Bera Bera Kopako finalik gabe geratu da (20-24)
Super Amara Bera Berak 20 eta 24ko emaitzarekin galdu du Mecalia Atletico Guardesen aurka jokatu duen Erreginaren Kopako finalerdia. Donostian lehiatzen ari den txapelketa bereganatzeko faborito nagusiak ziren donostiarrak, baina ametsa gauzatu ezinik geratu dira ezustekoa eman duen Guardesen aurka. Izan ere, galiziarrek merezitako garaipena eskuratu dute, Da Silva Limaren eta Paula Arcosen goleei esker eta Miriam Sempereren geldituak tarteko (20-24).
Lehen zatia oso parekatua izan da. Etxekoak, euren zaleen babesean, neurketaren ekimena eramaten saiatu dira, baina Galiziako taldea sendo aritu da defentsa lanean, eta partidaren erritmoa ezarri du.
Gainera, erasorako baliabideak aurkitu ditu tarte horretan Guardesek, Pesoaren eta Paula Arcosen bidez. Azken horrek duen kalitatea aldarrikatu du datorren denboralditik aurrera bere zaleak izango direnen aurrean, Bera Berak dagoeneko fitxatuta baitauka.
Pontevedra taldea gehiago izan da bigarren zatian. Etxekoak, aldiz, golak ahalik eta azkarren lortzen tematu dira, baina estrategia horrek kalte egin die eta Guardesek bost goleko errenta bereganatu du (14-19) amaierarako 10 minutu ingururen faltan.
Hortxe geratu da erabakita finalerdia, galiziarrak eroso zeudelako eta Super Amara, berriz, trabatuta aurkariaren 6:0ko defentsaren aurrean.
Fitxa teknikoa:
20 - Super Amara Bera Bera: Maddi, Alice, Arrojeria (2), Oliveira Fernandes (5), Maitane Etxeberria (2), María O' Mullony (2), Gil (1), Menéndez, Boada (2), Laura Hernández (1), Cavo (1), Eli Cesáreo (2), Loidi (1), Polonio, Moreno (1) eta Ainhoa Etxeberria.
24 - Mecalia Atlético Guardés: Carratu, Mera, Calzado (2), Policarpo, Nieto (1), Lorena Pérez, Descalzo (1), Paula Arcos (5), Carla Gómez (2), Sancha, Pesoa (5), Sempere, Da Silva Lima (8), Moreno, Aroa Fernández eta Yaiza Alonso.
Epaileak: Zaragueta eta Oyarzun. Honako jokalari hauek kaleratru dituzte bi minutuz: Cesareo (2), Oliveira, Maitane Etxeberria (Bera Bera); Da Silva (Guardes).
Emaitza, bost minututik behin: 2-2; 4-5; 8-8; 9-8; 10-10; 11-12 –ATSEDENALDIA–-13-12; 13-16; 13-17; 17-20; 19-22; 20-24.
Zure interesekoa izan daiteke
Bera Berak 24-20 irabazi dio Sporting La Riojari eta finalerdietarako sailkatu da
Joaneko partidan lortutako bi goleko aldea baliatu eta donostiarrek ondo itxi dituzte Guerreras Iberdrola Ligako final-laurdenak, Gascan, ikusleen aurrean.
Anne Erauskin, Bera Berako jokalaria: “Hasieratik oso kontzentratuta irten behar dugu”
Anne Erauskin Super Amara Bera Beraren kapitainak larunbat honetan duten hitzordu garrantzitsuaz hitz egin du hedabideen aurrean. Sporting La Riojaren aurka jokatuko dute, Ligako final-laurdenetako itzuliko partida, eta bi goleko abantaila du Donostiako taldeak.
Bera Berak lehen kolpea eman du ligako final-laurdenetako joanekoan (23-25)
Gipuzkoarrek La Rioja izan dute arerio etxetik kanpo. Lehen zatian atzetik joan dira markagailuan baina, atsedenaldirako berdindu ostean, bi goleko aldea lortu dute itzuliko neurketari begira.
Lyndie Tchaptchetek eskafoideko haustura dauka, eta ezingo du jokatu denboraldia amaitu baino lehen
Bera Berako piboteari ebakuntza egingo diote; horrela, ezingo dio pistan agur esan talde gipuzkoarrari.
Maitane Etxeberria: “Logroñora joatea tokatzen zaigu eta zaila egiten zaigu han jokatzea”
Ohorezko Mailako final laurdenetako play-offak jokatuko ditu Bera Berak larunbatean, Logroñon. Maitane Etxeberriak adierazi duenez, Grafometal Sporting La Rioja taldearen aurkako partida ez da erraza izango, baina “datorrena polita” dela eta gogoz daudela azaldu du.
-1?fmt=webp-alpha&qlt=80)
Bera Berak Kelly Nzonzie Fonkeng eta Melinda Louis fitxatu ditu
Fonkeng nafarrak hiru denboraldirako sinatu du, eta Louis frantziarrak 2028ra arteko konpromisoa hartu du.
Lisanne Krikswijkek Bera Beran jarraituko du beste denboraldi batez
Holandako jokalariak Ligako 21 partida, Iberiar Superkopako bi eta European Leagueko beste bi jokatu ditu orain arte, 30 gol sartuta.
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.