30.000 korrikalarik baino gehiagok hartuko dute parte Behobia-Donostia lasterketan
Behobia-Donostia lasterketak 30.000 parte-hartzaile batuko ditu igande honetan, probaren 54. edizioan. Zehazki esateko, 30.912 korrikalari aterako dira Behobiako irteeratik Donostiako helmugara iristeko asmoz. Nahiz eta lasterketak 2015ean jo zuen goia (urte hartan parte-hartzaileak 34.000 izan baitziren), azken bost urteetan korrikalarien kopurua ez da 30.000tik jaitsi.
Kirol-proba antolatzen duen Fortuna Kirol Elkarteak aurtengo lasterketa aurkeztu du astearte honetan, eta, bertako ordezkariek azpimarratu dutenez, gizonezkoen eta emakumezkoen arteko parekotasunera heltzea dute helburu etorkizunean. Hain zuzen ere, Arantza Rojok azaldu duenaren arabera, 2025 urterako espero dute parte-hartzaileen % 50 emakumezkoak izatea, gora baitoa euren izen-ematea.
Kirol arloari propio dagokionez, eta aurreikuspenak aintzat hartuz gero, 2012an garaile izan zen Jaume Leiva katalana da faborito nagusia gizonezkoen artean. Haren aurkari nagusienetakoa joan zen urtean hirugarren sailkatu zen Iraitz Arrospide izango da. Emakumezkoen kategoriari helduz, Aroa Merino iazko irabazleak Diana Martin izango du aurrez aurre garaipena lortu nahian.
Antolatzaileek baieztatu dutenez, Kathrine Switzer irteeran egongo da. Switzer Bostongo maratoia amaitu zuen lehen emakumea izan zen 1967. urtean, hau da, emakumezkoen presentzia lasterketa popularretan baimenduta ez zegoen garaian.
Horrez gain, 20 urte baino gehiagoz luzera-jauziko munduko markarik onenaren jabe izan zen Bob Beamon jauzilari estatubatuarrak lasterketak antolatzen dituen jarduera paraleloetan parte hartuko du. Baita Niurka Montalvok ere, zeina diziplina berean munduko txapelduna izan zen 1999an.
Bata zein bestea Donostian daude aste honetan zehar, Gipuzkoako hiriburuan asteartetik larunbatera egingo den Nazioarteko Atletismo Film Festibala dela-eta.
Zure interesekoa izan daiteke
Euskal ordezkaritzak hainbat domina eskuratu ditu Espainiako Atletismo Txapelketan
Carrascal jauzi hirukoitzean lortutako urreaz gain, Serranok, San Juanek, Larraurik eta Trecetek garaipena lortu dute 4x100 erreleboetan. Manu Quijera ere garaile izan da pertika jaurtiketan.
Eneko Carrascal, aire libreko jauzi hirukoitzeko Espainiako txapeldun berria
Realeko atletak Espainiako Txapelketa irabazi du Malagan, aire librean, 16,50 metroko markarekin, eta lorpen hori neguan lortutako tituluari gehitu behar zaio.
Mikel Arrasatek urrezko domina irabazi du eta Helene Alberdik brontzezkoa Distantzia Erdiko Triatloiko Europako Txapelketan
Lekeitiarrak urrezko domina lortu du (3h10:38), Guillem Montiel ordura arteko kontinenteko txapeldunari minutu bateko aldea aterata.
Martin Segurola eta Irati Mitxelena, protagonista Ordiziako Meetingean
Martin Segurolak Euskadiko errekorra hautsi zuen 800 metroko lasterketan bukaera ikusgarri bat eginda. Irati Mitxelenak, bere aldetik, sei metro eta 77 zentimetroko jauzia lortu zuen, Europako Txapelketan parte hartzeko gutxienekoa.
Markel Fernandez: “Azken bi urte hauek oso onak izan dira; 2028ko Joko Olinpikoetan egotea espero dut”
Markel Fernandezek, abiadura-lasterketetan espezializatutako atletak, palmares zabala du atzean. Lortu duenaz oso harro dago bizkaitarra, baina Los Angeleseko joko olinpikoak ditu begiz jota. Aurretik, ordea, Ordizia Meeting-era joango da, denbora 400m-tan jaisteko asmoz.
Ordizia Meetingaren hamargarren edizioan Altamirako zelaiak edukiera handiagoa izango du
Datorren larunbatean, Jose Antonio Peña Nazioarteko Meetinga zuzenean jarraitu ahal izango da 17:45etik aurrera kirolakeitb.eus-en, 19:45etik aurrera ETB ONen eta 21:00etatik aurrera ETB1en.
Irati Mitxelena: “Gogotsu nago Ordizia Meetingerako; ea espero dudan saltoa ateratzen zaidan”
Ordizia Meetingeko erakargarri nagusietako bat izango da Irati Mitxelena atleta donostiarra. Onenen artean egonkortu da luzeera jauzian, 6’60m-ko saltoa normalizatzea lortu duela adierazi du. Ama ordiziarra izanda, gogotsu dago etxean lehiatzeko.
Noah Lylesek munduko marka hautsi du 150 metroetan: 14.67 segundo!
Atleta estatubatuarrak, egungo 100 metroetako eta 200 metroetako munduko txapeldun olinpikoak, 25 ehunenetan jaitsi du Kishane Thompson jamaikarraren marka.
Antonio Benito eta Alanis Siffert nagusitu dira Zarauzko Triatloian
Gizonezkoetan Antonio Benitok, eta emakumezkoetan, Alanis Siffertek irabazi dute Zarauzko Triatloia. Faboritoen artean zeuden biak, eta ez da sorpresarik egon, hortaz. Hirugarren garaipena du Siffertek Zarautzen; bigarrena Benitok. Gizonezkoetan, lan bikaina egin du Mikel Arrasatek eta bigarren izan da. Emakumezkoetan, Helene Alberdi izan da bigarren.
Asier Martinezek 110 metroko hesidun proba irabazi du Savonan, Italian
Kirolari nafarrak lehen postua lortu du, 13:34ko denborarekin; Lorenzo Simonelli italiarra, Europako indarreko txapelduna, hirugarrena izan da.