Lachgar eta Rodriguez garaile 2023ko Behobia-Donostia lasterketan
Chakib Lachgar eta Laura Rodriguez izan dira 2023ko Behobia-Donostia lasterketako irabazleak. Proba igande honetan, azaroaren 12an, jokatu da. Behobiatik ia 30.000 kirolari abiatu dira, eta Donostian izan dute helmuga. Giroa bikaina izan da, baita arrakastatsua ere.
Gizonezkoen mailako proban, Chakib Lachgarrek bereganatu du garaipena, Behobia-Donostiako inoizko marka onena eginda. Ordubeteko langa behera bota du, Behobia eta Donostia arteko 21 kilometroko ibilbidea 59 minutu eta 56 segundoan osatuta.
Lachgar hasieratik amaieraraino izan da jaun eta jabe. Zakariya El Boubekraoui izan da bigarren, 1 minutu eta 32 segundora. Hirugarren Nan Olivares helmugaratu da, 2 minutura. Euskaldun onena Iraitz Arrospide izan da, 1 ordu, 2 minutu eta 35 segundoko markarekin.
Bestalde, emakumezkoen lasterketan, Laura Rodriguez izan da onena. Irabazleak 1 ordu, 14 minutu eta 24 segundoko marka egin du. Bigarren postua Sara Villasante euskal korrikalariak bereganatu du, 4 segundora. Hirugarren, podiuma osatuz, Pilar Fernandez sartu da, 25 segundora. Laugarren Helene Alberdi helmugaratu da, 1 minutu eta 15 segundora.
Gizonezkoen mailako lasterketako sailkapena:
Emakumezkoen mailako lasterketako sailkapena:
Zure interesekoa izan daiteke
Asier Martinezek 110 metroko hesidun proba irabazi du Savonan, Italian
Kirolari nafarrak lehen postua lortu du, 13:34ko denborarekin; Lorenzo Simonelli italiarra, Europako indarreko txapelduna, hirugarrena izan da.
Allyson Felix atletismora itzuliko da, 40 urterekin, Los Angelesen 2028an lehiatzen saiatzeko
2022an erretiroa hartu zuen zen atletak 11 olinpiar domina dauzka bere palmaresean.
?fmt=webp-alpha&qlt=80)
Martin Fiz, Sebastian Sawek marka berria ezarri ondoren: “Aro berri baten hasiera da"
"Duela 30 urte ez nuen imajinatuko, ni bizirik nagoela, inork bat bi ordu baino gutxiago beharko zuenik maratoi ofizial bat egiteko", onartu du Martin Fiz gasteiztarrak, 1995ean Goteborgen maratoiko munduko txapeldun izandakoak. Arabarrak uste du osagai guztiak batu direla: lehen mailako atletak, oinetakoen bilakaera, eta elikadura eta hidratazio pertsonalizatua.
Sabastian Sawek eta Tigst Assefak errekorrak hautsi dituzte Londresko maratoian
Sawe bi orduetatik jaitsi da, maratoi ofizial batean munduko errekorra gaindituz, eta Assefak bere marka hautsi du.
Behobia-Donostia lasterketarako dortsalen zozketa: 41.533 atleta eta 17.287 plaza
Izena emateko epea bukatuta, antolatzaileek apirilaren 29an egingo dute Behobia-Donostia lasterketan parte hartzeko dortsalen zozketa. Maratoi erdia azaroaren 8an lehiatuko da.
Behobia-Donostia lasterketak apirilaren 14an irekiko du bere 61. edizioko dortsalen zozketarako erregistroa
Inskripzio epea apirilaren 22aren arratseraino egonen da irekita
Markel Fernandez: “Domina egindako lanaren erakusgarri da”
Paula Sevilla, David Garcia Zurita eta Blanca Hervasekin batera, zilarrezko domina eskuratu berri du Markel Fernandez atleta bizkaitarrak Torunen, Polonian, Munduko Indoor Atletismo Txapelketan. Nola sentitzen den kontatu du, Euskal Herrira iritsi ostean egindako elkarrizketan.
Markel Fernandezek zilarra irabazi du 400 metroko 4 erreleboko proba mistoan
Sopelako atletak, Paula Sevilla, David Garcia eta Blanca Hervasekin batera, lasterketa bikaina egin du eta Espainiako errekorra hautsi du.
Asier Martinez, 60 metroko hesidun probaren finalerdietan
Nafarroako atleta pista estaliko atletismoko munduko txapelketako finalerdietarako sailkatu da, 7,65 segundoko markari esker, eta bere sasoi onenean jarraitzen duela erakutsi du.
Duplantisek munduko marka hautsi du berriro 6,31 metrotik gora salto eginda
Hamalaugarren aldia da 26 urteko suediarrak munduko errekorra hobetzen duela, 2020ko otsailean 6,17 metroko jauzia egin ostean lehen marka unibertsala hautsi zuenetik.