Oriok bereganatu du Sestaoko Bandera, Eusko Label Liga irabazteko faborito nagusia dela berretsita
Denboraldia bikain hasi du Oriok. Liga hasi aurretik txapelketa ofizial guztiak irabazi ostean, Eusko Label Ligako lehen bi jardunaldietan gailendu dira Gorka Aranberriren mutilak: atzo Bilboko itsasadarrean jokatutako erlojupekoan azkarrenak izan ziren, eta gaur Sestaoko Bandera bereganatu dute. Zierbena izan da bigarrena eta Urdaibai hirugarrena.
Estropada oso parekatuta abiatu da. Orio eta Zierbena parean joan dira une oro, eta lehen ziabogaren ostean, Bizkaiko ontziak aurrea hartu dio, segundo bakarreko aldea aterata izan bada ere.
Pixka bat atzerago, hiruzpalau segundora, Urdaibai eta Donostiarra lehian izan dira, eta bigarren luzean epaileak Bermeoko patroiari ohartarazpena egin behar izan dio, Gipuzkoako ontzira gehiegi hurbildu direlako.
Estropada hirugarren luzean hautsi da. Orio azkarrago atera da bigarren ziabogatik, eta, apurka-apurka, atzean utzi du Zierbena, zazpi segundoko aldea hartzeraino. Gorka Aranberriren kuadrillak ondo kudeatu du abantaila, eta bigarren garaipena lortu du jarraian Eusko Label Ligaren hasiera honetan.
Zierbena izan da bigarrena, bost segundora, baina, une batez, postu hori galtzeko arriskuan egon da; izan ere, Urdaibaik lan ona egin du, eta azken luzean tartea jan dio Zierbenari, helmugan segundo bakarrera sartzeko.
Donostiarrak, berriz, bosgarren bukatu du proba, laugarren tokia kendu baitio bigarren txandan lehiatu den Hondarribiak, ehunenengatik izan bada ere.
Bestalde, gaurkoan, San Juan atzo baino hobeto aritu da, eta bederatzigarren lekuan amaitu du. Lekittarrak, berriz, pott egin du, besteak beste, lehen kaleko baldintza txarren ondorioz, eta berea izan da denborarik okerrena Sestaoko estropadan.
Zure interesekoa izan daiteke
Orioren estropada Fabrika Banderan, minikameratik ikusita
Oriotar ontziak Eusko Label Ligako zortzigarren jardunaldian Gorka Aranberriren ontziak irabazitako estropada, ontzi barruko minikameratik ikusita.
Gorka Aranberri: “Estropada eroa izan da”
Orioko patroiak San Nikolas ontziaren garaipenaz hitz egin du. Onartu du estropada "eroa" izan dela: "Itsasoaren nibelean jartzen ez bazara, jan egiten zaitu". Gaurko kondizioak arriskutsuak izan direla onartu du, baina "arrauna hau da", esan du.
Joseba Rodriguez: “Tentsio handia egon da hasieratik bukaerara arte”
Orioko arraunlariak lurretik ikusi du gaurko estropada. Estropada estua izan dela esan du eta gaurko garaipenarekin pauso handia eman dutela Eusko Label Ligan. Gaur Zierbenak jarri dizkie zailtasunak, baina "arerioak denak dira". Bi bandera irabazi eta gero Galizian, etxerako bidaia errazagoa izango dela aitortu du.
Orioren estropada Orio Kanpina Banderan, minikameratik ikusita
Oriotar ontziak Eusko Label Ligako bosgarren jardunaldian Gorka Aranberriren ontziak irabazitako estropada, ontzi barruko minikameratik ikusita.
Gorka Aranberri: “Atzo gozatu ez nuena gaur gozatu dut”
Gorka Aranberri, Orioko patroiak, gaurko Orio Kanpina estropadako bizipenak partekatu ditu. Castron mailarik onena ez eman eta gero, etxeko estropadan azkarrenak izan dira. Aranberrik esan du larunbatean bezalako kolpeak “beharrezkoak” direla, bai kirola hobea izateko eta bai bere trainerua lehiakorragoa izateko.
Aranberri: “Basurde zauritua bezala atera gara"
Gorka Aranberri Orioko patroiak onartu duenez, Bilboko Banderan jasotako kolpea ondo etorri zaie Zierbenan "basurde zauritu" bezala atera eta estropada bereganatzeko. Itsasoaren baldintzak ikusita, lan gogorra egin dutela adierazi tu, eta pozik da lortutako emaitzarekin.
Orioren azken metroak Petronor Banderan, ontzi barrutik ikusita
Oriok bigarren garaipena lortu du Eusko Label Ligako hirugarren jardunaldian Petronor Bandera irabazita, Zierbenan. Hauek dira estropadako azken metroak, ontzi barruko minikameratik ikusita.
Orioren azken metroak
San Nikolas ontzia nagusi izan da Buitrago del Lozoyako uretan (Madril), eta Pueblos con Vida Comunidad de Madrid bandera irabazi du Eusko Label Ligako denboraldiko lehen estropadan.
Gorka Aranberri: “Hanka onarekin hasi dugu denboraldia"
Oriok Pueblos con Vida Comunidad de Madrid bandera irabazi du, Buitrago de Lozoyako (Madril) Riosequillo urtegian jokatu den Eusko Label Ligarako lehen estropada puntuagarria, eta garaipena lortzeko faborito nagusi jotzen zuten iragarpenak berretsi ditu.
Gorka Aranberri: “Gogotsu gaude ligari ondo ekiteko, eta erronkak berdinak izan behar dira"
"Bigarren urtea dugu lan era berdinarekin, eta hori nabaritu behar da", azpimarratu du Orioko patroiak. Aurtengo denboraldi hasierako traineruaren maila eta iazkoa desberdinak direla aitortu du Aranberrik. "Gu ezin gara aurkarien begira egon", ohartarazi du.