Santurtzi eta Chapela Eusko Label Ligara igo dira
Santurtzi eta Chapela Eusko Label Ligan lehiatuko dira datorren denboraldian, igande honetan bukatu den play-offean lehen bi postuak eskuratu ondoren.
Sotera, larunbatako estropadan lanak ongi eginda, bigarrena (Chapela) 8 segundora zuela abiatu da. Azken horren eta Arkoteren artean egon da bigarren postua eskuratzeko lehia. Bestalde, Kaiku mirariaren bila atera da, ia minutu erdira, eta Tiran inongo aukerarik gabe zegoen.
Bigarren jardunaldiko estropadan, Kaikuk lehenengoan atera ez zuen grina izan du, eta parez pare lehiatu da Santurtzirekin lehen postua eskuratzeko. Hala, aldea segundo bakarrekoa izan da bigarren ziabogan, baina 5 segundora zabaldu du hirugarrenean, garaipena ziurtatzeko.
Tiran izan da amaitzen lehena, 20:28ko denborarekin. Haren atzetik heldu da Kaiku; 20:13ko denbora egin du eta aurkarien marken zain geratu da. Arkotek, berriz, 4 segundo gehiago behar izan ditu.
Kaikuren lana, baina, ez da nahikoa izan, Chapela 20:08ko denbora eginda helmugaratu baita, datorren denboraldian maila gorenean postu bat eskuratzeko. Estropadako garailea Santurtzi izan da berriz, 20:04ko marka eginda.
Portugaleteko Bandera
Portugaleten lehiatu den denboraldiko azken banderan, Getaria, Hondarribia, San Juan eta Lekittarra atera dira lehen txandan. Getaria eta Hondarribiaren artean egon da lehia, biak parez pare estropada osoan zehar. Gainera, elkarrengandik oso gertu joan dira une oro, 3 metro baino gutxiagora, baina bakoitza bere kaletik. Azkenean, Getaria izan da lehena, 19:49ko denbora eginda. Hondarribia 2 segundora heldu da, San Juan 21era eta Lekittarra 47ra.
Ohorezko txandan, Donostiarra, Urdaibai, Zierbena eta Orio atera dira. Zierbenak hartu du aurrea hasiera batean, baina gutxi iraun dio. Azken luzeetan, Orio izan da gidari, eta irabazlea azken unera arte erabaki ez den arren, Aranberriren trainerua izan da garailea 19:40ko denbora eginda. Zierbena 2 segundora heldu da, Urdaibai 20ra eta Donostiarra 29ra.
Hala, Oriok irabazi du Portugaleteko Bandera, eta, ondorioz, Eusko Label Ligako 16. bandera eskuratu eta errekor guztiak hautsi ditu.
Zure interesekoa izan daiteke
Euskotren eta Eusko Label ligetako lehen estropada, Buitrago del Lozoyan
Aurtengo arraun denboraldia Buitrago del Lozoyan abiatuko da, Madrilen, estropada berezi batekin. Lehen hitzordu hori ekainaren 28an izango da. Astearte goizean egin dute aurkezpena.
Mikel Olazabalek Airean saria jaso du
EITBKirolak lantaldeko kazetaria saritu du Euskadiko Irrati eta Telebistako Profesionalen Elkarteak. Mikel Olazabalek erretiroa hartuko du laster, eta 42 urteko ibilbide profesional luzearen ondoren saria jaso du. Kirol zuzendaria izan da urte askotan ETBn, eta udan estropaden ahotsa eta aurpegia zen.
Orio eta San Juan nagusi Euskadiko Batel Txapelketan
Orio eta San Juan nagusitu dira Euskadiko Batel Txapelketan, Sestaon jokatutako estropadetan garaipena lortuta. Gizonezkoetan, Orio Kaiarriba baino 3 segundo lehenago helmugaratu da, eta 6 segundora sartu da hirugarrena, Zierbena. Emakumezkoetan, San Juan izan da Gipuzkoako 3 klubek osatu duten podiumeko gorenean, eta Zarautz (bigarren) eta Hibaika (hirugarren) izan ditu ondoan.
Hondarribia, olinpiar erako arraunean erakutsitako mailarekin pozik
Asteburu honetan amaitu da estatuko olinpiar erako arraun ligaren lehen edizioa. Hondarribia da gizonezkoen eta emakumezkoen zortzikotearekin parte hartu duen euskal talde bakarra.
Unai Emery eta Hondarribia A. E. lankidetzan arituko dira
Unai Emeryren eta Hondarribia arraun elkartearen arteko lankidetza hitzarmena aurkeztu da. Lortutako akordioa hasiera batean hiru urterako da, baina urte askoz gehiago jarraitzeko asmoz sortu da. Aston Villako entrenatzailea, arrantzalea txikitatik, zoriontsu agertu da.
Eusko Label eta Euskotren Ligak ekaineko azken asteburuan hasiko dira Madrilen
Galizian bi asteburuz lehiatuko dira; uztailaren 17-18an eta abuztuaren 29-30ean. Euskotren Liga abuztuaren 22-23an amaituko da Zarautzen eta Eusko Label Liga irailaren 19-20an Bermeon eta Portugaleten.
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.