala: Bera Bera vs Atletico Guardes
Super Amara Bera Bera eta Mecalia Atletico Guardes taldeek jokatuko dute Erregina Kopako finala. Partida zuzenean izango da ikusgai EITBn.