Sorpresarik gabe Zarautzen: Orio eta Arraun Lagunak garaile
Ez da ustekabekorik izan Zarauzko Ikurrinaren bigarren jardunaldian. Orio eta Donostia Arraun Lagunak dira Eusko Label Ligako eta Euskotren Ligako trainerurik onenak, hurrenez hurren. Atzo nagusitasun handiarekin gailendu ziren biak, eta gaur beste horrenbeste egin dute Zarauzko Ikurrina bereganatzeko eta nork bere liga erabakita uzteko.
Gizonezkoen proban, Orio 12 segundoko abantailarekin atera da, atzo egindako lan onari esker, baina, sailkapenari begiratu gabe, dena ematera irten da San Nikolas ontzia. Horrela, bada, hasieratik bukaeraraino joan dira buruan, eta ondorengo postuetan ere ez da aldaketarik izan: Zierbena izan da bigarrena, Getaria hirugarrena eta Urdaibai laugarrena.
Emoziorik gabeko estropada izan da. Orioren nagusitasuna nabarmena izan da, eta gainerako traineruen artean ere ez da lehiarik egon. Ziabogaz ziaboga, Iker Zabalak entrenatzen dituen mutilak aldea handitzen joan dira. Halaber, ohi duten moduan, azken luzean erritmoa gogortu dute, eta zuloa areagotu da.
Azkenean, Oriok 19 minutu eta 47 segundo behar izan ditu bigarren jardunaldian lanak bukatzeko eta Zarauzko Ikurrina 12. aldiz eskuratzeko. Zierbena izan da bigarrena (+10), Getaria hirugarrena (+19) eta Urdaibai laugarrena (+19).
Lehenengo txandan, Donostiarra izan da azkarrena (20 minutu eta 4 segundo). Bigarrenean, berriz, Ondarroa ehunengatik gailendu zaio Lekittarrari, eta Kaikuk 50 segundoko atzerapena izan du, lehen ziabogan denbora asko galdu duelako arrauna kateatuta geratu zaiolako.
Emaitza horiek kontuan hartuta, Oriok erabakita utzi du Eusko Label Liga, eta ziurtzat eman daiteke Cabo mailaz jaitsiko dela.
Euskotren Ligari dagokionez, Donostia Arraun Lagunakek bereganatu du Zarauzko Ikurrina, bigarren jardunaldian ere nagusitasun handiz gailenduta. Gainera, atzo baino arinago ibili da Lugañene trainerua, eta estropada eremu horretako marka onena (2016koa) hobetu du, errekor berria ezarrita: 10 minutu eta 29 segundo.
Joana Halsouet patroiak zuzendutako kuadrilla 10 segundoko abantailarekin abiatu da, baina, hala ere, ez dute espekulatu eta indarrean atera dira. Berehala ipini dira buruan, eta aurkariek ez dute inolako aukerarik izan Arraun Lagunak estu jartzen saiatzeko ere.
Maniobraren ostean, 5 segundora zuen Tolosaldea, 4ra Orio eta 6ra Zumaia; eta bueltako luzean, zuloa gehiago handitu da, eta amaieran atzoko sailkapena errepikatu da: Arraun Lagunak, Tolosaldea (+9), Orio (+10) eta Zumaia (+11).
Juan Mari Etxaberen neskek erakustaldia emanda irabazi dute Zarauzko Ikurrina, eta Euskotren Liga bideratuta utzi dute, bukatzeko bi jardunaldiren faltan. Bigarren posturako, berriz, lehia izango dute Oriok eta Tolosaldeak.
Donostiarra da azken-aurrekoa sailkapen nagusian, eta, gaur-gaurkoz, Hondarribia jaitsiko litzateke mailaz.
Zure interesekoa izan daiteke
Orioren estropada Fabrika Banderan, minikameratik ikusita
Oriotar ontziak Eusko Label Ligako zortzigarren jardunaldian Gorka Aranberriren ontziak irabazitako estropada, ontzi barruko minikameratik ikusita.
Gorka Aranberri: “Estropada eroa izan da”
Orioko patroiak San Nikolas ontziaren garaipenaz hitz egin du. Onartu du estropada "eroa" izan dela: "Itsasoaren nibelean jartzen ez bazara, jan egiten zaitu". Gaurko kondizioak arriskutsuak izan direla onartu du, baina "arrauna hau da", esan du.
Joseba Rodriguez: “Tentsio handia egon da hasieratik bukaerara arte”
Orioko arraunlariak lurretik ikusi du gaurko estropada. Estropada estua izan dela esan du eta gaurko garaipenarekin pauso handia eman dutela Eusko Label Ligan. Gaur Zierbenak jarri dizkie zailtasunak, baina "arerioak denak dira". Bi bandera irabazi eta gero Galizian, etxerako bidaia errazagoa izango dela aitortu du.
Orioren estropada Orio Kanpina Banderan, minikameratik ikusita
Oriotar ontziak Eusko Label Ligako bosgarren jardunaldian Gorka Aranberriren ontziak irabazitako estropada, ontzi barruko minikameratik ikusita.
Gorka Aranberri: “Atzo gozatu ez nuena gaur gozatu dut”
Gorka Aranberri, Orioko patroiak, gaurko Orio Kanpina estropadako bizipenak partekatu ditu. Castron mailarik onena ez eman eta gero, etxeko estropadan azkarrenak izan dira. Aranberrik esan du larunbatean bezalako kolpeak “beharrezkoak” direla, bai kirola hobea izateko eta bai bere trainerua lehiakorragoa izateko.
Aranberri: “Basurde zauritua bezala atera gara"
Gorka Aranberri Orioko patroiak onartu duenez, Bilboko Banderan jasotako kolpea ondo etorri zaie Zierbenan "basurde zauritu" bezala atera eta estropada bereganatzeko. Itsasoaren baldintzak ikusita, lan gogorra egin dutela adierazi tu, eta pozik da lortutako emaitzarekin.
Orioren azken metroak Petronor Banderan, ontzi barrutik ikusita
Oriok bigarren garaipena lortu du Eusko Label Ligako hirugarren jardunaldian Petronor Bandera irabazita, Zierbenan. Hauek dira estropadako azken metroak, ontzi barruko minikameratik ikusita.
Orioren azken metroak
San Nikolas ontzia nagusi izan da Buitrago del Lozoyako uretan (Madril), eta Pueblos con Vida Comunidad de Madrid bandera irabazi du Eusko Label Ligako denboraldiko lehen estropadan.
Gorka Aranberri: “Hanka onarekin hasi dugu denboraldia"
Oriok Pueblos con Vida Comunidad de Madrid bandera irabazi du, Buitrago de Lozoyako (Madril) Riosequillo urtegian jokatu den Eusko Label Ligarako lehen estropada puntuagarria, eta garaipena lortzeko faborito nagusi jotzen zuten iragarpenak berretsi ditu.
Gorka Aranberri: “Gogotsu gaude ligari ondo ekiteko, eta erronkak berdinak izan behar dira"
"Bigarren urtea dugu lan era berdinarekin, eta hori nabaritu behar da", azpimarratu du Orioko patroiak. Aurtengo denboraldi hasierako traineruaren maila eta iazkoa desberdinak direla aitortu du Aranberrik. "Gu ezin gara aurkarien begira egon", ohartarazi du.