Bera Berak Malagari irabazi dio, Liga eskuratzeko play-offeko joaneko partidan (22-21)
Super Amara Bera Berak 22-21 irabazi dio Costa del Sol Malagari, ligako titulua eskuratzeko finalaurrekoaren joaneko partidan. Gasca pabiloia jendez bete da larunbat honetan, etxeko taldea animatzeko, eta giro bikaina izan da.
Donostiarrek penalti jaurtiketa asko huts egin dituzte, eta, ondorioz, gol bakarreko abantailarekin jokatuko dute itzuliko partida Malagan, datorren maiatzaren 19an.
Partida oso lehiatua eta parekatua izango zela aurreikusten zen, eta hala izan da. Super Amara Bera Berak blokean defendatu du, eta kontraerasoan min egiten saiatu da. Malaga, berriz, jokaldi luzeen bidez ahalegindu da golak sartzen.
Lehendabiziko laurdenean, emaitza estua izan da, baina ordutik aurrera, Imanol Alvarezen taldea hobeto ibili da erasoan nahiz defentsan, eta lau goleko abantaila hartzera iritsi dira. Atsedenaldira, 14-11ko emaitzarekin joan dira.
Aldagelatik bueltan, partida aldatu egin da. Malaga hobeto atera da, eta ondo baliatu ditu Berak Berak erasoko jokoan egindako akatsak. Suso Gallardoren taldeak partida bukatzeko bi minuturen faltan lortu du berdinketa (21-21), baina donostiarrek hurrengo jokaldian sartu dute, penaltiz, partida irabazteko gola.
Bi taldeek maila handia eman dute, eta ikusleek partida ederra ikusteko aukera izan dute. Alabaina, Bera Berak sei penalti huts egin ditu eta, azkenean, gol bakarreko abantailarekin konformatu behar izan da. Hortaz, kanporaketa Malagan erabakiko da, datorren maiatzaren 19an.
Zure interesekoa izan daiteke
Bera Berak 2026-2027ko Europa Ligan jokatzeko izena eman du
Super Amara Bera Berak 2026-27ko Europa Ligan izena eman du eta kanporaketekin azaroan hastea espero du.
Alexandra Shunuren fitxaketa iragarri du Bera Berak
Angolarrak 28 urte ditu, eskuin hegalean jokatzen du eta azken hiru denboraldietan Benfican jokatu ondoren heldu da Donostiara.
Amandine Balzincek Bera Beraren atea indartuko du 2028ra arte
Atezain frantziarra Mecalia Atletico Guardes taldetik dator, hurrengo bi denboraldietan Donostiako proiektuan sartzeko.
Imanol Alvarez: “Gustura bukatu nuen; ez gara txapeldunak, baina ondo gordeko dut bigarren postu hau”
Imanol Alaverezekin egon gara, Bera Berako entrenatzaile ohiarekin. Bigarren postuan amaitu duten arren, horrek “hobetzeko aukera” daukazula erakusten dizula adierazi du, eta baloratzekoa dela. Orain, Jon Begiristainen eskuetan utzi du taldea, bere aburuz, “pertsonarik aproposena”. Hala ere, emaztearekin batera ikusiko dugu ermuarra Gascan.
Imanol Alvarez: “Oso pozik nago taldearekin; nire iritziz, Rocasak merezi du Liga”
Bera Beraren entrenatzaileak azken partida zuzendu du Donostiako taldean, Telden, Rocasaren aurka, Guerreras Iberdrola Ligako finaleko play-offeko bigarren norgehiagokan; Alvarezek nabarmendu du Bera Berak ahalegin handia egin duela, baina uste duela Rocasak merezita bereganatu duela garaipena.
Rocasa da ligako txapelduna, Bera Berari berriro irabazita (26-23)
Joaneko partida galduta zeukala, Gipuzkoako taldeak ezin izan du ligako titulua berriz eskuratu.
Imanol Alvarez: “Ez dugu asmatu eta ez dugu jokatzeko lekua topatu”
Bera Berak galdu egin du Rocasaren aurka, Guerreras Iberdrola Ligako finaleko lehen partidan. Maitane Etxeberriak azaldu digunez, hasieran “asko kostatu zaie erasoa” eta “oso zaila da Rocasa bezelako baten aurka partidari buelta ematea”.
Rocasa Bera Bera baino gehiago izan da finaleko lehen partidan
Lehen zatian kanariarrak nagusi izan dira. Bigarrenean donostiarrek pauso bat aurrera eman duten arren, ez dira partida poltsikoratzeko gai izan.
Bera Berak asteazkenean ekingo dio Guerreras Iberdrola Ligako finalari, Rocasaren aurka, Gascan
Finaleko lehen partida Donostian jokatuko dute, 19:15ean, eta bigarrena, ordea, Telden, Kanaria Handian, igandean, Euskal Herriko 19:45ean; hirugarren partida ere jokatu beharko balute, hori ekainaren 3an izango litzateke, asteazkenez, Donostian. EITBk finala emango du, zuzenean.
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du, bi edo hiru partidetan.