Urdaibai, Eusko Label Ligako txapeldun denboraldiko azken bandera irabazita
Urdaibai da 2022ko Eusko Label Ligako txapelduna. Bermeoko taldeak amaiera bikaina eman dio denboraldiari, igande honetan (irailak 18) Portugaleten El Corte Ingles Bandera irabazita eta ligako titulua bereganatuta.
Erlojupekoan lehiatu dira ligaren bila Urdaibai eta Hondarribia Portugaleteko uretan. Ohorezko txandako lehen luzean parekotasuna izan da nagusi, Oriok, Urdaibaik eta Hondarribiak 4 minutu eta 22 segundoko marka ezarri baitute. Bigarren luzean, ordea, Bermeoko taldeak zuloa ireki du, eta bigarren ziabogan 5 segundo atera dizkio Hondarribiari, 8 Oriori eta 13 Donostiarrari. Hirugarren ziabogan Urdaibaik 6 segundora handitu du Hondarribiarekiko errenta, eta azken luzean erritmoa moteldu gabe, garaipena erdietsi du El Corte Ingles Banderan 19 minutu eta 22 segundoko markarekin; ondorioz,Eusko Label Ligako titulua bereganatu du. Hondarribia (19:30) bigarren izan da, eta Orio (19:36) hirugarren.
Lehen txanda irabazi duen Kaiku (19:47) izan da laugarren estropadan, bosgarren amaitu duen Donostiarrari (19:49) bi segundo aterata. Getariak (19:56) amaitu du seigarren, Zierbenak (20:11) zazpigarren eta Cabok (20:15) zortzigarren.
Eusko Label Ligako sailkapenaren buruan bukatu du Urdaibaik denboraldia, 218 punturekin. Bigarren izan da Hondarribia (215 puntu) Bermeoko taldeak baino 3 puntu gutxiagorekin, eta Donostiarra (200 puntu) hirugarren. Sailkapeneko azkena izan da Ares (51 puntu) eta maila galdu du. Azken-aurreko izan den Lekittarrak (69 puntu) maila gorenari eutsi dio play-offean.
Zure interesekoa izan daiteke
Bederatzi bermeotar, ‘Bou Bizkaia' traineruan
Horietako bat Aitor Gondra patroia da. Gainera, Oier Guenak eta Asier Ruiz de Alegriak denboraldi honetan egin dute debuta gorenean. Argi dute kupoen baldintzak mesede egin diela. Orain arte Bilbo, Castro eta Getxoko banderak astindu dituzte.
Bermeoren azken metroak Getxoko Ikurrinan
Ikusi berriro nolakoak izan diren Euskotren Ligako Getxoko Ikurrinaren azken metroak. Bermeok astindu du bandera.
Jon Salsamendi: “Gaur Bermeo ez da talderik onena izan”
Urdaibako entrenatzailea bere taldearen garaipenarekin pozik agertu da, baina ez du uste Getxoko estropadan arraun egiten onenak izan direnik. Larunbatean itsasoak kendu ziena, baina, bueltan eman die igandean.
Urdaibai kanporatu egin dute, bigarren ziabogako baliza istriborrean uzteagatik
Asier Zurinagak gidatzen duen ontzia deskalifikatu egin dute XVIII. Fabrika Banderan, bigarren ziabogako baliza istriborrean uzteagatik.
Mikel Ojeda, Urdaibaiko arraunlaria: “Zorionez, tosta ondo jartzea lortu nuen, une oso gogorrak izan ziren"
Castroko estropadan bere tosta konpondu behar izan zuen arraunlariak. Aitortu du "urduritasun maila handiko" momentuak izan zirela, baita "ardura handikoak" ere.
Bermeoren estropada Caixabank Banderan, minikamaratik ikusita
Bizkaiako ontziak Euskotren Ligako laugarren jardunaldian Bermeok irabazitako estropada, minikameratik ikusita
Jon Salsamendi: “Merezitako opari bezala hartzen dugu larunbateko garaipena”
Jon Salsamendi Bermeo Urdaibaiko entrenatzailea elkarrizketatu dugu Bilboko bandera irabazi berritan. Garaipena “opari bezala” hartu dute, baina iparra galdu gabe “ohorezko txandan egonkortzea eta banderen lehian sartzea” baitute helburu.
Bermeoren azken metroak Bilboko Banderan
Bilboko Banderaren ezusteko irabazleen azken paladak, minikameratik ikusita.
Asier Zurinaga: “Gaurkoa ikusgarria izan da"
Bermeoko patroia pozarren agertu da eta bere amari eskaini dio Bou Bizkaiak ezustean lortutako garaipena. Bizkaitarrek lau segundo atera dizkiete Orioko faborito nagusiei.
Zurinaga, estatxarekin gertatutakoari buruz: “Zorionez, anekdota batean geratuko da"
Urdaibaiko patroiak onartu du "akats larria eta barkaezina" izan zela, igandean estatxarik hartu gabe irteteagatik 10 segundoko zigorra ezarri baitzieten bermeotarrei. "Pentsa garaipena lortu izan balitz, ezin izango genuen bandera astindu, benetako drama", gaineratu du.