Super Amara Bera Berak June Loidiren eta Anne Erauskinen kontratuak berritu ditu
Super Amara Bera Berak komunikatu ofizialean jakinarazi duenez, urtebete luzatu dio kontratua June Loidi hegalekoari eta bi urte Anne Erauskin eskuin erasoko hegalekoari. Horrela, 2023-24 denboraldian elgoibartarrak hirugarren urtea beteko du Donostiako taldean, eta ermuarrak, bigarrena.
Biak "pozik" agertu dira Donostian jarraitzeko erabakiarekin. June Loidik (23 urte) aitortu du "pertsonalki" urte zaila izan dela, ez delako bere mailarik onenean egon, baina uda honetan bere "bertsiorik onena" berreskuratzeko lan egingo duela esan du. Hurrengo denboraldiari begira, hegaleko jokalariak uste du "seinale ona" dela "titulu guztiak lortzeko borrokan aritzea", eta "Europako Ligako multzoen fasea" jokatzea jarri du helburu.
Bestalde, Anne Erauskinek (azaroan 25 urte beteko ditu) Kopa eta Superkopa irabazi ditu Bera Berarekin bere lehen denboraldian, eta debuta egin du Europan, kluben arteko txapelketan. Ermuarrak bi urterako berritu du kontratua, "oso pozik bukatu" duelako, eta "balantze positiboa" egin du bere estreinako denboraldiaz. Datorren sasoiari dagokionez, "urte zirraragarria" espero du, eta "gogor lan" egingo duela hitzeman du, "tituluak lortzen saiatzeko".
Zure interesekoa izan daiteke
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.
Imanol Alvarezek ez du Bera Bera entrenatzen jarraituko datorren denboraldian
Tati Garmendia klubeko presidenteak ohar baten bidez jakinarazi duenez, Alvarez ez da taldeko entrenatzailea izango datorren denboraldian, eta astelehen honetan Gipuzkoako hiriburuan emango duen prentsaurrekoan azalduko du bere erabakia.
Maitane Etxeberria kapitainak Super Amara Bera Berarekin berritu du
Gipuzkoar jokalaria bere hamahirugarren denboraldia jokatzen ari da Donostiako taldean; Bera Beran 400. partida jokatzear dago.
Laura Hernandezek Bera Bera taldea utziko du 2025-2026 denboraldiaren amaieran
2020-2021 denboralditik darama Hernandezek Donostiako taldean; orain arte, 192 partidu jokatu ditu Bera Berarekin, eta 513 gol sartu.
Lyndie Tchaptchetek ez du Super Amara Bera Beran jarraituko 2026-27 denboraldian
Nazioarteko pibote nafarrak, Donostian arrakastaz betetako bi denboraldiren ostean, Txapeldunen Ligan helburu handiak dituen klub baten eskaintza onartu du.
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.