Nolakoa da 2021eko Behobia-Donostia lasterketako ibilbidea?
25.000 pertsonatik gora bilduko ditu aurtengo Behobia-Donostia lasterketak. Ibilbideak, ohikoa denez, 20 kilometroko luzera izango du. Aurten irteera mailakatua izango da, korrikalariak 19 taldetan banatuz eta bakoitzari ordu bat emanez ibilbidea hasteko. Lehen taldea 09:55ean irtengo da.
Hauek dira 20 kilometro horien xehetasunak:
1. kilometroa: Irteerako zuzengunea Bidasoa ibaiaren ondotik. Guztiz laua, azken metroak izan ezik.
2. kilometroa: Irungo erdialdera helduko gara aldapa leun batetik.
3. kilometroa: Erdialdetik urruntzean, aldapa gogortu egiten da Irungo Bentetarako bidean. Bertan, igoera eta jaitsiera txikiak daude.
4. kilometroa: Arretxe gaina 3,4. kilometroan igaro ostean, aldapa behera goaz, Irun atzean utzita.
5. kilometroa: Aldapa behera jarraitzen dugu. Une aproposa da arnasa lasaitzeko, Gaintxurizketako igoerari heldu aurretik.
6. kilometroa: Gaintxurizketako igoeraren hasiera. Aldapa laburra, baina gogorra errepide nagusira sartzeko.
7. kilometroa: Gaintxurizketako igoeraren zati nagusia (2 kilometroko aldapa %3 ko bataz besteko maldekin).
8. kilometroa: Gaintxurizketa gainera heltzeko azken metroak. Ondoren. 3 kilometroko jaitsiera luzea hasiko da Errenteriarantz.
9. kilometroa: Jaitsieraren zati nagusia (% 3ko bataz besteko aldapa).
10. kilometroa: Aldapa beherak jarraitu egiten du, eta Lintziringo merkatalgunetik igaroko gara, lasterketaren erdialdean.
11. kilometroa: Errenteria kanpoaldeko auzoetara iritsiko gara, oraindik maldan behera goazela. Orduan, ibilbideko gunerik lauenean sartuko gara (2 kilometro).
12. kilometroa: Tarte guztiz laua Errenteriako zumardirako bidean.
13. kilometroa: Errenteria erdialdetik igaro ondoren, Kaputxinoen igoerari ekiteko txanda izango da. Kontuan hartzeko moduko igoera da, laburra den arren (450 metro, % 5eko bataz besteko maldekin).
14. kilometroa: Kaputxinoetako azken metroak (gogorrenak), eta Pasaiarako jaitsiera.
15. kilometroa: Buenavistako igoera eta jaitsiera txikia (Donostiarako sarrera).
16. kilometroa: Altza eta Herrerako auzoetatik zehar Mirakruz gainerantz hurbilduko gara. Igoera prestatzeko kilometroa da.
17. kilometroa: Mirakruzeko igoera (1,5 kilometro, % 3 bataz besteko aldapekin). Kilometro honen bukaeran Donostiarako jaitsiera luzea hasiko da Ategorrieta Hiribidetik.
18. kilometroa: Gros auzorako jaitsiera zuzen eta luzea.
19. kilometroa: Zurriola hondartzarako zuzengunea Nafarroa Hiribidetik, goranzko joera duen tartean.
20. kilometroa: Erabat laua den azken zuzengunea. Zurriola Hiribidea, Kursaal jauregia, Kursaal zubia eta Boulevardeko Zumardia eta helmuga.
(Iturria: Behobia-San Sebastian)
Zure interesekoa izan daiteke
Behobia-Donostia lasterketarako dortsalen zozketa: 41.533 atleta eta 17.287 plaza
Izena emateko epea bukatuta, antolatzaileek apirilaren 29an egingo dute Behobia-Donostia lasterketan parte hartzeko dortsalen zozketa. Maratoi erdia azaroaren 8an lehiatuko da.
Behobia-Donostia lasterketak apirilaren 14an irekiko du bere 61. edizioko dortsalen zozketarako erregistroa
Inskripzio epea apirilaren 22aren arratseraino egonen da irekita
Markel Fernandez: “Domina egindako lanaren erakusgarri da”
Paula Sevilla, David Garcia Zurita eta Blanca Hervasekin batera, zilarrezko domina eskuratu berri du Markel Fernandez atleta bizkaitarrak Torunen, Polonian, Munduko Indoor Atletismo Txapelketan. Nola sentitzen den kontatu du, Euskal Herrira iritsi ostean egindako elkarrizketan.
Markel Fernandezek zilarra irabazi du 400 metroko 4 erreleboko proba mistoan
Sopelako atletak, Paula Sevilla, David Garcia eta Blanca Hervasekin batera, lasterketa bikaina egin du eta Espainiako errekorra hautsi du.
Asier Martinez, 60 metroko hesidun probaren finalerdietan
Nafarroako atleta pista estaliko atletismoko munduko txapelketako finalerdietarako sailkatu da, 7,65 segundoko markari esker, eta bere sasoi onenean jarraitzen duela erakutsi du.
Duplantisek munduko marka hautsi du berriro 6,31 metrotik gora salto eginda
Hamalaugarren aldia da 26 urteko suediarrak munduko errekorra hobetzen duela, 2020ko otsailean 6,17 metroko jauzia egin ostean lehen marka unibertsala hautsi zuenetik.
Ander Garaiarrek 20 urtez azpikoen munduko errekorra hautsi du 4x100 errelebo mistoan
Esprinter gipuzkoarrak proba honetan erregistratutako markarik onena lortu du, Madrilgo eta Nafarroako atletez osatutako laukotearekin batera, asteburu honetan Katalunian egindako lehiaketa batean.
Dominic Lobalu eta Asayech Ayichew nagusitu dira Bilboko 10K lasterketan
Larunbat arratsaldean Bilbon jokatu den 10k lasterketan, Dominic Lobalu, Abderrahmane Aferdi eta Ayana Geneti nagusitu dira gizonezkoetan; emakumezkoetan, berriz, Asayech Ayichew, Nigsti Molla Hagos eta Francine Niyomukunzi.
Eneko Carrascal, Markel Fernandez eta Martin Segurola, Espainiako txapeldunak, Valentzian
Jauzi hirukoitzean, 3.000 metroetan eta 400 metroetan gailendu dira, hurrenez hurren.
Ibai Larrea eta Oihana Zubillaga nagusitu dira Arrasate-Udalatx mendi-lasterketan
Gaur goizean, Arrasate-Udalatx mendi-lasterketaren hamargarren edizioa jokatu da, eta, gizonezkoetan, Ibai Larrea antzuolarrak irabazi du, hirugarrenez jarraian; Luis Puigvert kataluniarra izan da bigarren, eta Oier Zubeldia amezketarra, berriz, hirugarren. Emakumezkoetan, Oihana Zubillaga anoetarra izan da azkarrena, eta haren atzetik sailkatu dira Carrodilla Cabestre eta Ainhoa Sanz.