Hondarribiak eta Tiranek aurrea hartu dute playoffetako lehen jardunaldian
Hondarribiak emakumezkoetan eta Tiranek gizonezkoetan egin dituzte denborarik onenak Eusko Label Ligako eta Euskotren Ligako playoffetako lehen jardunaldian. Lehia Bermeoko uretan jokatu dute.
Eusko Label Ligakoan, galiziarrekin batera Zarautz izan da trainerurik onena, eta eurek egin dituzte denborarik azkarrenak. Lehia oso estua izan da parte hartu duten bost traineruen artean. Guztiak bost segundoko tartean helmugaratu dira.
Moañako ontziak denborarik kaskarrena egin du lehen ziabogan, baina azkenean estropada irabazi du Zarautzi 70 ehunen sartuta. Samertolameu minutu eta 48 ehunenera sartu da, Pedreña bi segundo eta 90 ehunenera eta San Pedro lau segundo eta 66 ehunenera.
Playoffa igandean Portugaleten jokatuko duten bigarren jardunaldian erabakiko da.
Euskotren Liga
Emakumezkoetan, berriz, Hondarribia izan da onena playoffetako lehen jardunaldian eta aurretik jarri da Euskotren Ligan duen lekuari eusteko borrokan.
'Ama Guadalupekoak' dena eman du bigarren luzean eta Tolosaldeak zuen hiru segundo aldea iraultzea lortu du. Helmugan, bi segundo atera dizkio playoffean izango duen arkari nagusiari.
Ondorioz, Hondarribiak lau puntu lortu ditu, Tolosaldeak hiru, Hibaikak bi eta Cabok bat.
Zure interesekoa izan daiteke
Orio eta Arraun Lagunak Espainiako txapeldun, iragarpen guztiak beteta
San Nikolas ontziak bigarren luzean hautsi du estropada, eta 17. aldiz irabazi du gizonezkoen titulua, Kaiarriba Donostiarra eta Zierbenaren aurretik. Emakumezkoen modalitatean, Lugañenek Espainiako titulua irabazi du hirugarrenez, Astillero eta Perilloren aurretik.
Euskal traineruak Espainiako Txapelketako finalean izango dira
Espainiako txapelketan parte hartzen ari diren lau euskal ontziek finalerako txartela lortu dute. Emakumezkoetan Arraun Lagunakek egin du denborarik onena, eta gizonezkoetan, Oriok. Igande goizean jokatuko dira finalak.
Asteburu honetan jokatuko da Espainiako Traineru Txapelketa, Moañan
Lau euskal traineru arituko dira: Donostia Arraun Lagunak, emakumezkoen modalitatean, eta Orio, Kaiarriba Donostiarra eta Zierbena, gizonezkoenean. Bi jardunaldi jokatuko dira. Igandekoa, zuzenean ikusi ahal izango da EITBren bitartez, beti bezala, kirolakeitb.eus atarian eta ETB1en, 12:00etan.
Lau euskal traineru arituko dira Espainiako Txapelketan Moañan
Donostia Arraun Lagunak emakumezkoen modalitatean arituko da, eta Orio, Kaiarriba Donostiarra eta Zierbena gizonezkoenean.
Xubane Uribarrena: “Banderak irabazten jarraitu nahi dugu, askorentzat aspergarria den arren"
Arraun Lagunakeko arraunlaria bakarra da 2015etik traineruan jarraitzen duena. Gogor lan egin dutela nabarmendu du, eta asmoa banderak irabazten jarraitzea dela.
Orio eta Arraun Lagunak, Euskadiko txapeldun
Gorka Aranberriren mutilek ez dute hutsik egin eta aurreikuspenak bete dituzte igande honetan Getarian, gizonezkoen estropadan. Arraun Lagunakek gauza bera egin du emakumezkoen lehiaketan.
Jon Urresti: “Horrelako txapelketak ez dira askotan irabazten, pisu handiko bandera da"
Jon Urresti Orioko traineruko arraunlaria pozik agertu da Euskadiko Traineru Txapelketa irabazi ostean. Gainera, bere herrian irabazi dute, Getarian, eta berarentzat "pisu handiko" bandera dela nabarmendu du.
Oriok irabazi ditu Lekeitioko bi banderak
Euskadiko Txapelketaren bezperan Lekeition jokatu den estropadan, Orio nagusitu da bi kategorietan. Emakumezkoetan, Xanti Zabaletak zuzendutako traineruak 14 segundo atera dizkio Hibaikari eta 23 Zumaiari. Gizonezkoetan, berriz, Oriok 9 segundo atera dizkio San Juani eta 11 Zarautzi.
Euskadiko Traineru Txapelketa jokatuko da igande honetan Getarian
Dozena bat ontzik parte hartuko dute denboraldiko bigarren hitzordu ofizialean, aurreko asteburuan lurraldeko txapelketak egin ostean. ETB1en eta kirolakeitb.eus-en zuzenean ikusteko aukera izango da.
2026ko Euskotren Ligako egutegia
Emakumezkoen txapelketa ekainaren 28an hasiko da ‘Canal de Isabel II’ Banderarekin, eta abuztuaren 23an amaituko da, Zarauzko XVIII. Ikurrinarekin.