Oriok lehen pausoa eman du Zarauzko Ikurrina eskuratzeko
San Nikolas ontziak 10 segundoko errenta garrantzitsua lortu du Zierbenaren eta Bermeoren aurretik bukatu ondoren, biharko bigarren jardunaldian udako hamahirugarren bandera eskuratzeko.
Oriok gogor jo du. Zarauzko Ikurrinaren lehen jardunaldia irabazi du, eta 10 segundoko aldea atera dio bigarren sailkatuari, Zierbenari, udako bere hamahirugarren bandera bihar erabakita uzteko. Bermeo hirugarren izan da 15era, eta Donostiarrak osatuko du ohorezko txanda, gaur bigarrena irabazi ostean.
Gorka Aranberrik zuzentzen duen taldeak ez du erritmoa jaitsi, eta Eusko Label Liga bigarrenez jarraian irabazi nahi du lehenbailehen. Horretarako, San Nikolas ontzia espekulaziorik gabe atera da garaipenaren bila, eta berehala jarri da estropadaren buruan.
Lehen hiru luzeetan, Bermeok ez die utzi horixkei besteengandik aldentzen, eta 3-4 segundora ibili da une oro. Hala ere, azken luzean, Oriok martxa bat gehiago sartu du, eta Zierbenak Asier Zurinagaren ontzia harrapatu du. Bizkaiko ontziak bigarren amaitzeko lehian aritu dira, eta epaileek ere esku hartu behar izan dute azken metroetan, bandera zuria erakutsiz. Zierbenak Oriok baino 10 segundo gehiago behar izan ditu, eta bigarren sailkatu da azkenean, eta Bermeo lehen sailkatuak bino 15 segundo gehiago behar izan ditu; Getaria laugarren postuan sartu da, oso urruti.
Bigarren txandan, Donostiarrak bere sasoi gozoa luzatu du, eta bihar ohorezko txandan arituko da gaur lortu duen laugarren postuari esker. Arkaitz Diazek zuzentzen duen taldeak duela aste batzuk utzi zuen atzean zuloa, eta indartsu heldu da uda amaierara. Egia esan, gaurkoan ez dute aurkaririk izan euren txandan, eta bigarren luzean dena erabakita utzi dute euren alde. Lekittarra izan da bigarren, Hondarribia eta Ondarroa menderatuta.
Lehen txandan, Aresek sendotasun handia erakutsi du, denboraldi amaieran sailkapena behetik benetan estutzen hasi denean. Galiziarrak nagusi izan dira hasieratik amaierara arte. Atzetik, aldiz, berdintasuna izan da nagusi, Santurtzi, Chapela eta San Juan oso parekatuta ibili baitira. Azkenean, Sotera bigarren geratu da Chapelaren aurretik, eta San Juanek azken luzean behera egin du, eta laugarren bukatu du. Pasaitarrek gero eta hurbilago dituzte sailkapeneko azken tokiak.
Zure interesekoa izan daiteke
Gorka Aranberri: “Hau ez dago erabakita"
Oriok denborarik onena egin du Zarauzko Ikurrinaren lehenengo jardunaldian, eta 10 segundoko aldea atera dio bigarren sailkatuari, Zierbenari; Bermeo, berriz, hirugarren sailkatu da, 15 segundora. Aranberriren ontziak alde polita lortu du igandeko bigarren jardunaldiari begira.
Ibai Camarero, Hondarribiko arraunlaria: “% 100a ematen dugu estropadetan eta emaitzak lortu ditugu”
Hondarribia bosgarren doa Eusko Label Ligako sailkapen nagusian. Ibai Camarero arraunlaria elkarrizketatu dugu eta egindako lanaren ondorio dela azaldu digu. Taldearen gaztetasunaren harira, “traineruan harrobiko hamaika arraunlarirekin” aritzea lortu dutela azpimarratu du, baita pozik dabiltzala ere.
Orioren azken metroak Getariako Ikurrinan
Ikusi berriro nolakoak izan diren Orioren azken metroak Eusko Label Ligako Getariako Ikurrinan, ontzi barrutik ikusita.
Oriok hegan egin du Getariako uretan
'San Nikolas' ontziak 16 segundoko aldea atera dio bere txandako bigarrenari, Zierbenari, eta Hondarribiak sailkapeneko bigarren postua lortu du, 8 segundora.
Orioren azken metroak Pasaiako Ikurriñan
Ikusi berriro nolakoak izan diren Orioren azken metroak Eusko Label Ligako Pasaiako Ikurriñan, ontzi barrutik ikusita.
Ugaitz Astigarraga: “Barrura sartzen ari ginela inertzia oso ona eman diogu olatu pare batekin eta bukaera ona egin dugu”
Eusko Label Ligako hamaikagarren bandera irabazi du Oriok Pasai Donibanen. Ugaitz Astigarragak lehena irabazi du taldearekin, adierazi duenez, “olatu pare batek emandako inertziaren” ondorio.
Orio nagusi Pasai Donibanen ere
Hala, 'San Nikolas' ontziak Eusko Label Ligaren buruan jarraitzen du, 11 bandera eskuratuta, eta eremu horretako marka hobetu du gainera.
Joseba Fernandez: “Gure lanari eusten badiogu merezi dugun tokian jarriko gara sailkapenean”
Eusko Label Ligako hamargarren postuan dago San Juan une honetan. Joseba Fernandez entrenatzaileak azaldu du emaitza hori ez datorrela bat taldearen errendimenduarekin. Egoera dena dela ere, etorkizunarekin baikor agertu da eta larunbateko estropadan "herria arrosez janzteko" deialdia ere egin du.
Etxabetarrak, Getariako Arraun Elkartearen alde lanean
Urrezko ezteiak betetzen ari da Getariako Arraun Elkartea. Joxe Manuel eta Jabier Etxabe, anaiak, sortzaileetako bi dira eta urteak joan, urteak etorri, lanean jarraitzen dute klubean. Iker, euren seme eta iloba, traineruko aurrekalaria da.