Arraun Lagunak nagusi izan da berriro Castron
Lugañene ontziak udako laugarren bandera lortu du eta ez dirudi aurkaririk duenik. Bigarren San Juan izan da 24,34 segundora eta hirugarren, Orio 24,48 segundora. Biek lehen txandan egin dute arraun, haize bortitzak eta itsaso oso mugituak markatutako estropadan.
Arraun Lagunakek udako laugarren garaipena lortu du X. CaixaBank Banderan, denboraldiko laugarren hitzorduan. Castro Urdialesek aurkeztu dituen baldintzak ez dira aproposenak izan arraunean egiteko, baina horrek ez dio eragotzi Lugañene ontziari nagusitasun ukaezina erakustea. Bigarren San Juan izan da 24,34 segundora eta hirugarren, Orio 24,48 segundora. Biek lehen txandan egin dute arraun, haize bortitzak eta itsaso oso mugituak markatutako estropadan.
Horrela, Juan Mari Etxaberen neskek edozein egoeratan lehiakorrak direla erakutsi dute. Castroko gaurko zailtasunek ez diete eragotzi estropadaren burua hartu eta amaierara arte lidergoa mantentzea. Estropadak aurrera egin ahala, gainerako traineruekiko aldeak gero eta handiagoak ziren. Emozioa atzetik ibili da, Tolosaldea eta Astilleroren arteko borrokarekin, segundo pare batera amaitu baitute. Hibaika ere ez da bi hauetatik urruti ibili.
Aldiz, lehenengo txanda izan da uda honetako mugituenetakoa eta zirraragarrienetakoa. San Juanek abantaila pixka bat hartu du lehen luzean, baina ziabogan ia galdu egin du, bere brankak arazoak izan baititu arraunari tinko eusteko, ontzi guztiek jasaten zituzten bat-bateko olatuek sortutako mugimenduen aurrean. Biraketan segundo pare bat galdu dituzte.
Hala ere, Batelerak lehen txanda buruan amaitu dute bukaeran estutasunak bizi izan dituzten arren. Izan ere, Oriok lehen txandako garaipena ia kendu die azken olatu bat aprobetxatuta, eta azken metroetan 9 segundo murriztu ahal izan dituzte. Xanti Zabaletarenak, hori bai, azkenak ere izan dira, bigarren luzearen erdian Maider Echaniz patroiak traineruaren kontrola galdu baitu. Oso gutxigatik ez dira Zumaiarekin kolpatu, garaiz erreakzionatu ahal izan du patroiak.
Oriotarrek bukaeran gora egin eta ia ezustekoa eman dute olatu bati esker. Hirugarren Zumaia izan da eta laugarren, sentsazio onak aurkitzen ez ari den Donostiarra.
Sailkapen nagusiari dagokionez, Arraun Lagunakek jarraitzen du goren-gorenean 32 punturekin, Tolosaldeak baino hamar gehiago. Castron lortutako emaitza onari esker, San Juan hirugarren posturaino igo da Orio aurreratuz. Biek 19 puntu dituzte.
Zure interesekoa izan daiteke
Arraun Lagunaken estropada Caixabank Banderan, minikameratik ikusita
Donostiako ontziak Euskotren Ligako laugarren jardunaldian Arraun Lagunakek irabazitako estropada, ontzi barruko minikameratik ikusita.
Nagore Osoro: “Gauza asko entzuten dira, eta garaipenarekin lasaiago egingo dugu lo"
Arran Lagunakeko patroia pozik agertu da Castroko CaixaBank Bandera irabazi ondoren. Itsaso zakarrarekin, estropada ona egin dutela adierazi du, eta ez dutela "errekan bakarrik" arraun egiten erakutsi dutela.
Arraun Lagunaken azken metroak Petronor Banderan, ontzi barrutik ikusita
Arraun Lagunak taldeak hirugarren garaipena lortu du jarraian Euskotren Ligako lehenengo jardunaldietan. Hauek dira Petronor Banderaren azken metroak, Donostiako ontzi barruko minikameratik ikusita.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.
Amaia Eguren: “Nire estrenoa izan da Euskotren Ligan eta kriston 'subidoiakin' nago"
Arraun Lagunakek sendo jarraitzen du Euskotren Ligako lidergoan denboraldiko aurreneko hiru estropadak irabazita.
Hirutik hiru Arraun Lagunakentzat, Zierbenan ere nagusituz
Orain arte Euskotren Ligan lehiatu diren hiru banderak 'Lugañene'rentzat izan dira, denboraldi hasiera ezin hobea osatuz.
Arraun Lagunaken azken metroak Bilboko Banderan
Arraun Lagunak nagusi izan da Bilboko Banderan ere, 2026ko Euskotren Ligako bigarren bandera bereganatuz. 6 segundoko aldea atera dio helmugan Tolosaldeari, eta 10 segundokoa Hibaikari. Ikusi hemen nolakoak izan diren Lugañenekoen azken metroak.
Garazi Ormazabali eta Malen Eskitxabeli zapore gazi-gozoa utzi die lehen estropadak, Tolosaldea balizan trabatuta geratu ondoren
Garazi Ormazabalen hitzetan, "pena da liga horrela hastea, baina lehen estropada baino ez da". "Alde onarekin geratzen gara, hiru luzetan gainerakoen parean izan ginelako", erantsi du. Malen Eskitxabelen ahotan, "gazi-gozoa izan zen asteburua; ziabogara arte dena oso ondo zihoan".
Ontzia kateatu zaio Tolosaldeari azken ziabogan
Euskotren Ligako lehenengo jardunaldian, Tolosaldeari ontzia kateatu zaio azken ziabogan, eta, hori dela eta, denbora asko galdu du 4. luzean. Ontzia askatu arren, 5. postuan amaitu du azkenean estropada.