Oriok Hondarribia gainditu du hamargarren bandera eskuratzeko
Bestalde, Hondarribiak estropada bikaina osatu du etxeko uretan, eta bigarren sailkatu da.
Oriok ez du erritmoa jaisten Eusko Label Ligan, eta igande honetan ere bere nagusitasuna erakutsi du Hondarribiko XXXIX. Bandera ere irabazita. Bestalde, Hondarribiak estropada bikaina osatu du etxeko uretan, eta bigarren sailkatu da.
Ohorezko txandak betiko gidoia izan du, baina oraingoan Ondarroa eta Donostiarra izan dira bertan. Oriok ez du aurkaririk izan, eta Hondarribiak bigarren txandan egindako denbora gainditzea izan du jomugan. Zierbenak aurre egin ziezaiokeela zirudien, baina saiakera ezerezean geratu da. Hala, Oriok 10. bandera irabazi du, 20 minutu eta 6 segundoko denbora eginda. Hondarribia sailkatu da bigarren, 9 segundora, eta Zierbena izan da hirugarren, 14ra.
Bigarren txandan egon da zeresanik, Hondarribiak eta Bermeok ezustekoa eman baitute. Ama Guadalupekoak aurrea hartu du hasieratik, Lekittarra oso gertu zuela. Bermeo ohi baino makalago ibili da, eta Santurtzi atzean geratu da.
Soterak arazoak izan ditu, brankaria arrauna aldatzen ari zela arraun txikia uretara erori baitzaio. Hondarribiak etxeko urak ondo ezagutzen dituela erakutsi du, eta lehena izan da 20 minutu eta 15 segundoko denbora eginda. Bermeo eta Lekittarra nor baino nor gehiago aritu dira, eta batera bukatu dute estropada. Isuntza nagusitu da azkenean, 6 ehunen gutxiago behar izan baititu helmugara iristeko.
Getariak ez zuen egun ona izan Ondarroako uretan, eta, azken postuetan geratzearen ondorioz, Hondarribiko estropadan lehen txandan irten behar izan da. Beste maila batean dagoela erakutsi du bertan, lehen ziabogaren ostean atzean utzi baititu Chapela, Ares eta San Juan.
Gainera, azken horrek arazoak izan ditu; izan ere, bigarren ziabogan brankaria erori egin da ontzi barruan, eta denbora oso baliotsua galdu du. Hala, Getaria alde handiarekin helmugaratu da lehen postuan, 20 minutu eta 29 segundoko denbora eginda, eta San Juan azkena izan da, 43 segundora.
Zure interesekoa izan daiteke
Gorka Aranberri: “Taldeak beste aurrerapauso bat eman du asteburuan"
Oriok ez du erritmoa jaisten Eusko Label Ligan, eta igande honetan ere bere nagusitasuna erakutsi du Hondarribiko XXXIX. Bandera ere irabazita. Bestalde, Hondarribiak estropada bikaina osatu du etxeko uretan, sailkapeneko bigarren postuan geratuz.
Orioren azken metroak Hondarribiko Banderan
Ikusi berriro nolakoak izan diren Orioren azken metroak Eusko Label Ligako Hondarribiko Banderan, ontzi barrutik ikusita.
Orioren azken metroak Ondarroako Banderan
Ikusi berriro nolakoak izan diren Orioren azken metroak Eusko Label Ligako Ondarroako Banderan, ontzi barrutik ikusita.
Aitzol Elu: “Elkarren artean estutu eta aurrera egin dugu"
Aitzol Elu Orioko arraunlariak Ondarroan lortutako bederatzigarren banderaz hitz egin du, Eusko Label Ligako 12. jardunaldian. Eguraldiak ez diela lagundu adierazi du, baina indarrez eta, "gezurtxo pare batekin", garaipena lortu ahal izan dutela.
26 urteko elkarlana du oinarri Hondarribiak
Euskotren eta Eusko Label ligak Hondarribian jokatuko dira igandean. Ama Guadalupekoa ontzia maila nagusian izan da beti txapelketa horretan, sortu zutenetik. Hiru zutabe nagusi daude lorpen horren atzean: Joxemi Elduaien presidentea, Mikel Orbañanos entrenatzailea eta Joseba Amunarriz patroia. 26 urte daramatzate klubean.
Iosu Zenarrutzabeitia eta Xanet Gimeno, bi belaunaldi Ondarroako traineruaren popan
Gimenok 19 urte ditu eta lau daramatza Antiguako Amaren popan. Zenarrutzabeitiak, aldiz, 44 urte ditu, eta duela 20 urte baino gehiago utzi zuen arrauna, baina iaz herriko trainerura batu zen berriz ere. Ondarroa une gozoan dago, eta larunbatean etxean egingo du arraun.
Iker Zabala: “Denboraldiaren bigarren erdi oso eskasa egin beharko genuke Ligak eskuetatik ihes egiteko"
"Liga erabakita dagoela uste dut, goizegi da esateko, baina abantaila eta errendimendua ikusita, oso zaila da eskuetatik ihes egitea", esan du Orioren entrenatzaileak. "Asteburu izugarria izan da, larunbatean zein igandean trainerua oso ondo ibili da", azpimarratu du. Hala ere, "aurkariek aurrerapauso bat eman dute", ohartarazi duenez.
Zierbenak eta Getariak palak jo dituzte Lekeitioko estropadako helmugaratzean
Bizkaitarrak eta gipuzkoarrak kalez kanpo joan dira eta bata bestearengandik oso gertu helmugaratu dira. Epaileak aldentzeko keinua egin die, baina beranduegi.
Orioren azken metroak Lekeitioko estropadan
Ikusi berriro nolakoak izan diren Orioren azken metroak Eusko Label Ligako Lekeitiko estropadan, ontzi barrutik ikusita.