Ariadna Gonzalez atezainak Zuazon jarraituko du

Ariadna González Peraza atezainak kontratua berritu du ZEV Zuazorekin, klubak jakinarazi duenez. Laugarren denboraldia Barakaldon izango da atezainarentzat.

González Zuazok datorren denboraldirako berretsi duen bostgarren jokalaria da: Maddi Bengoetxea oreretarrak, eta Isabel eta Mada Fernández Agustí Oviedoko ahizpek ere jarraituko dute Bizkaiko taldean beste urte bat. Gainera, Sara Molés katalana fitxatu dute Aula Valladolid taldetik.

Joseba Rodriguezek zuzentzen duen taldeak zenbait baja ere izan ditu. Ane Encina legazpiarrak ez du taldean jarraituko, eta Super Amara Bera Berak Anne Erauskin ermuarra fitxatu du.