Bera Berak, Karsten jokalariaren bajarekin, emaitza ona lortu nahi du Norvegian, Europan jarraitzeko
Super Amara Bera Berak denboraldiko Europako lehen hitzordu handia izango du Sola HK norvegiarraren etxean, Elke Karsten hegaleko argentinarraren bajarekin, Giuliana Gavilan eta Alba Menendez jokatzeko zalantzan daudela, eta datorren asteburuan Donostiako itzulikora begira emaitza ona lortzeko betebeharrarekin.
Partida zuzenean emango dute ETB4k eta eitb.eus-ek, 17:55etik aurrera.
Azken kanporaketa da, multzoen fasearen aurrekoa, eta, irabaziz gero, gutxienez sei partida kontinental gehiago jokatzea bermatuko du.
Sola HK sailkapeneko laugarren postuan dago Norvegiako ligan, eta Bera Bera Espainiakoan liderra da, baina Norvegiako taldea Larvik historikoaren aurretik dago sailkapenean. Larvik Txapeldunen Ligako irabazlea izan zen joan den hamarkadan.
Elke Karstenen lesioa, bestalde, unerik txarrenean iritsi da; izan ere, argentinarrak, iragan astean Amerikar Jokoetan zilarra irabazi ondoren, giharretako lesioa egin zuen Ligan Oviedoren aurka jokatutako neurketan.
Imanol Alvarez entrenatzaileak, beraz, konponbideren bat aurkitu beharko du ezker hegalerako, eta hor Mariane Fernandes brasildarrak irabazi du protagonismoa (urrea lortu zuen Amerikako txapelketan), baita Carmen Arroyo gazteak ere.
Gipuzkoako taldeak, halaber, ondo bete du Melinda Marie Louisen baja. Frantziako jokalariak denboraldi osoa galduko du belauneko lotailu haustura baten ondorioz, baina Aula Valladolidetik iritsi berri den Lydia Blanco jokalariak beteko du haren hutsunea.
Zure interesekoa izan daiteke
Pozik eta gogotsu dago Bera Bera, Koparen atarian
Imanol Alvarez entrenatzailearekin batera, Anne Erauskin eta Maitane Etxeberria jokalariek agerraldia egin dute, ostiraleko Erregina Kopako partidaren atarian nola diren kontatzeko.
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.